+++...ซุปไบหมากม่วง... +++

[ฅนภูไท]

ไผมีสูตร ซุปไบหมากม่วง รบกวนแหน่ อยากได้สูตรครับ...ผมไปอุบลตอนสงกรานต์ เลยมีโอกาสได้กิน รู้สึกว่าสิแซ๊บหลาย
แตบ่รู้ว่าเพิ่นใส่อิหยังแหน่ ใช้ใบหมากม่วงหยังซุป ขั้นตอนเฮ็ดแบบได๋แหน่ครับ ขอบคุณล่วงหน้าเด้อครับ

[เซียงสีผีเป้า]

ที่เคยกินกะคือซุบผักติ้วแหมะครับ ไผซุบผักติ้วเป็นกะเฮ็ดคือกันครับ

แต่ว่าเมืองอุบลอาจสิเฮ็ดคนละสูตร ไผฮู้กะบอกแหน่เด้อครับ

[บ่าวพรรณานิคม]

ใบหมากม่วงอ่อนยามนี่คือสิหายากยูดอกเนาะ แตวาผักติ้วหนิมียูดอก

[ฅนภูไท]

ซุปใบหมากม่วงข้อยว่าน่าสิเป็นช่วงเดื่อนสี่เดื่อนห้า ยามใบหมากม่วงป่งใหม่



ดอกติ้ว


ซุปใส่เห็ดกระด้างกะแซบเด้อครับ

[ฅนภูไท]

ทางอุบลฯ เพิ่นพากินครับ....ครั้งแรกในชีวิตคือกัน....อิอิอิ ติดใจ กำลังหาสูตรอยู่..

[ติ๋ม เปอร์โย]

เคยกินอยู่จ้า แม่เลาเฮ็ดสู่กิน แต่บ่ได้เบิงว่าใส่หยังแน ทอที่สังเกตุเบิง เพิ่นซอยใบม่วงอ่อนดิบๆหนี่หละ แล้วกะซุปใส่กันกับน้ำพริกปลา(ป่นปลา)คึดว่า อิอิ
ใบผักติ้วกะซุปคือกันจ้า แต่เพิ่นต้มก่อนจังเอามาซอยแล้วกะซุป อย่ถามสูตรเด้อ เฮ็ดบ่เป็น กินเป็นซื่อๆ อิอิ

[มั่วหน่าฮ่าน]

เคยกินอยู่ครับ แต่น้อยๆ อีแม่เพิ่นเฮ็ดให้กิน...ซุปใส่หอยขม...(ต้มหอยแล้วแกะโตมันใส่) ...แซบหลาย . . .คึดฮอดแม่เด้

[โป้ยก่าย]

ไผมีสูตร ซุปไบหมากม่วง รบกวนแหน่ อยากได้สูตรครับ...ผมไปอุบลตอนสงกรานต์ เลยมีโอกาสได้กิน รู้สึกว่าสิแซ๊บหลาย
แตบ่รู้ว่าเพิ่นใส่อิหยังแหน่ ใช้ใบหมากม่วงหยังซุป ขั้นตอนเฮ็ดแบบได๋แหน่ครับ ขอบคุณล่วงหน้าเด้อครับ

ข้อยเคยกินคือกัน แต่ว่าวิธีเฮ็ดนั้นข้อยสิลองเดาเบิ่งเด้อจักมันสิแม้นหรือบ่แม้น
ขั้นตอนแรกเอาใบหมากม่วงอ่อนมาต้มก่อน จากนั้นกะนำมาสับๆ แล้วนำเครื่องปลุงใส่ มีน้ำปลา น้ำปลาแดกอันนี้ขาดบ่ได้มันต้องมีกลิ่นปลาแดกจักหน่อย แล้วกะมีแป้งนัว(ผงชูรส)น้ำหมากนาวหัวหอม แล้วกะขั้วในงาตำให้ละเอียดโฮยหน้า มีใบผักสะละแหน่ปกหน้าอีก สุดท้ายกะข้าวเหนียวฮ้อนๆคุ้ยเลย ฮ้าๆ แซบปานหยัง

[ฅนภูไท]

จารย์ครับเขาเอาใบหมากม่วงอิหยังมาเฮ็ดครับ ...รึได้ทุกพันธุ์เลยติ...อธิบายให้ฟังแหน่ครับ

[โป้ยก่าย]

จารย์ครับเขาเอาใบหมากม่วงอิหยังมาเฮ็ดครับ ...รึได้ทุกพันธุ์เลยติ...อธิบายให้ฟังแหน่ครับ

แต่ว่าใบหมากม่วงนี้ข้อยกะบ่แน่ใจคือกันเด้อ คิดว่าน่าสิได้ทุกพันธุ์แต่ข้อสำคัญกะคืออย่าให้มันอ่อนเกินไปมันสิฝาดเอาแบบพอดีๆ มันจั้งสิออกมันๆแน่