ลาบนกเป็ดน้ำสูตรโบราณ

[บ่าวบาน]

ได้นกเป็ดน้ำมาสามโตได้มาใหม่ ๆ เลยครับลุงข่างบ้านเลาไปดักตาข่ายมาตะหนองปลาไหล


ขั้นแรกกะแยกชิ้นส่วนก่อนครับ




แยกเอาเนื้อและกระดูกออกครับส่วนเนื่อกะฟักหั่ยละเอียด




กระดูกกระต้มเฮ็ดน้ำชุบครับ




ส่วนเนื้อกระคั้นไส่น้ำบักนาวแล้วกระแยกน้ำที่คั้นได้ส่วนเนื้อกะปั้นเป็นก้อนต้มไส้กับหม้อต้มน้ำชุบครับ




จากนั้นกะเอาน้ำที่คั่นได้ไปเอาะให้สุก





ตักเอาเนื้อก้อนที่ปั้นไว้ออกจากหม้อพร้อมกับหนังและเครื่องในครับนำก้อนเนื่อไปตำให้เป็นผุยๆส่วนหนังและเครื่องในกะซอยไส่ครับ




จากนั้นกะนำเนื้อที่ตะไว้มาไส่ในนำที่เอาะไว้ปรุ่งรสด้วยน้ำปลาแดกน้ำปลาผงนัวผักชีหอมบักนาวเป็นอันเสร็จครับ




หนี่หละลาบนกเป็ดน้ำสูตรโบราณ
มาเด้อกินเข่านำกันครับ

[บ่าวบาน]

เอ่ารูปคือบ่ขึ้นไผฮู้บอกแน้เด้อครับ

[lungyai1123]

ขอบคุณครับคือสิแซบเนาะบ่าวบานมื่อหน่าเอิ้นแนเด้อบ่าว

[สาวหนองคาย]

มาเป็นตาแซ่บแท้แม้ลาบ จํ้านำจักคำแนจ้า

[ณัฐ ภูไท]

จํ้านำแหน่ลาบนกเป็ดนํ้าเป็นตะแซ่บอยู่ดอกอันแนวบ่ค่อยได้กินเนาะนกเป็ดนํ้านานๆๆๆจังมีให่ได้กินได้เนาะได้ผักสะเดากินแก้ลมคักสั่นแหล่วน้อครับ

[คนตระการ...]

ลาบสามโตเลยติครับ แสดงว่ากินกันวงใหญ่เนาะ เป็นตาแซบคัก

[pcalibration]

นกเป็ดน้ำนี่ถือเป็นสัตว์สงวนบ่..ครับท่านผู่ส่อยเอ๋..(เรื่องแซบบ่ต้องพูดถึงเลยครับ)
"เฒ่าสิตายอยากกินลาบกระต่ายมันแหม่นของหาง่ายซั่นบ๊อเฒ่าสิตาย"

[ร้อยหมื่นพันไมล์ไกลบ้าน]

เข้ามาลอกสูตรเคยเห็นเป็ดสดร้านเอเชียมาขายค่ะ
ถ้ามีอีกสิเอาทำเฮ้ดลาบส่งเด้อค่ะ

[อีหยังสิปานนั้น]

เคยเห็นอีพ่อเผิ่นเฮ็ดให้กินยุ คับ ตั้งแต่น้อยๆพู้นละ
แต่วัตถุดิบ เป็ดน้ำ ข้าน้อยวา หา ย๊าก ยาก
สุมื้อนิ แนวนี้ พอสิแทนกันได้ บ่ หน่อ ครูบา .....

นก กวัก แถวข้าน้อยอยู่ พอได่กินยุ คับ

เป็ดไข่ กากีแคมเบล

[หมูหวาน]

ลาบแล้ว รสชาติ คือเป็ด คือ ไก่ นิบ่จ้า เป็นตาแซ่บเนาะ แดงดีแท้พริกเป็นตาเผ็ด อิอิ