ความสุขของคนมักกิน คือการคิดหาแนวกินแปลกๆ แต่บ่ ผิดกะเพาะอาหาร
มื้อนี้ มีเมนูดัดแปลงมาฝากจ้า ง่ายๆ ลาบปลาแดก วิธีและเครื่องปรุงคือกับ
ลาบปลาดุก เพียงแต่เปลี่ยนจากปลาดุกมาเป็นปลาแดกต่อน โตใหญ่ๆ เลาะเอาแต่เนื้อมา ลาบ
เครื่องปรุง
ปลาแดกต่อน โตงาม
ผักและหอมต่าง ที่ใส่ลาบทั่วไป
ข่าอ่อน ตะไตร้
วิธีปรุง
ต้มน้ำเดือดๆ เอาไว้ลวกปลาแดก ให้พอ สุก แต่บ่เปื่อยหรือเละแฮง
ตักน้ำเดือดๆ ลวกปลาแดกพอสุก
เนื้อที่ติดกับก้าง กะ ลวกน้ำเดือดๆอีกเทื่อ แต่อย่าใส่น้ำหลาย กะพอประมาณ
น้ำที่ได้จากลวกก้างปลาแดกเอามาผสมกับเนื้อที่เลาะ ตอนแรก
จากนั้นใส่ พริกป่น ข้าวคั่ว ผงชูรส น้ำบักนาวเอาไว้ใส่ทีหลัง
ใส่ข่าอ่อน หอม ลงไปก่อนใส่บักนาว
หน้าตา ที่ปรุงแล้ว แทบจะเบิ่งบ่ออกว่า ลาบอิหยัง ใส่หอมหลายโพด
น้ำที่เหลือ กะ ลวกยอดผักไซ่(ยอดมะระขี้นก)
ข้าวเหนียว กะ พร้อม แต่ สุดท้ายกะกิน ลาบกับผักชื่อๆ ข้าวบ่ค่อยสนใจ ปานใด๋ ฮ่าๆๆๆ
:b-b แล้วพ้อกันใหม่ กับ เมนูอิสานผลัดถิ่น สูตรดัดแปลงตามใจปาก
:,1-:,1- กินแล้วกะอย่าลืม ออกกำลังกาย ละลายไขมันนำ
Bookmarks