จำใจลาบ้านมหาที่แสนฮักจั้กสองเดือนเด้อจ้า

[พวงพยอม]

ด้วยพวงพะยอมมีภาระกิจต้องอ่านตำราเตรียมสอบธรรมศึกษาตรีในวันที่ 28 เมษายน 2556
ณ วัดวชิรธรรมปทีป นครนิวยอร์ค ทำให่บ่สามารถโพสต์กระทู้ต่างๆที่แสนฮักได้ชั่วคราว
ขอขอบพระคุณในน้ำใจไมตรีอันอบอุ่นของพี่น้องบ้านมหาทุกท่านอย่างสูงเด้อจ้า สอบแล้วพวงพะยอมสิแจ้งผลการสอบให่ทราบว่าผ่านหรือบ่ผ่านจ้า ขอกำลังใจให้ผู้เฒ่าจั้กน้อยน้อจ้า

อีกประการหนึ่งดีใจหลายจ้าที่คุณพล พระยาแลเพินแวะไปยามถามข่าว เลยขอแจ้งให่พี่น้องทราบว่าแม่ครัวพวงพะยอมเกิดอุบัติเหตุในระหว่างการเฮ็ดแนวกินจ้า แบบว่าถ่ายฮูปไปนำเฮ็ดไปนำ เกิดการตีลังกาของไอโฟนได้ตกกระเด็นลงไปในหม่อต้ม ฟ่าวตักขึ่นมารักษาพยาบาลแบบต้องเข่าห้องฉุกเฉินด่วน โอ้ย อาการสิเป็นจั้งใด๋ยังบ่ฮู้เล้ยจ้า เพราะเอามาถ่ายต่อมันก่อมืดดำปึ้ดปื่อ บ่เห็นภาพอีหยังเล้ยจ้า เว่าให่หมู่อยู่ที่ทำงานฟัง เขาพากันฮ้องวา Oh! My God
Is Siree going to die? เพินหมายถึงแม่ใหญ่สิรีในไอโฟน4S ที่สามารถเว่าตอบคำถามกับเฮาได้ทุกแนวจ้า
เพินย่านเลาตายแบบบ่ฟื้น แหล่วพวงพะยอมสิบาปบ่หละเทือนี้พี่น้องถ่าเลาเกิดตายขึ่นมา ฝรั่งนี่ก็ดายเนาะ สรรหาแนวมาให่หัวขวนกันได้ไปอีกมื้อหนึ่งจ้า

[ลุนนี ศรีเกษ]

นธ.ตรี บ่อยากดอกจ้า ขนาดประสานมิตรหินกว่านี้กะยังจบ ได้แน่นอนจ้า ขออวยพร(จากรุ่นพี่ประสานมิตร)ให้สำเร็จนะคะ

[คนจนผู้ยิ่งใหญ่]

Oh! God โอกาสหน้าฟ่าวมาพบพ้อกันใหม่
สอบให้ได้นักธรรมสูงๆเด้อครับ

[พวงพยอม]

สวัสดีจ้าคุณพี่ลุนนี

น้องร่วมสถาบันดีใจหลายที่ได้ฮู้จักคุณพี่เด้อจ้า ขอฝากเนื้อฝากโตซอยแนะนำน้องแน้น้อจ้า:*-

[พวงพยอม]

สวัสดีจ้าคุณคนจนผู้ยิ่งใหญ่

55555ขอบคุณที่เฮ็ดให่ผู้เฒ่าหัวได้เด้อจ้า แหล่วสิฟ่าวกลับมาใหม่จ้า:*-กับคำอวยพรน้อจ้า

[siranee]

แม่ใหญ่สิรีเลากลายเป็นมิดซี่รีเลยติคะ
เอาใจซ่อยเด้อจ้า คือสิบ่เกินความสามารถ
ของพี่พวงพะยอมคนเก่งดอกคะ :l-

[ฅนภูค่าว]

ฅนเก่งกะเก่งคือเก่านั่นหละ 100%ฉลุยยูแล้ว ขอเป็นกำลังใจให่ สิถ่าฉลองกับควมสำเร็จ อีกสองเดียนบ่โดนดอก สิกินเข่าบ่ายบักขามถ่าแนวกินแซบๆๆๆๆๆเด้อ....

[พล พระยาแล]

โอ้ ขอบพระคุณครับเอื้อยที่กรุณาเอ่ยนามผม มีแต่คนว่าคือเอื้อยล่ะครับ ยามผมไปยามไผในไฮ 7 เพิ่นกะรู้สึกดีใจปานถึกเลขรางวัลที่ 1 กะบ่ปานพะนะครับเอื้อย.....ฮ่วย ๆ อย่าฟ้าวจกคอฮากเด้อล่ะ เว่าเล่นซือ ๆ ดอก .....ก๊ากกกกก

ขอให้ผ่านพ้นไปด้วยดี ถ้าผ่านแล้วบอกพี่น้องแนเด้อครับ สิได้ต้มไก่ไว้ถ่าฉลองครับ....ฮิ้ววววววว

[suny]

เป็นกำลังใจให้เด้อครับ ขอให้ผลการสอบสำเร็จด้วยดีตามใจปรารถนาครับ ยังรอติดตามผลงานอยู่ครับ

[พวงพยอม]

สวัสดีจ้าน้องsiranee

แม่ใหญ่สิรีเลาอาการหนักอยู่จ้าเพราะแม่ใหญ่พวงพะยอมเฮ็ดเลาตกหม่อน้ำปลาแดก
ขอบคุณหลายสำหรับกำลังใจเด้อจ้า