ช่วงนี้อยุธยาน้ำแห้งคัก ไปเอาปลามาก้อยดีกว่า

[หลอดปอดป่อง]

เป็นตาแซบคัก ปิ้งแบบบ่คัว ขมๆหน่อยนึง บร๊ะ อยากกินเด้ อิๆ

[หนุ่ย..บ่าววีโก้]

ป้าดดดเป็นตาเเซบบคักน้อครับจี้ปลาบรรญากาศท้องทุ้งนา

[อ้ายพจน์]

ยังหากินหมานคือเก่าอยู่เนาะบ่าวจัยฝีมือบ่อตกเลยครับ:b-b

[นู๋น้อย]

สรุปว่า ทีมงานนี้หากินหมาน นำชุด แม่นบ่อ้ายจัย 5555 ม่วนๆและแซบๆ น้อจ้า อิดสาเด้ กินปิ้งปลา

[บ่าวจัย]

น้ำแห้งหลายคัก สงสัยเสาร์นี้สิได้จับเอาคืออ้ายเอ๋ว่าละครับถ้าเพิ่นบ่เปิดประตูน้ำก่อน

ทีมงาน นั่งยังโหง่ย หากินหมานนำชุดอิหลีละครับ5555

แม่นแท้ได้ตำหมากหุง หมากถั่วกินใส่กันแฮงสิแซบคักปิ้งปลาขาวฮ้อนๆ แถมไข่ทุกโตเลยช่วงนี้

ทีมงานมีแต่หุ่นแนวนี้ละครับอ้าย กะมันหาได้หลายเลยกินหลาย5555

[จ่าเหลือง]

เอิ้กๆ เห็นภาพกะยากไป ยุ คือเก่า ละ แต่ ผจก เงียบ บ เอ๋ย ว่า จังได่ อิอิ

[ชายกลาง]

เป็นตาม่วนคือเก่าครับ ... ช่วงนี่ยากหลาย ...
แจ้ง ผจก.กำพร้าผีน้อยไว้แล่วครับ ... 1-06,8-06
ก่อนผมบินเน๊าะ จัดไป 4X100 จัก 4 ชุดคือสิคัก

[พ่อใหญ่เซียงเบ้า]

หาอยู่ หากิน หมานหลาย จนว่าเป็นตาซัง 555
เมืองกรุงเก่า อุดมสมบูรณ์หลายสมกับเป็นอู่ข้าว อู่น้ำ อีหลีครับ
คนอิสานบ้านเฮา เฮ็ดงานกะเก่ง หากินกะหมาน ไปอยู่ใกล้ อยู่ไกล
ปานได๋กะตุ้มกะโฮมกันเป็นหมู่เป็นพวกเดียวกัน ฮักกันหมั่นแก่น ครับ

[คุณฉุยเลย]

คนมักหากิน ถ้ามาอยู่ยุดยา บ่อึดครับปลาหลายคัก บางมื้อผมนั่งรถบัสไปเฮ็ดงานเห็นเขาจับปลากันอยู่คลองข้างทางสายเอเซียแล้วอยากลงไปจับนำเพิ่นอยู่

[บ่าวจัย]

แม่นคือใหญ่เซียงเบ้าว่าละครับ คนอิสานฮักแพงแบ่งปัน กิจกรรมกลุ่มแนวนี้มีบ่อยครับ

อ้ายคุณฉุย คือกันครับอ้ายขี่รถกายไปเห็นเขาซิดเบ็ด ตึกแห กะอยากลงไปหานำเขาคือว่าละครับ มันอยู่ในสายเลือด5555