ขอสูตรและวิธีทำ""อ่อมน้องงัว"" แหน่ คับ

[อีหยังสิปานนั้น]

ตั้งแต่น้อยไหย่มาจนเท่าสุมื้อนี้
ข้าน้อย นับครั้งได้เลยคับวา เคยกิน อ่อมน้องงัว
นับครั้งได้ มีแม่ งัว ใกล้สิออกลูกแล่วคับ สั่งให้
ผุเฒ่าเฝ้า ให้ จักสิเป็นจังได๋บุ เราเป็นคนใต้ ขะเจ้า เอิ้น รก วัว
โตแรก เอาบ่ทันแม่มัน กินเมิ้ดคับ พี่น้อง แม่ที่ 2 หวังวาคงสิ บ่ พลาด สั่นดอก คับ

ขอขอบคุณ ภาพถ่าย งามๆ เด้อ ที่ให้มาประกอบความ แซ่บ ธุจ้า

[หยก ยโสธร]

เอาตั้งแต่น้อยจนใหญ่ ผมกะกินนับเทือได้คือกัน เคยซอยอีแม่เพินเฮ็ด พอสิจำได้ยุครับ สูตรทางยโสธรเด้อ

ก่อนอื่นให้บอกผุเฒ่าที่เพินเฝ้าเอาน้องงัวไว้ให้เจ้า ให้เพินหาเฟืองใหม่ๆ ปูคอกงัวไว้หนาๆ กันน้องงัวมันสิตกถืกดินตอนหลุดออกจากแม่งัวสั่นดอก หัดแท้ๆเด้ มันสิกินบ่แซบ

วัตถุดิบ
หัวสิงไค หอมแดง พริกแห้ง ผักอีเลิด (ชะพลู) ผักโหระพา ต้นหอม ผักสามอย่างสุดท้ายใส่หลายๆครับ เผื่อว่าสิได้เพิ่มปริมาณ ยามสิตักแบ่งพี่น้องเฮือนอื่นมันจั่งสิคู่กันสั่นดอก

เครื่องปรุง
เกลือ น้ำปลา น้ำปลาแดก ผงนัว

วิธีทำ
1. ได้น้องงัวมาแล้ว ล้างน้ำก่อนจักน้ำนึงกะได้สำหรับผุมักสะอาด แต่แถวบ้านผมถ้าบ่ถืกดินกะสิบ่ล้างมันสิเสียรสชาดวาซั่น จากนั้นเอาน้องงัวมานึ่งใส่รังถึง
โดยที่เอาใบหัวซิงไคฮองไต้น้องัวเพื่อสิได้ดับคาว พอน้องงัวสุกแล้วกะยกออกมาซอยเป็นต่อนพอดีคำ น้ำที่นึ่งน้องงัวอย่าถิ่มเด้อครับ

2. ตำเครื่องอ่อมครับ มีหอมแดง พริกแห้ง แล้วกะหั่นหัวสิงไค หยุมเกลือลงจักหน่อย จากนั้นโขลกให้ละเอียดแล้วพักไว้
ปริมาณเครื่องแกงให้กะเอาพอดีกับน้องงัวเด้อครับ ผุมักรสจัดกะหนักเครื่องแนกะได้

3. เอาน้องงัวที่หั่นไว้มาใส่หม้อสำหรับอ่อม เอาน้ำที่ได้จากการนึ่งน้องงัวมาเทใส่ลงไป ถ้ายังหน่อยยุกะให้เติมน้ำลงไปอีกกะว่าพอดีซดพุ่นล่ะ
ตามด้วยเครื่องอ่อมที่เฮาตำไว้ จากนั้นปรุงรสด้วยน้ำปลา ผงนัว น้ำปลาแดกนิดนึง บ่ต้องหลายเดี๋ยวกลิ่นสิออก

4. คนทุกอย่างให้เข้ากันแล้วยกขึ้นตั้งไฟ ปิดฝารอให้น้ำเดือดจักคราว จากนั้นกะซิมเบิ่งรสชาด แซบแล้วจั่งใส่ผักต่างๆลงไป รอให้ผักยุบกะยกลงเสริฟได้เลยครับ

[lungyai1123]

สูตรหยังกะแซบดอกว่าแต่โฮยด้วยปลาแดกแจกปลาฮ้า

[คนตระการ...]

เรื่องน้องเมีย เอ๊ย น้องงัวว่าติ มีผู้รู้หลายๆท่านตั่วในบ้านมหานี้
ส่วนผุ่ข่าบ่อค่อยถนัด อ่อมแนวนี้ ..

น่าน บ่าวหยกมาชี้แนะแล้ว เรื่องน้องๆเลาถนัด 555

[พล พระยาแล]

พวงบักไข่สา กับฮากกล้วย แซบ ๆ ....อย่าให้มันหล่นใส่ดินเด้อ ล้างยากคัก

หากระด้งไปโต่งเอา พอต้มแล้วเป็นตากินอยู่ครับ ตอนไปโต่งเอาเป็นตาขี่เดียด...555

[อีหยังสิปานนั้น]

ขอบคุณ ญาพี่ อ้าย น้อง สุผุ สุคน เด้อ คับผม
ถ้า เป็นไปตาม คาด เมนู นี้ ขึ้น บอร์ดอาหารอีสาน อีกครั้ง ก๊าบบบบบ

[suny]

มีผักชีบ้านเฮาใส่นำ ผักอีตู่ พร้อมกับใบมะกรูดนำครับ แต่สูตรที่บ่าวหยกว่ากะแซบแล้วละครับ บ่ได้กินดนละครับ แต่ก่อนยุ กทม.แถวตลาดพลูมีขายหลาย กับแถวตลาดคลองเตย อาหารอีสานบ้านเฮามีหลายคัก เห็นภาพที่มาโชว์กะเป็นตาแซบละครับ

[อ้ายพจน์]

:b-b:b-bสั่นเฮ็ดแล้วอย่าลืมเอิ้นไปชิมนำแนเด้อครับบ่ได้กินโดนคักแล้ว