ซงคึดฮอดบ้าน กะเลยเปิดเบิ่งรูปเก่าๆ ไปพ้อรูปบุญบั้งไฟปีที่แล้วซึ่งจัดขึ้นที่หมู่บ้านผมเอง เลยเอาลงสู่พี่น้องบ้านมหาเบิ่งครับ นี้กะไกล้หน้าเทศกาลแล้ว
เมือฮอดบ้าน ก่อนอื่นกะหาแนวกินสาก่อนครับ
ซิ่นงัวอิพ่อเพินตกพูดใว้ให้พันนึง พอได้สู่พี่น้องกิน
เห็นแล้วกะคึดฮอดสมัยเป็นเด็กน้อยครับ
ยามมีบุญมีงาน ก่อนมื่บุญคืนนึงอีพ่อเพินสิไปตกพูดซิ่นตอนตีสองตีสาม
ตีห้ากว่าๆเพินกะสิหิ้วกะต่าซิ่นมาฮอดเฮือน ปลุกบักหล่าขึ้นมาเฮ็ดลาบกินแต่เดิก
จากนั้นกะสิเฮ็ดใส่ปิ่นโตไปจังหันนำพร้อม
สวยมาพี่น้องบ้านอื่นเพินกะสิมายาม กะได้ซิ่นงัวนี่ล่ะครับสู่เพินกิน
หลังจากกินข้าวกินน้ำแล้วๆ กะหาแนวมางันสั่นแล้วครับบาดทีหนิ
เครื่องเสียงฮ่างๆที่หลอยเงินเมียซื้อไว้ พอได้เปิดยามมีบุญมีงานนี่ล่ะ
บุญบั้งไฟบ่มีเสียงเพลงเสียงลำมันกะบ่ห่าวเด้ ว่าบ่พี่น้อง
เทสเบิ่งกะนาบักหล่า มันคือบ่ อะสิเปิดแฮงได๋ล่ะ ไทบ้านเพินสิฟาดฆ้อนใส่เด้ แดดแฮงฮ้อนยุ
หมู่พวกกะมาตุ้มมาโฮมครับ มีตะวัยสะรุ่น อ้อยต้อย
แม่ออกเพินแต่งหน้าสิไปถือป้าย ไปซะเถ่า ข่อยสิไปถือคันฮ่มให้ดอก
Bookmarks