หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: บ่าวหยกป่นอิปูมาสู่กินครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174

    บ่าวหยกป่นอิปูมาสู่กินครับ

    เป็นได๋น้อพี่น้องบ้านมหา ฟื้นกันล่ะยังน้อ มื่อนี้เคลียงานออกเบาบางแนแล้ว พอสิมีเวลาว่างเอารูปบรรยากาศทางบ้านเฮามาฝาก
    เมือบ้านปีใหม่บ่ฮู้จักทางลัดคือเพิน แลนเส้นมิตรภาพ ลาซาล-ยโสธร ใช้เวลา 18 ชม. ขับรถผุเดียวจนว่าขาล่อยพี่น้อง
    ออกจากลาซาล 3 ทุ่ม ฮอดยโสบ่าย 3 แต่เมื่อยปานนั้นกะยังอยากเมือยุ ย้อนคิดฮอดพี่น้องทางบ้านเฮา

    มาครับ เว่าหลายยายห่าง เมนูแรกที่จะขอนำเสนอ นั่นกะคือ "ป่นอิปู" ครับ หน้าหนาวอิปูมันหลาย เฮ็ดหยังกินกะแซบ
    วัตุถุดิบ และเครื่องปรุง
    - อิปู ต้นหอม ผักชีจ้น พริกผง น้ำปลา น้ำปลาแดก ผงนัว



    ยามเช้า ออกไปก่นอิปูเอาบรรยากาศก่อนน้อครับ หนาวคักบ้านเฮาช่วงนี้กะดาย อาบน้ำเกือบเที่ยงซูมื่อเอาโลด










    ผลงานครับ ก่อนแต่พอกินซะก่อน ถือว่ายังหากินได้ง่ายยุ ถ้านำตลาดบ้านเฮาช่วงนี้เพินขาย 2 ตัว 3 บาท
    ได้มาแล้วกะล้างดินออกให้สะอาด






    ดังไฟขึ้น ค้างหม้อกะทะ ใส่น้ำ หยอดน้ำปลาแดกลงนำจักหน่อย แล้วเอาอิปูคั่วให้สุก






    พออิปูสุกแล้วพักไว้ให้เย็น แกะกระดองออกควดเอาแต่มันอิปู โตอิปูกะเด็ดขาพร้อมกับแกะฝากะเตี่ยวออก (ฝากะเตี่ยวคือ กาบตรงไต้ท้องปู)
    จากนั้นกะตำให้ละเอียดที่สุด






    อั่นนี้ส่วนผักยุข้างเฮือนครับ ปลูกไว้พอได้เด็ดใส่ป่นใส่แจ่ว ผักที่ใส่ป่นอิปูมื่อนี้สิใส่ต้นหอมกับผักชีจีนครับ




    ตำอิปูแหลกแล้ว กะปรุงรสด้วยน้ำต้มปลาแดกที่เฮาใช้คั่วอิปู ถ้ายังบ่นัวกะหยอดน้ำปลาลงอีก ใส่พริกป่น ผงนัว ซอยผักซีจีนกับต้นหอมลงไป
    คนให้เข้ากัน ซำนี้กะได้ป่นอิปูกินกับลวกผักแซบๆแล้ว .... เป็นได๋พี่น้อง หน้าตาป่นอิปูทางยโสธร เป็นตาแซบแนบ่




    แนวกินกับกะได้ลวกดอกกะหล่ำกับยอดผักกวางตุ้ง ย่างเนื้อหมู ตำกุ้งใส่บักกอก ซำนี้กะกินแล้วคาบครับ กินง่ายอยู่ง่ายตามประสาอีสานบ้านเฮาน้อ









    มาครับ กินข้าวงายนำกันแซบๆ พ้อกันอีกกระทู้หน้าครับ

  2. #2
    ศึกษาหาความรู้ สัญลักษณ์ของ วี ระแงง
    วันที่สมัคร
    Jan 2013
    กระทู้
    2
    เป็นตาแซ่บหลาย โอย หิวข้าวเด่บาดนี่

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    เป็นตาแซบแฮงคักบ่าวหยกแมนสิหากินยากแนกะแซบดอกป่นกะปูหนิ

  4. #4
    ศึกษาหาความรู้ สัญลักษณ์ของ คนของหัวใจ
    วันที่สมัคร
    Dec 2009
    กระทู้
    139
    ตาแซบค่ะ ป่นปูนี่บ่เคยกิน เคยกินตะลาบปูค่ะ กะอ่อมปู แม่เลาเฮ็ดประจำ ได้ปุมากะตำดิบๆเลย แล้วคั้นเอาตะน้ำไปตั้งไฟให้สุกดี เก็บใส่ตูเย็นไว้เอามาเฮ็ดแนวกินบาดนี่ เก็บได้ดนค่ะ

  5. #5
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    8,954
    ว้าววว เห็นลาบปูแล้วคิดฮอดสมัยตะน่อย แม่เอื้อยลาบแซบๆ
    แต่ขั้นตอนการปรุง บ่คั่วปูก่อน ตำสดๆเลยจ้า ปูก็จิไต่หนีออกจากครก
    ตำแหลกแล่วก่าเอาตะแกรงกรองน้ำปู หลังจากนั้นก็เอาน้ำปูไปต้ม
    ใส่น้ำปลาร้า พริกผง ต้นหอม ข้าวคั่ว บักกอก บ่มี บักขามเปียก
    บ้านมหาดอทคอม เว็บไซต์ส่งเสริม ศิลปะ วัฒนธรรมไทย ศิลปิน ความรู้ออนไลน์
    st1: มิตรภาพและรอยยิ้ม กับดีเจคนไกลบ้าน st1:

  6. #6
    ศึกษาหาความรู้ สัญลักษณ์ของ อุ่นคำ
    วันที่สมัคร
    Jun 2012
    ที่อยู่
    นครราชสีมา
    กระทู้
    72
    เป็นตาแซบแฮงคักอ้ายบ่าว..อันแจ่วกุ้งน่ะจ่ำเบิ่งจักคำคือสินัวเนาะ..

  7. #7
    ศึกษาหาความรู้
    วันที่สมัคร
    Mar 2013
    กระทู้
    2
    ผมล่ะอยากกลับไปใช้ชีวิตแบบนี้จัง บ่ต้องวุ่นวาย คือสิมีความสุขคัก

  8. #8
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    คึดฮอดบ้านเด้เนาะเห็นบรรยากาศแล้วกะดาย ป่นปูกะเป็นตาแซบเนาะขั่นแม่นได้อ่อมบักหอยจูบมาพ้อมจังแม่นสิคักแฮงหวา

  9. #9
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174
    มีหลายเมนูอยู่เด้อครับ กลับบ้านเทือนี้คุ้มคัก ของกินบ้านเฮาได้กินแทบทุกอย่าง เทิงปู ปลา เอี่ยน หนู นก
    บักหอยขัวกะเอาลงมากรุงเทพนำยุ แต่บ่ทันมีเวลาแกง
    เดี๋ยวสิทะยอยเอารูปลงสู่เบิ่งเด้อครับ แนวที่บ่ทันกินในปีนี้กะคือกะปอมกับแง่ ช่วงสงกรานต์คงสิได้กินยุดอกครับ

  10. #10
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    หิวข้าวเด่บาดนิ ออนซอนผุบ่าวบ้านนี้หาอยุ่ หากินเฮดแนวกินเก่งคักจ้า
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •