เมนูวันหยุด...แหนมเนือง

[ร้อยหมื่นพันไมล์ไกลบ้าน]

แหนมเนือง

เมนูวันหยุด ผักหลายๆเนาะค่ะ สูตรก็เอามาจากเวบเก็บสูตรไว้จนบ่ฮู้ใครเป็นเจ้าของสูตรแล้วเนาะค่ะ แต่ขอขอบคุณเจ้าขของสูตรหลายๆคือกันสูตรนี้หมูเด้งย่างแล้วหอมๆค่ะ

สูตรหมูย่างสำหรับทานแหนมเนือง

- หมูบดติดมัน 1 กิโลกรัม
- กระเทียมสับค่อนข้างละเอียด 2 ช้อนโต๊ะ (แนะนำสับด้วยมีดค่ะ อย่าบดด้วยเครื่อง)
- Alsa baking powder 2 ช้อนชา , (เบคกิ้งเพาเดอร์ธรรมดาก็ได้ค่ะ)
- น้ำสะอาด 4 ช้อนโต๊ะ
- เกลือ 1/2 ช้อนชา
- น้ำปลา 2 ช้อนโต๊ะ
- น้ำตาลทราย 4 ช้อนโต๊ะ
- พริกไทยป่น 1 ช้อนชา (ใครชอบเผ็ดเพิ่มได้ค่ะ)
- น้ำมันพืช 1 ช้อนโต๊ะ
- แป้งข้าวโพด 1-2 ช้อนโต๊ะ

วิธีทำ

- นำหมูบดติดมัน (เย็น) ผสมเครื่องปรุงทั้งหมด (ยกเว้นแป้งข้าวโพด) จากนั้นนวดให้เหนียวและเครื่องปรุงเข้าเนื้อกัน
- นำหมูที่ปรุงปิดด้วยพลาสติกแร็พให้สนิท แช่ในตู้เย็น 1 คืน ,
หรือไม่อยากรอก็กะประมาณ 2-3 ชั่วโมง
- ก่อนจะนำมาย่างเติมแป้งข้าวโพดแล้วนวดให้เนื้อหมูเนียน -
เหนียวอีกครั้ง ย้ำนิดนึงต้อง เนียนและเหนียว
ลักษณะที่ได้จะเหนียวหนึดคล้ายเนื้อสำหรับทำลูกชิ้น

**ขะน้อยแอบนอกสูตรปั่นทั้งหมดรวมกัน แช่ตู้เย็นข้ามคืนแล้วค่อยมาย่าง หมูจะเหนียวปั้นง่ายขึ้นเวลาปั้นย่างค่ะ



จัดทุกอย่างของเครื่องแนมแหนมเนือง
มีกล้วยดิบหั่น สับปะรดั่น แตงกวาหั่น ขนมจีน ผักแนม น้ำจิ้ม แผ่นห่อแหนมเนืองแช่น้ำให้นิ่ม หมูแหนมเนืองที่ย่างสุกแล้วหั่นเต๋าค่ะ


จัดเป็นคำๆง่ายต่อการห่อค่ะ


โหม่มเลยค่ะ อิอิ

[อ้ายแอว]

คักหลายน้อ เข้ามาดู๋ๆคือสิอ้วนเป็นหมูเนาะพี่น้อง มีตาแนวเป็นตาแซบ ขอบคุณหลายๆเด้อ

[สาวหนองคาย]

มาเฮ็ดเป็นตาแซ่บแท้จ่้า มันสิบ่อ้วนเบาะน้อบัดทินิ:,1-:,1-

[พวงพยอม]

เป็นตาแซ่บหลายจ้าน้องหน่อย มื้อใด๋ว่างเฮานัดไปตักบาตรอยู่วัดกันน้อ ปกติพี่จะหยุดงานคือวันอังคารกับวันอาทิตย์ แต่สิไปใส่บาตรวันอังคารหลายกว่าเพราะบ่ค่อยมีคนไป วันอาทิตย์คนเอาอาหารไปหลายเพราะพาลูกเต้าไปเรียนหนังสือจ้า

[ณัฐ ภูไท]

เฮ็ดได้น่ากินอีกแล้วอาหารว่างชุดนี้กินหลายกะบ่อ้วนดอกเนาะเพราะว่าเน้นกินผักหลายๆๆบ่ตอ้งย้านอ้วนเป็นตะแซ่บจ๊ะหนอ่ยเฮ็ดกับข้าวกับแกล้มได้เก็่งยุครับ

[เซียงเหมี่ยงเมืองสุรินทร์]

เซียงเหมี่ยงฯ มักคักครับเอื้อย แหนมเนือง...
ตอนเฮ็ดงานอยู่ลาว ช่วงกลับบ้าน ซื้อจาก อุดรฯ กลับมากินประจำ...
เอื้อยบ่ได้อยู่บ้านเฮา กะยังเฮ็ดอาหาร ทุกอย่างได้กินเนาะครับ ผักสด ๆ นี่จัดเต็มเลย จากสวนครัวหลังบ้านแหม่นบ่ครับ...

[หนุ่มลาวสาวขะแมร์]

เอื้อยคนผู้ดีเฮ็ดเมนูได๋ๆ กะมีแต่แนวเป็นตากินเนาะครับ เมนูวันหยุดสิกลายเป็นกับแกล้มไปซะละ

มักกินอยู่ครับแบบนี่สีชมพู ทางผมอยู่หลายแต่แหนมสีแดงครับ บ่ค่อยมั่นใจปานได๋

[lungyai1123]

ของเก่ามาเล่าใหม่กะดีคือกันได้นำมาปัดฝุ่นนำแซบนำกะดีคือกันเน๊าะ

[suny]

เมนูนี้กินยามได๋กะแซบครับ ได้กินผักหลายๆอย่าง.....เห็นภาพแล้วสมเป็นแม่ครัวอีหลีเฮ็ดเป็นซุอย่าง อิอิอิ

[วัฒนชัย หาริโร]

ออยมาเบิ่งแล้วกะหิวข้าวเด้บาดนิ ขอนำจั๊กคำแหน่เด้อครับเอื้อย