อันแม่ญิงงามนั้น งามจรรยา วาสคล่อง
วาจาหวานอิ่นอ้อย จากใจแผ้ว ผ่องใส
ปากกับใจตรงกันพร้อม บ่มีแถ สองแง่ม
ปากจั่งหนึ่งการกระทำอีกด้าน ญิงนั้น หากบ่คูณ
ไผมีบุญ จั่งได้ซ้อน เฮียงหมอน เป็นคู่
ชีวิตพูนเพิ่มขึ้น มีสุขล้น กว่าไผ
หากชายใดโชคร้าย เจอญิงง่าย มาเป็นเมีย
คงสิเสียใจหลาย อั่งทรวง แสนเศร้า
เมียเมามัวตัณหาล้น ขนลง บ่เต็มอิ่ม
ได้คนนี้แล้วกะถิ่ม ได้คนนั้นแล้วกะถิ่ม บ่มีมื้อ หว่างสิพอ
หลงเจ้าของว่ากะด้อ งามกว่า นามญิง
จริงจริงเขาหลงผิด ว่ารูปงาม เป็นของแท้
หนุ่มเอ้ย อย่าไปหลงแลจ้อง เพียงกาย ว่างามเด่น
เบิ่งให้เป็นเลือกให้ได้ อย่าไปจ้อง แต่ฮ่างคีง
หล่าเอ้ย...
Bookmarks