ผลิตภัณฑ์โอทอป บ้านโนนบก อำเภอตระการฯ

[คนตระการ...]

...สาดต้นกก...
อยู่ในหมู่บ้านหลายปีแล้วที่ชาวบ้านได้พากันต่ำสาด(ท่อเสื่อ)
แต่ก่อนกะเฮ็ดไช้เองในครอบครัว หลังจากนั่นมากะได้เฮ็ดขาย
ว่างจากทำนากะต่ำสาด บางคนกะขึ้นจากทำนากะมาต่ำสาดตอนหัวค่ำก่อนนอน
มีคนรับซื้อตลอด สิต่ำสาดกันแทบทุกเฮือน เป็นรายได้หลักกะว่าได้
ต้นกก สิปลูกเองกะมี ถ้าบ่อพอเพิ่นกะพากันไปเอาทางจังหวัดยะโสกะมี

มีหลายขนาด หลายราคา เริ่มตั้งแต่ผืนละ120บาท ไปจนฮอดผืนละ1500บาท

ภาพนี้ เป็นสาดผืนใหญ่ 10กว่าเมตร ผืนยาวแบบนี่ส่วนมากเพิ่นสิซื้อไปปูอยู่วัด
หรือผุ่ไดเฮือนกว้าง












พอต่ำแล้วกะมาตัดเศษออก
เด็กน้อยกะซ่อยกันทำมาหากิน 555



เตรียมเย็บขอบ









อันนี่เรียบร้อย เตรียมขาย
พ้อค่าสิมารับซื้อบ่อได้ขาด มีแต่คนต่างถิ่นมารับไปขาย
หรือถ้าไผใจฮ้อนต่ำแล้วอยากขายทันที่ ในหมู่บ้านกะมีศูนย์รับซื้อไว้..

ถ้าไปพ้อพ่อค้าเพิ่นขายอยู่ถิ่นอื่น ถามว่าเอาสาดมาแต่ไส
ขะเจ้ากะบ่อบอกว่าเอามาแต่ทางบ้านผม สงสัยเพิ่นย้านคนไปซื้อเอง 555



หลังจากตากแห้งแล้ว กะเอามามัดกองไว้นำเฮือน




ปลูกเองนำไฮ่นา ถ้าบ่อพอจั่งไปซื้อเพิ่ม

ไฮ่นี่ตัดออกแล้ว รอรุ่นไหม่ขึ้นอีก


ไฮ่นี่กำลังงาม ไกล้สิได้ตัด


ตากไว้นำริมถนน ทางเข้าบ้านตากยาวไปเป็น2กิโลเมตร
ไผไปซื้อสาดบ่อถืก เพิ่นสินำทางกกเข้าไป

[pcalibration]

สาดกก(เสื่อกก)โอทอปจริงๆแฮนด์เมด สินค้าพื้นบ้านร้อยเปอร์เซ็นต์

[พล พระยาแล]

แหม...สาดดด นับว่าเป็นสินค้าชั้นดีทีเดียว ขอบคุณที่เอาไปฝากนะใช้ดีมาก ๆ เลย ขออีก 4 ผืนเด้อผืนใหญ่อ้ายสิเอาไปถวายวัด อีกผืนสิซื้อเอาดอก

[หยก ยโสธร]

สาดกก ฮึสาดผือล่ะอาว แนมเบิ่งคือๆสาดผือแท้ ... สาดทางบ้านเจ้าตะแมนเฮ็ดผืนใหญ่ผืนยาวเนาะ ใหญ่ๆยาวๆแนวนี้แถวบ้านผมมีตะสาดวัดเด้

แต่ตอนน้อยๆแนวค้านที่สุดแมนแหย่สาดให้อีแม่นี่ล่ะครับ ลางเทียเทิงแหย่เทิงให้กะมี ย่อนถึกบังคับ

แตกต่างกับแถวบ้านผมยุครับ ย่อนแถวบ้านเพินสิเอากกมาส่อยเป็นเส้นน้อยๆ แล้วขูดเอาใส้มันออกนำ กกลำนึงสิได้ 3-4 เส้น แล้วเอาไปตากแดด ยามมันแห้งแล้ว สิเอาไปย้อมเป็นสีต่างๆ จั่งเอามาต่ำเป็นสาด สีสันมันจั่งสวยงาม

[คนตระการ...]

ผือเป็นลำต้นยาวๆเป็นเหลี่ยม ต้นกกลำต้นสิเป็นกลม
ผือส่วนมากเพิ่นนิยมเอามาสาน เครื่องสานต่างๆ หมู่บ้านไกล้กันกะเฮ็ดงานสานผือ
แต่ก่อนกะเคยมีคนเฮ็ดสาดผือ เฮ้ดไช้ในเฮือน ลำต้นมันใหญ่ต้องเอามาผ่าออก
พอไช้ไปสักพักมันเ้ปื่อย ถืกน้ำมันขึ้นรา ความทนทานสู้ต้นกกบ่อได้

ต้นผือ กับ ต้นกก เป็นคนละชนิดกัน เอามาต่ำสาดได้คือกัน ..

[พล พระยาแล]

กกขา ต่ำสาดกะบ่ได้ เพราะมันเป็นกกคนละชนิดกัน

[pcalibration]

กกหู คือกันครับหมอ เอามาต่ำสาดบ่ได้เพราะคนละกก55
เอาไว้ถ่าให่ฝ่ามือตบ(ตบกกหู) กับเอาไว้วางขาแว่น(เกี่ยวกับตา)

[หนุ่มลาวสาวขะแมร์]

อ้ายอยู่อุบลเพิ่นเอามาฝากสามผืน เพิ่นว่าสาดไหลครับ สีคล้ายกันนี่ละ เพิ่นว่าอยากได้ใหญ่ยาวท่อได๋กะได้ว่าวั่น แม่นอันเดียวกันบ่น้อ

[pui.lab]

ซื้อไปถวายวัดก็ดีเนาะเอ๋ สาดที่วัดบ่พอนั่ง ถ้ามีโอกาศฝากซื้อแน๊เด้อ อิ อิ

[sompoi]

ฝีมือเพิ่นอิหลีเนาะค่ะ ภูมิปัญญาชาวบ้านเฮาล้วนๆ
คนอิสานบ้านเฮาคั่นบ่ค้านกะหากินได่เหมิดปีน่ะล่ะคะ