แกงขี้เหล็กอีสาน

[พวงพยอม]

สวัสดีจ้าธุจ้าพี่น้องบ้านมหาทุกท่าน

เอื้อยมีแนวกินที่บ่ได้เฮ็ดกินดนแล้วมาฝากพี่น้องคือแกงขี้เหล็กจ้า พอดีได้ผักขี้เหล็กสดๆส่งมาจากฟลอริด้า ต้มน้ำเดียวแล้วล้างน้ำเปล่าอีกน้ำก็พอ เพราะมักกินขมจั้กหน่อยน้อจ้ากับบ่ค่อยมักต้มแบบเละๆ มักเป็นใบๆ (แบบหวานเป็นลม ขมเป็นยา)ใส่เนื้อหมูติดหนังกับหนังหมูแห้งอบกรอบ แซ่บหลายจ้า


เครื่องปรุงและส่วนผสม
ผักขี้เหล็ก
น้ำใบย่านาง
หนังหมูอบกรอบ 1/2 ถ้วย



ผักชะอม 1 ถ้วย
ใบแมงลัก 1 ถ้วย
ผักชีลาว 1 ถ้วย
ต้นหอมหั่นเป็นท่อน 1 ถ้วย



น้ำปลาร้า 2 ช้อนโต๊ะ
น้ำปลา 1 ช้อนโต๊ะ
ข่า 2 แว่น
ตะไคร้ 1 ต้น
พริกขี้หนูแห้ง 10 เม็ด
พริกขี้หนูสด 4 เม็ด
หอมแดง 2 หัว
เกลือ 1 ช้อนชา



เนื้อหมูติดหนังและหนังหมูอบกรอบ



วิธีทำ
ต้มผักขี้เหล็กในหม้อ 1น้ำจนคลายรสขม ถ้าไม่ชอบขมก็ต้ม 2 น้ำจ้า



นำไปแช่ในน้ำเย็นแล้วปั้นเป็นก้อนๆบีบน้ำออกให้หมด เอื้อยมักแบบบ่เละจ้า



ตำพริกแกงด้วยข่า ตะไคร้ พริกแห้ง หอมแดง
ใส่เกลือเล็กน้อย



ตั้งหม้อต้มน้ำใบย่านางใส่พริกแกง และตะไคร้หั่นเป็นท่อนๆ



ใส่ผักขี้เหล็กและเนื้อหมูต้มในหม้อจนสุก ปรุงรสด้วยน้ำปลาและน้ำปลาร้า



ใส่ผักชะอม ผักชีลาว ลงก่อน ตามด้วยใบแมงลัก ต้นหอม พริกลูกโดด



ใสหนังหมูกรอบลงท้ายสุด ปิดฝาหม้อ ปิดไฟ



เสร็จแล้วจ้าแกงขี้เหล็กอีสานบ้านเฮา



เพิ่มทอดไข่ใส่ชะอมอีกสักจานน้อจ้า



มากินนำกันเด้อจ้า แกงขี้เหล็ก ทอดไข่ กับข้าวเหนียวฮ้อนๆ สวรรค์บ้านนานั้นอยู่แค่เอื้อมจริงๆน้อจ้าพี่น้อง



เคล็ดลับสำหรับวันนี้

1.ใส่เกลือตอนตำพริกแห้งเพื่อให้แหลกง่าย
2. ใส่ผักที่สุกยากก่อนคือผักขี้เหล็ก ตามด้วยชะอม ผักชีลาว
3. ใบแมงลัก ต้นหอมใส่ทีหลังแล้วยกลงจากเตาทันที

ขอขอบคุณบ้านมหาที่ให้โอกาสนำเสนอ
ขอขอบคุณผู้อ่านทุกท่านเด้อจ้า

[บ่าวจีดส์]

เป็นตาแซบ นี่แหละครับของมักต้องใส่แค็ปหมู ขั่นใส่หนังงัวบ่ค่อยมักป่านใด๋ย่อนว่าแข่วบ่ดีเคี้ยวด๋นโพด ว่าแล้วก้อหิวเข่าอีกแล้ว

[พวงพยอม]

สวัสดีจ้า

น้องบ่าวจี้ดส์ :) ขอบคุณหลายๆที่แวะมายามมาทักทายกันเด้อจ้า มากินนำกันจ้า

คุณแสงจันทร์ จากFacebook :) คึดฮอดบ้านคือกันจ้า มากินนำกันเด้อจ้า

[พ่อบักเตเต้]

เอื้อยพวงถ่าใส่แคบหมูสิออกมัน ๆ บ่ได้อรรถรสความเป็นอีสานครับต้องใส่หนังวัวจี่ครับ บ่มียอดจับพุ้นเด๊ะ

[พวงพยอม]

สวัสดีจ้าพ่อบักเตเต้

เอื้อยเห็นด้วยจ้า แต่ว่าเอื้อยบ่กินเนื้องัวมา 24 ปีแล้ว
ขอบคุณหลายๆที่แวะมาทักทายกันเด้อจ้า

[sugar-51]

เป็นตาแซป หลาย อ้าย เอ้ยยยยยยยยยยย

[พวงพยอม]

ขอบคุณหลายๆเด้อจ้า
น้องsugar-51 จากบ้านมหาและ
คุณจรัสชัย นาถมทองจากFacebook

:*-:*-

[นู๋คำหวาน]

เป็นตาแซบคักอิหลีจ้า แฮ่ๆๆๆ หิวข้าวเลยจ้า ขอบคุณจ้า อิอิ

[sompoi]

ืมักคักจ้าเมนูนี้ ขอบคุณสำหรับสูตรค่ะพี่สาวคนเก่ง