...................ขี้ฮ่ายมักสาวเนาะ....................

[บ่าวโจ่โล่]

ย่อนเป็นคนขี้ล่าย ขอเป็นชายเว้านำม่วน ได้นั่งครวญกับเจ้า อย่าสุเว้าไส่คักหลาย
เบิ่งพี่ชายกายซ่ำนี้ มันเต็มทีความบ่หล่อ อดสาห์ยิ้มให้แน่น้อ พอเป็นทานอุทิศไว้ ยังสิได้แผ่กุศล
อดสาทนมาแนมหน่า อดสาเว้า อดสาจา เป็นนางฟ้าใจดีแน่ ทางใจอ้ายกะบ่แพ้ ผู้หล่อล่ำดอกซ่ำได๋
เห็นเป็นคนขี้ไฮ้ ใจบ่ต่ำซ่ำคือตอ ถ้าฮักอ้ายแล้วน้อ อ้ายอยากยอจั่งนางฟ้า ย่านอย่างเดียวเด๊หล่า ย่านผลาบ่สมเผิ่น
คนขี้ฮ่ายสาวเมิน มันขาดเขินผู้นั่งเว้า จักแม่นเศร้าบัดคิดไป สิคอยไต่บันไดสร้าง สู้เพื่อนางอยู่สุย่าง
เรื่องทุกข์อยากอ้ายสิถาง คนเคียงข้างขอแม่นเจ้า เอาใจสู้ดอกสู่แนว น้องเอ่ย


.......................... ขอขอบคุณแรงเชียร์แรงใจ ที่ส่งถึงผม และหลายท่านที่อยากอ่าน ผญา ผมเนาะครับ ถ้ามีเวลากะสิผยายามเขียน ให้พี่ให้น้องได้อ่านเนาะครับ
.......................... บางมื้อ บางเทื่อกะเหมิดมุข คือกันอ่ะหล่ะ ถ้าว่าง ๆ กะสิเขียนให้อ่านเนาะครับ ขอบคุณสำหรับ คำแนะนำดี ๆ จากทุก ๆ ท่านเด้อครับ

[sompoi]

โอ้ยยย มักหลายผุบ่าวขี่ฮ่าย เอ้ย ผุบ่าวเสื้อแดงนิแม่ะ..คิกๆๆ(ล่อเล่นอย่าเคียดเด้อ..จะแม่นเพิ่นผุโก้น้อ..)ตามอ่านอยู่สู่มื่ออ่ะล่ะจ้า ..เป็นแฟนพันธุ์แท้เด้ออ้าย..จุ้บๆๆ..อิอิ..

[น้องแพรจ้า]

เฮ็ดนำแน่เอื้อยคนสวย ย่านแล่นนำยุจ๊ะ คริ ๆ ๆ

[บ่าววิทย์]

เข้ากับชีวิตผู้บ่าวแนวคือบ่าววิทย์คักแท้ล่ะบ่าวโจโล่ 5555 8)

[maxlinee]

อย่าให้เสียแฮงอ้ายเดินทางหิวหอด
คือดั่งม้าอยากน้ำเดือนห้าหอดหิว
คันบ่กูณาอ้าย เห็นสิตายม้อยระแหม่ง
เห็นสิตายหอดแห้งหิวน้ำหอดแฮง

ขันตีตั้งสัจจังหมั้นเที่ยง
บ่ได้คึดเบี่ยงเลี้ยวลวงล้อหลอกใผ
ปานใดเดสิได้จูงแขนเข้าพาขวัญป้อนไข่หน่วย
มือขวาป้อนไข่อ้าย มือซ้ายป้อนไข่นาง

พี่หากใจประสงค์ปล้ำยูงยางไม้ใหญ่
คันแม่นพร้าบ่บ่าน ขวานบ่เป้ ไม้บ่ล้ม อวนอ้ายบ่เซา