หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: อ่อมเอี่ยน อีกจักเมนูครับ

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174

    อ่อมเอี่ยน อีกจักเมนูครับ

    มีเมนูอาหารป่ามาฝากพี่น้องบ้านมหาครับ นั่นกะคือ "อ่อมเอี่ยน" เฮ็ดกินอยู่เฮือนพ่อเถ่าตอนกลับบ้านปีใหม่ เพินใส่บั้งลันได้มาขังไว้ถ่าลูกหลาน
    เมือยามบ้านเที่ยวนี้เฒ่าพ่อเพินย้ายเครื่องครัวแนวแต่งอยากแต่งกินมาไว้เพิงยุในสวนข้างเฮือน เอิ้นว่ากินข้าวท่ามกลางบรรยากาศในสวนกะว่าได้

    นี่ล่ะครับเพิง หรือเถียงนาน้อยที่ว่า เปิดป้ายเป็นสำนักงานกลองยาวของหมู่บ้านพร้อม






    เครื่องครัว แนวแต่งอยากแต่งกินครับ




    สถานที่ในสวน เฮ็ดเป็นหม่องนั่งกินข้าว ผิงไฟแก้หนาว เว่านัวหัวม่วนกันยามเช้า ได้ยินแต่พ่อเถ่าเพินเว่ากับหมู่ว่ามื่ออื่น (31 ธ.ค.56) สิเอาหมูกี้มาย่าง
    ให้บักทิด (ผมเอง) เอาเครื่องเสียงมาเปิดงันปีใหม่วาซั่น




    ทางเข้าสวนกะเอามัดเฟืองเฮ็ดซุ้มประตูพร้อมเด้



    มาครับ เว่าเถิงเมนูอ่อมเอี่ยนเฮาบาดทีหนิ หลายท่านอาจสิคุ้นเคยกันดี ย่อนผมเอาเมนูนี้ลงหลายเทือแล้ว แต่คนละบรรยากาศ คนละช่วงเวลาซือๆน้อ
    เตรียมวัตถุดิบกับเครื่องปรุงครับ
    - เอี่ยน พริกแห้ง พริกสดสำหรับเฮ็ดลูกโดด กระเทียม หอมแดง หัวซิงไค ต้นหอม ใบกระเพา ยอดผักใส่(ยอดมะระขี้นก)
    - เกลือ น้ำปลา น้ำปลาแดก ผงนัว


    ขั้นแรกกะคัวเอี่ยนแล้วล้างเอี่ยนให้สะอาดใส่ในหม้อ (ถ้าขังไว้หลายมื่อบ่คัวกะได้ อ่อมเบิดโตเลย มื่อนี้ผมกะบ่คัว)
    จากนั้นกะตำเครื่องแกง มีพริกแห้ง กระเทียม หอมแดง หัวซิงไค เกลือนิดนึง ตักใส่ในหม้อพร้อมกับลูกโดด
    ปรุงรสด้วยน้ำปลา น้ำปลาแดก ผงนัว แล้วยกขึ้นตั้งไฟโดยที่ยังบ่ต้องหยอดน้ำ (ถ้าใส่น้ำตอนนี้สิเฮ็ดให้น้ำแกงคาวครับ)








    ผักที่จะใส่อ่อมครับ เก็บจากสวนข้างบ้าน ยอดผักใส่กำลังงาม เด็ดแล้วล้างให้สะอาด เตรียมไว้






    คั่วเอี่ยนไปซักพัก จนเกือบใหม้หม้อ เนื้อเอี่ยนเกือบสุกจั่งหยอดน้ำลงไป กะว่าพอดีซด อย่าใส่หลายมันสิล่วงน้ำ
    แล้วปิดฝาปล่อยให้เดือดจนเอี่ยนเปื่อย




    ระหว่างรอเอี่ยนเปื่อยกะหันมาหมักหมูย่าง ไว้กินกับซุปบักเขือตื่มกันครับ








    ผ่านไปจักคาวกะว่าเอี่ยนเปื่อยดีแล้วเฮากะใส่ผักลงไป ปิดฝาหม้อให้ผักยุบ ซิมเบิ่งรสชาด แซบแล้วกะเสิร์ฟได้เลยครับ






    หมูย่างกะสุกแล้ว ซุปบักเขือกะแล้วๆ






    มาครับ หาพาข้าวออกสู่กันกิน กินเหล้า โอ๊ะ กินข้าวงายผิงแดดอ่อนๆยามเช้าจั่งแม่นมันแซบหลาย
    ลากันด้วยภาพนี้เลยน้อครับ จั่งพ้อกันอีกกระทู้หน้าเด้อ

    แก้ไขครั้งสุดท้ายโดย หยก ยโสธร; 10-01-2014 at 04:17.

  2. #2
    แบ่งปันความรู้และประสบการณ์
    วันที่สมัคร
    Mar 2013
    ที่อยู่
    ขอนแก่น ประเทศไทย khonkaen thailand
    กระทู้
    134
    พ่อใหญ่เซียงเบ้า มักหลายบรรยายกาศแบบอิสานบ้านเฮา ขอสมัครเป็นสมาชิกคณะกลองยาว หรือว่าสิไห่เป็นหัวหน้าคณะอ่อมเอี่ยนกะได่ มักหล๊าย หลาย อ่อมเอี่ยน 555

  3. #3
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    ลุงมามักหลายคักแท้ๆมัก ๒๘๕ มหาชนชาวสยามนั่นนา
    กับบรรยากาศท่องไฮท่องนาเฮาสุดยอดเบิ๊ดเมียง

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    ข้าวหน้าเอี่ยน(แล่ไส้ออกแผ่แล้วย่างราดซอส แล้วโป้ะหน้าราดข้าวค่ะ)ทางญี่ปุ่นแพงเป็นตาหน่ายจ้า
    คนญป.มักกินคัก ถืกว่าเป็นอาหารชั้นดีเลยค่ะ แต่ปานนั่นขะน้อยกะยังบ่กินจักเทื่อ บ่ถืกธาตุกันค่ะ .. แฮะๆๆ

    ปล. มักบรรยากาศชายทุ่งคือกันค่ะ

  5. #5
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    อยากไปฟ้อนใส่กลองคณะนี้เด้ เป็น ตาม่วน คัก

    ว่าแต่กลองยาวคณะนี้ ตั้งอยู่ใส น้อครับ

  6. #6
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    219
    ซุบหมากเขียเห็นแล้วอยากกินข้าวทันที

  7. #7
    แบ่งปันความรู้และประสบการณ์ สัญลักษณ์ของ หลอดปอดป่อง
    วันที่สมัคร
    Jun 2012
    ที่อยู่
    สุดเขตชายแดน
    กระทู้
    189
    ได้บรรยากาศคัก แนวกินกะเป็นตาแซบหลาย

  8. #8
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    174
    อ้ายบ่าวดอนโบม : สำนักงานกลองยาวตั้งอยู่ทาง บ้านหนองกบ ต.กู่จาน อ.คำเขื่อนแก้ว ยโสธรครับ

  9. #9
    แบ่งปันความรู้และประสบการณ์
    วันที่สมัคร
    Feb 2009
    ที่อยู่
    สวิส....พะนะ
    กระทู้
    563
    ลงมือเฮ้ดแนวอยู่แนวกินเองเลยตี้บ่าวหยก คือมาเก่งคักแท้แต่ละเมนูที่เอามาไห่เบิ่งกะมีตะแนวเป็นตาแซบวานี่แมะอิดสาแม่บ้านเด้เนาะ บาดของจะของเฮ้ดหยังกินกะบ่อเป็นได้กินนำแนกะแม่นต้มมาม่านี่ล่ะ

  10. #10
    แบ่งปันความรู้และประสบการณ์ สัญลักษณ์ของ คนภูหลวง
    วันที่สมัคร
    Feb 2010
    ที่อยู่
    เมืองเลย
    กระทู้
    359
    มักๆ บรรยากาศดีอิหลี เบิ่งแล้วคิดฮอดบ้าน เฒ่าพ่อเพิ่นหาแต่แนวแซบมาให้ลูกให้หลานกิน

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •