ดอกคูณริมทาง...

[commo]

มื่อวานนี่ ขี่รถกลับบ้านตอนแลงหลังเลิกงาน เห็นต้นคูณข้างทางออกดอกเหลืองอร่ามแล้ว เลยฮู้สึกว่ามันผิดปกติ เพราะนี่หัวก่าสิต้นเดือน มีนา ต้นคูณออกดอกเกือบเหมิดแล้ว เพราะปกติมันสิออกดอกประมาณปลายเดือน มีนา ไปฮอดช่วงสงกรานต์พอดี เลยเก็บรูปมาฝาก พร้อมกับนึกหวั่นๆในใจว่าฤดูกาลของโลกเฮามันได่เปลี่ยนแปลงไปแล้ว สงกรานต์ปีนี้สิมีดอกคูณประดับกองทรายบ่น้อ มันคือออกดอกเร็วแท๊ กะยังว่า...





















ฝีมือถ่ายฮูปกะพอกะเิทิน ถ่าบ่ะงามกะขออภัย ใซ้กล้องตกกระป๋องถ่าย พอได่เบิ่งแยงนำกันเนาะครับ....

[พ่อใหญ่เซียงเบ้า]

อนาคตมื้อหน้า บ่แน่ดอกคูนอาจสิบานตอนเดือนมกราคมครับ
ประเพณีที่พ่อแม่พี่น้องเคยพาเฮ็ดพาทำอาจสิคลาดเคลื่อนไป เพราะ
อากาศและฤดูกาลมันเปลี่ยนไปครับ

[kamatep]

งามคัก คึดฮอดบ้านเด้น้อ ปานได๋น้อสิปิดเทอมซะละนอน้อน่อ

[พล พระยาแล]

ไสล่ะเสียงแคน มีดอกคูณแล้วกะต้องมีเสียงแคนซั่นดอกเนาะ

[พวงพยอม]

งามหลายจ้า ดอกคูนสีเหลืองอร่าม ถ่ายภาพได้งามจ้า

[commo]

อ่ะอ่ะอ่ะ...อ้ายพี่พล เป่าให่แหน่ะ เป่าบ่เป็นขะน้อย...

[ไผ่หวาน]

แมนยุค่ะ ปีนี้เป็นสีแปลก ๆ กลับบ้านปีใหม่ทุกเทือ สิสอยดอกสะเดากลับมานำทุกครั้ง แต่ปีใหม่ปีนี้ ใบบ่ทันหล่นยุค่ะ

[คนตระการ...]

ป้าดดด งามๆๆๆ พวกแม่หญิง อย่าพากันไปเล่นหมากคูณเด้อ ผุ่เฒ่าเพิ่นว่ามันขะลำ..

[pcalibration]

ฤดูกาลบ่เคยเปลี่ยนดอกครับ...ยังคงมี ฮ้อน ฝน หนาว คือเก่า (เพียงแต่ มากน้อย ช้าเร็ว)
และอากาศวิปริตผิดยามท่นั่น..กะเลยทำให้ต้นไม้และพืชพรรณธรรมชาติหลงทีป
สังเกตุว่าถ้าปีได๋ฝนมาหล่าหรือตกจนเลยออกพรรษาบ่ทันเซาผักกะเดาสิบ่ยอมหล่นใบ หรือถ้าฝนมาเร็วเกิน ไปเร็ว แล้งเร็ว ทำให้ต้นไม้บางชนิดหล่นใบ
และออกดอกไปตามสภาพความแห้งแล้ง.(หลงฤดู).
สังเกตุได้จาก ต้นคูณ ต้นมะม่วงและต้นสะเดา ที่ออกดอกเร็วหรือช้าในแต่ละปี