ซุปบักเขือ ไข่ต้ม ต้มส่มปลา มากินนำกันเด้อจ้า

[พวงพยอม]

สวัสดีจ้าพี่น้องบ้านมหาทุกท่าน

พวงพะยอมไปตลาดได้ปลา catfish มา3ตัว(ปกตินางสิบ่กินเนื้อวัวจ้า)
มีผักสดในตู้เย็น หอม กระเทียม พริกแห่ง พริกสดเม็กซิกัน หัวคิงไค ต้นหอม ผักชี มะเขือเทศ มะนาว บักเขือยาว จั้งซั่นก่อลงมือเฮ็ดแนวกินกันเล้ยน้อจ้า
วิธีทำ
1. เตรียมคัวปลาใส่เกลือล้างออกให้หมดคาว สับเป็นต่อนๆ
2. หั่นต้นหอม มะเขือเทศ หัวคิงไค
3. ปอกเปลือกหอม กระเทียม พริกแห่ง พริกสด เอามาเสียบไม้เอาไปย่างในเตาอบพร้อมบักเขือยาว
4. ตั้งหม้อพร้อมกัน3ใบ ต้มไข่ ต้มปลาหนึ่งตัว
ไว้ซุปบักเขือ ต้มส่มปลา
5. วิธีต้มไข่ยางมะตูม ใส่ไข่หลังจากน้ำเดือด
ตั้งเวลา 8นาที เอาไข่ไปแช่น้ำเย็นก่อนปอกเปลือก
6. เอาพริก หอม กระเทียมที่เผาไว้แล้วใส่ครกเทียแรกใส่พริกแห้ง หัวคิงไค หอม กระเทียม สำหรับต้มส่มปลา เทียสองใส่พริกสด หอม กระเทียมสำหรับซุปบักเขือ
7. หม้อต้มส่มปลา ใส่พริกแกงที่ตำแล้วลงตอนน้ำเดือด ใส่ต่อนปลาลงไปอย่าคนเด้อจ้า สิได้บ่คาว พอปลาสุกใส่มะเขือเทศ ต้นหอม ผักชี
ยกหม่อลง ปรุงด้วยน้ำปลา น้ำมะนาว น้ำปลาร้า
8. หม้อต้มปลาอีกหม้อต้มเทิงโตบ่ต้องสับ ใส่หัวคิงไคไปนำ กับน้ำปลาร้า สุกแล้วเอาเนื้อปลามาแกะออกเอาไปตำกับพริกที่โขลกไว้
9. บักเขือยาวที่เผาสุกแล้ว ลอกเปลือกออก เอาไปสับๆก่อนเอาไปตำกับเนื้อปลาในข้อที่8
ปรุงรสด้วยน้ำปลา ข้าวคั่ว บีบมะนาวใส่จั้กน้อยเนาะจ้า
10. หั่นไข่ต้มจัดวางใส่จานจ้า

[พวงพยอม]

[img]http://img14.google.co.th/img14/4836/img49831k.jpg[/im]

[siranee]

ข่อยสิแล้วแลงอยู่นี้ละจ้าแลงนี้
ให้กินนำแน่เด้อคะเป็นตาแซบ

[lungyai1123]

ว้าวววววสุดยอดเยกำลังคึดหาแนวอยู่แนวกินพอดีเลยได้เมนูอารแลงพอดีครับ

[พล พระยาแล]

ลุงใหญ่ ๆ อย่าคุ้ยคำใหญ่หลาย มันสิบ่อิ่มกัน 5555555

[ร้อยหมื่นพันไมล์ไกลบ้าน]

เปิดมาเห็นกับข้าวพี่พวงพะยอมท้องฮ้องจ้อกๆเลยค่ะ
พี่ต้มไข่ได้ยางมะตูมพอดีๆ มักไข่ต้มแบบนี้หล่ะค่ะ
ได้สูตรแล้ว ขอลอกสูตรไข่ต้มพี่เด้อค่ะ อิอิ

[บ่าวฮำแหล่]

I like soup""






.

[หนุ่มโบ้]

ซักผ่าแล่วพอดี เปิดมาเห็นกะหิวเข่าอีกซันตั๊วบาดนี มีแต่มาม่าแล๋วบาดนี จัก2ฮอก่อนนอนคือซิมีแฮงหลายพีน่องแม่วเอ้ยยยย ว่าแล่วกะจัดการต้มน่ามก่อนดอก บ่อก่าลงรูปอยากอายวิธีการเฮ็ด อิอิ..

[สาวหนองคาย]

มาเปิดพ้อกับข้าวบัดสินอน มาอยากกินข้าวแท้น้อเอื้อย ซุปบักเขือสีม่วงน้องบ่เคยซุปจักเทือ
เทือหน้าต้องลองเบิ่ง เป็นตาแซ่บเหมิ่ดทุกอย่างเอาโลด อยากกินข้าวยามดึกนอนหลับบ่น้อมื้อนี้

[ณัฐ ภูไท]

เห็นซุบหมากเขือแล้วกะหิวข้าวแต่เช้าแท้มื้อหนิพี่พวงพะยอมเอ็ดได้น่ากินเนาะซุบหมากเขือม่วงผมเคยเอามาซุบคือกันแต่กะบ่แซ่บคือหมากเขือบ้านเฮาแต่ของที่พี่ซุบนี้น่ากินหลายครับกินกับใข่ต้มเข่ากันคักสั่นแหล่ว ปลาคือปลากดทางบ้านเฮาเนาะเอามาทำห่อหมกกะจักว่าแซ่บคือกันเนาะครับ