ไปนาส่อนปลา ช่วงปีใหม่ครับ

[หยก ยโสธร]

มื่อนี่บ่าวหยกเอาบรรยากาศลงส่อนปลาตอนกลับบ้านปีใหม่มาฝากครับ กว่าสิลงน้ำได้กะเกือบเที่ยง หนาวแฮง
ก่อนอื่นสิพาพี่น้องเลาะเบิ่งนาเอาบรรยากาศก่อนน้อครับ เทิงโนนทางเข้านาอิพ่อเพินกะปลูกบักหุ่ง บักพริกบักเขือพอได้กินยามไปนา











อิแม่เพินเกี่ยวลูกข้าวไปให้งัวครับ นาไฮนี้เป็นหนองเก่าน้ำพึ่งจะบกจากใฮนา เลยยังมีลูกข้าวพอให้ได้เกี่ยวอยู่




ลูกน้องไล่หนูซิง




บั้งลันครับ น้องชายใส่ไว้ แต่บ่มีหยังถืก ก่อนหน้านี้ตอนเกี่ยวข้าวกะพอได้กินย่อนอยู่วาซั่น




ย่างไปมุมไฮนาเห็นป้ายที่อิพ่อเพินติดไว้ ย่อนว่าซื้อปลาเลี้ยงมาปล่อย เลยบ่ให้คนใส่เบ็ด ถ้าบ่ได้ปล่อยปลากะบ่แพงดอก
แต่คิดในอีกแง่มุมนึง แฮงห้าม คนกะแฮงอยากมาใส่เด้ผมว่า




สาหน่วยนี้ล่ะครับ ที่จะพามาส่อน หญ้าฮกพอสมควร แต่บ่มีผักตบ




อุปกรณ์ในการออกหากินมื่อนี้ครับ






ส่อนขึ้นทีแรกยังบ่หมานปานได๋ น้ำกะเย็นคัก หนาวกะหนาว






ลองเบิ่งอีกจักรอบกะน่ะ หญ้าแปนแล้วซงสิเอาง่ายกว่าเก่ายุ








ผลงานเทือที่สองครับ พอได้ตื่มกัน




ได้ปลาแล้วกะพากันเข้าเมือเฮ็ดแนวกินในบ้านครับ บ่สะดวกสิเฮ็ดกินอยู่ทงนา ย้อนว่าอากาศมันหนาว เทิงลมแฮงนำ
อิพ่อเพินเอาลูกน้องขึ้นท้ายรถ จั่งแม่นเพินฮักแฮงคักไปใสกะเอาไปนำ

[หยก ยโสธร]

เข้ามาฮอดในบ้านกะซาวหาอุปกรณ์สร้างความรำคาญ โอ๊ะ สำราญครับ ปกติแล้วเมือบ้านสิจัดชุดใหญ่พุ่นล่ะ
แต่ปีนี้พี่น้องเฮือนข้างบ้านเพินป่วย กะเลยเอาค่อยๆพอได้ฟัง เดี๋ยวมื่อใหม่จั่งขนออกไปงันอยู่เฮือนพ่อเถ่าเอากะได้







อั่นนี้แม่นชุดใหญ่ที่เคยจัดทุกๆปีครับ ตามลิ้งค์เลย
http://www.baanmaha.com/community/thread47920.html


เฮ็ดแนวกินครับ ปลาเลี้ยงที่พ่อเพินปล่อยไว้เข้าแพมาพอได้ก้อย แร่เอาแต่เนื้อซอยบางๆ






มื่อนี้สิก้อยใส่บักกรูดครับ เข้าท่าดีคือกัน ล้างปลาให้สะอาดแล้วกะเอาน้ำบักกรูดคั้นแทนมดแดง
















ตำบักหุ่งครับ







ปลาเผา กินกับตำบักหุ่ง






ต้มปลาครับ






มาครับ หาพาข้าวออกสู่กันกิน ตุ้มโฮมพี่น้องกินข้าวแซบปานหยัง ลาพี่น้องด้วยภาพนี้เลย เอาไว้พ้อกันอีกกระทู้หน้าเด้อครับ

[ไก่น้อย]

ออนซอนแนวอยุ่แนวกิน บรรยากาศสุดยอกหลาย อันก้อยปลาแมะคั่วสะก่อนกะได้ดอก 5555 ว่าแม่นเมืองอิปุ่นกินปลาดิบ แฮ่ๆ

[lungyai1123]

หากินยากอยู่แล้วไผบ่มีท่งไฮท่งนากะดายมีหนองมีสระไว้ใช้น้ำเลี้ยงปูปล่อยปลานำ
ครบรอบลูกหลานมายามบ้านยามซ่องกะได้สูบได้สาให้สู่กินกะมีควมสุขเน๊าะ

[sompoi]

แม่นยุดอกพี่ใหญ่ แต่น้อยๆตอนเถ่าพ่อเล้ายังบ่ขายนา (เพราะเลิกทำนาแล้ว
เล้าเถ่าเฮ็ดบ่ไหวค่ะ )ลูกๆกะบ่มีคนเฮ็ดสืบต่อค่ะ
มิกกะเคยพอได่เห็นบรรยากาศแบบนี้ยุจ้า
เด่วนี้จักสิไปเบิ่งแบบนี้หม่องได๋แล้วเนาะค่ะ สะออนนำเพิ่นยุดอก..

[พ่อใหญ่เซียงเบ้า]

บรรยากาศดีคัก สุดยอดของปีใหม่คือการสาปลา ตอนสาปลาม่วนคักครับ แต่หลังจากนั้น กะสิแตกเขิบ กับ แขนขาฮ้าว ย้อนว่าลงขี้ตมครับ
ขอสนับสนุนการเฮ็ดกิจกรรมหาปลาและสาปลา ตอนปีใหม่เป็นกิจกรรมครอบครัวแห่งชาติครับ 555

[บ่าวดอนโบม]

เป็นตะม้วนเนาะ ลงปลาแมะ ไปเทือหน้า กะอย่าลืมเอิ้นเด้อ

[คนจนผู้ยิ่งใหญ่]

ถ้าเบิ่งดีดีอยู่ในกะต่าแมนปลาไหลมีเก็ดบ่ครับ

[หลอดปอดป่อง]

มีรวงข้าวนำ จั่งได๋กะแซบ 555

[มะเหมี่ยว]

:b-b:b-b ซดต้มปลาฮ้อนๆ เข้ากันคัก