ฮู้จัก หมากโก บ่น้อ

phot · 03-06-2006, 09:46

หมากโก ผลไม้ทางบ้านข่อย หน่วยกลม ๆ ส่ำกำปั้นนี่หละ มีขนคล้ายทรงผม skinhead (จักเขียนถึกบ่ดอก นี่กะดาย) หน่วยดิบสีเขียว หน่วยสุกสีเหลือง สุกเฮงผัดสีดำ ขนมันดำ ๆ ซั่นดอกว่า แต่ว่าข้างในผัดเหลือง สุกเข้าคัก ๆ ผัดเน่า (กินบ่ได้) รสชาติส้มปุ้นลุ่ย ฮู้จัก หมากโก บ่น้อ

ออกหน่วยยามหน้าฝน สุกยามเกี่ยวข้าวพอดี เอามาตำส้มกะได้ เอามาแห่น(แทะ) เล่นกะม่วนดี ไผเคยเห็นหมากกีวี่ (ของฝรั่งนั่นนา) คล้ายๆ กัน แต่ว่าหมากกีวี่หน่วยรีสีเขียว(คล้ายสื่อ ๆ เดอบ่คือกันได๋) ประโยชน์ของหมากโก เอามากินกับแจ่ว , คันแม่นเคียดให้หมู่กะดึกใส่หัวหมู่มัน (บ่อโนกะบวมหละงานนี้) คันไผอยากกินกะขี่เฮือบินไปกินอยู่ศรีสะเกษ เด้อ

ESSO · 03-06-2006, 09:59

:D____ ป้าด....... คือมาให่นั่งเฮือบินไปกินไกลแท้บ่าวโพ๊ด

บ่มีเงินค่าเฮือบินเด้อ หากินแถวไกล้ๆนี่บ่มีบ้อ

จักเป็นหน่วยแนวได๋หลอกล่ะ เคยยินแต่ซื่อ

**ผู้ก่อการรัก** · 03-06-2006, 10:25

พยายามนึกถึงอะไรที่คล้าย กีวี แต่นึกไม่ออกแฮะ หารูปมาให่เบิ่งแนเด้อ

sek22 · 03-06-2006, 11:02

..........ต้นดำ ๆ หมากฝาด ๆ คนเฒ่าคนแก่ชอบเอาไปย้อมแห........คนไทยเรียก ตะโก หรือ ดำเหมือนตอตะโก.......
จักถืกบ่ สิใด๋

**ปลัดโตคนเดิม** · 03-06-2006, 11:58

เกิดมาผมกะเพิ่งได้ยินนี่หละครับ หาภาพหน่วยมันมาเบิ่งแนน่า เพื่อรูจักแต่ฮ้องบ่คือกัน

**บ่าวคนเดิม** · 03-06-2006, 13:28

ทุกข์ยากฮ้าย กินข้าวบายบักโก พีน้องเอ้ย

thi · 13-06-2006, 17:48

ฮ่วยๆ แนวมันแซบตั้วหนั่น เว่ามาน้ำตาแตกน้ำลานแตนผุ้นตั้ว....เมื่อวานเมื่อก่อนได้กินอยู่ตั๋ว
บ่ได้กินแบบต่ำดอกหว่า มีดฝานบางๆ ตำแก่วบองปลาสีนั่วๆ จักน่อย หาใบบักหุงมันพันสั้นตั้วละ
ฉีกใบบักหุงประมาณนิ้วคูณนิ้วเด้อ บาดทีหนี่กะตัดแก่วบองใส่จักหน่อย ตามด้วยหมากโกน้อยฝานบางๆ ตามด้วยหัวคิงไข ตามด้วยหมากเขือคืน ตุ้มๆ ใบบักหุ่งดีๆ ซะละบัดนี่กะโมมเข้าปาก.......ฮุ้ยเว่ามายังน้ำลายแตก