ดาวมณีน้อย นกเขาขัน กระสันอ่าว.....

[maxlinee]

อาจจะตอบช้าจักหนอ่ยเด้อ เพราะว่าเฮ็ดเวียกไปนำ

ตกมามื้อนี้คนดีอย่าฟ้าวปะ ให้มานั่งแนมหน้าคำจาผญาก่อน
หากว่าบุญสมได้ลูกใภ้คงพ้อญ่าดวงซาตาตรงแล้วคงบ่แคล้วดอกไปไกล
เล็กมื้ออื่นได้สอบไล่อีหยังหล่า

[zaxman]

คือสิสอบอีหยังนอ

สอบภาษาเกาหลีจ้า
(อ้ายแซก)

[zaxman]

นางกะพวมจาต่านโอมอ่านควมแถลง หวังสิเป็นเฟือแฝงนำแยงซุแลงเซ้า
มื้อนี้นางกินเข่าท้องอิ่มนวลเต็ม กินกับปลาทูเค็มแจ่วหมากพริกดิบพร้อม
นางได่อ่อมกบไว้โตใหญ่ๆใส่หมาเขืออีกทังเครือพักใส่ยอดอ่อนเด็ดลงซั่ว
ใส่เข่าคั่วลงพร้อมเฮ็ดให่อ่อมนางเหนียว เข้าคำเดียวบ่พออี่แม่ลาวหลงคุ้ย
............แบแฮงอ้าย.........
บ่ได่คุยได้อ่างนางเป็นซ่างเฮ็ดอาหาร เฮ็ดไปทานบ่พอทางผู่ขอสิโยนค่อน
หีบมาคอนเอาแม่พาแมมาขอ เอากระทอมานำใส่นางเมือพร้อมเด้ออ้าย

[maxlinee]

ใจหนึ่งว่าอยากหย้อแม่น้ำให้เป็นแผ่นดินเดียว
คราวสองคืนสามคืนอยากหย้อเป็นคราวมื้อ

ซาตาบ่ฮ้ายบุญหลายคือสิได้ฮวม ท่วมกะท่วมคราวนี้สิกินปลาใหญ่
ถ่าแต่นารีน้องลองมาเบิงเทิงบ้านใหม่ ทั้งหมอกะทะถ้วยเหลือมอ่วยซ่วยขวยบ่หมอง
ลองมาเบิงเด้อหล่ามีแต่ปลาโตใหญ่ อีกทั้งญ่านั่นได้เตรียมของไว้ให้แงงหลัง

[maxlinee]

จักปีกะสิถ่าจักพรรษากะสิอยู่ คันบ่ได้เป็นคู่เห็นแต่เฮือนนางน้อย กะปานได้นั่งเคียง

[maxlinee]

เจ้าอย่าป๋าข่อยไว้กลางไฮ่เป็นหมู่กา เจ้าอย่าป๋าข่อยไว้กลางนาเป็นหมู่ไก่ เจ้าอย่าป๋าข่อยไว้ไลถิ่มให้เหลียวคอย

[zaxman]

อ้ายเอ้ย...ไผว่าน้องป๋าอ้ายกลางไฮแกมหมู่กา น้องบ่ได่โผดอ้ายกลางนาแกมหมู่ไก่
ควมในใจบ่ได่สิไลถิ่มให้เปล่าดาย...สาเลย ควมจาต้านสิมาขอเป็นเข่ยแต่งเซยสิเป็นเขย
นางบ่ฮู้บ่เคยกะสางมาได่พ้อหล่อถ่วยท่าแต่งเมีย บ่แม่นเกียคอยถ่าสิเอือบปลาโตใหญ่...บ้อนอ
พอแต่อ้ายคัวแล้วกาแก้วแซวหนี คือจั่งสังกะลีน้อยตนคอยครูบาใหญ่
บิณฑบาตบ่ได้งายพ่องสิจ่องสัน คือจั่งจันทร์อยู่เทิงฟ้าถ้าเพ็งสิหงายแก่
พอคืนเพ็งเวียนปบผั่นเล่ามีฝนฟ้า เดือนกะเลยดับหน้าหนาวเมฆาน้ำฝนทั่ง
พอมิดเหยหยาดย้อยบ่เฮืองจ้อยย่อนถืกแฮม
พี่ชายเอ้ย...ให้เฉลยซื่ออ้างสาวนางลูกไพ่แม่..เบิ่งแน่หนา ว่าสิบคนซาวคนสิหย่อเป็นผู่ได๋พี่
ไผสิเป็นนารีน้อยผู้แหงนคอยกะทะใหม่ เพิ่นผู่นั้นแม่นไผซาติแต่มีหลายล้นคนฮักอ้าย...แม่นบ่ลืม
น้องไปตื่มนี่คนร้อยหือว่าพันพอล้านเกิ่ง หือว่าเหิงมาแล้วพี่ซายแก้วนั่นนับหลง...พุ่นนอพี่

[maxlinee]

พี่นี้บ่มีต้นกล้วยจึงได้เหนี่ยวหาตอง บ่มีสองจิ่งได้มาหาน้อง
พี่นี้ปลอดอ้อยซ้อย เสมออ้อยกลางกอ กาบกะบ่ห่อ หน่อน้อยกะบ่อซอน ชู้บ่ช้อนเมียอ้ายบ่มี


คันบ่แน่บ่ยิง บ่จริงบ่เว้า บ่เอาบ่ว่า รับฟ้าผ่าห่าตำกะได้ ใจนั้นเที่ยงชัน

[maxlinee]

ความจาเว้าสังกาลีนอ้ยคอยครุบาใหญ่บินทบาทบ่ได้กะพอ่งสิจองสัน ว่าคือจั่งจันทร์อยู่เทิงฟ้าถ่าเพ็งหลายแก่
เว้าคือว่าเฮาแย่มักบ่แท้ว่าตั่วตี้หล่า อันว่าโตอ้ายหนาเกิดมาจนว่าใหญ่ บ่เคยมีไผ๋ฮวมซ้อนหมอนข้างนางอย่าว่า
บ่แม่นนางบ่หล่อสาวซ่ากาสินถิ่นตำนานไดโนโก้เก๋นั่น บ่แมนเพิ่นเทียวทางป่องบ่แม่นเพิ่นล่องทางเทียวเบิดแล้วอยู่บ่นาง
บ่าวผู้อยู่ใกล้บ้านใส่ไซหมานอยู่บ่นาง บัดว่าอ้ายหยางยามถามนางสิได้บ่ ยามไปฝากอิ่มพ่อบักค่อโต้นโตใหญ่
อีกทั้งเป็ดไก่ตอนกอนลอนเหล้า ผุสาวเจ้าได้หรือไปร์

[ทองคำ]

หล่าดาวมณีเอย อันว่าความฮักนี่สังกะลีบ่อมาเปรียบ เกียเอียบปลากะพ่องนั้น สิเปรียบได้แม่นจั่งได๋
พระจันใสอยู่เทิงฟ้า ดวงดาราเทิงฮ้อยหมื่น นับวันคืนสุมเข้า บ่อส่ำเจ้าสิฮักกัน
คันแม่นใจกระสันสู้ อยู่ฟากป่ากะหาเห็น ใจประสงค์ตาเว็นทัด นั่งเทียมกะยังได้
ดีใจหลายเด้อนางหล่า ตอบผญามาฝากพี่ ทิดทองคำผู้นี่ บ่อมีมื้อสิเล่าลืม
ขอให้สุขปราบปลื้ม ความฮักให้สุขสม ชั่งทั้งพรหมโลกา ให้หลั่งมาอวยพรเจ้า
บุญบ่อพอสิได้เข้า อยู่ฮ่วมรวมเป้นสอง ชาติหน้ามีสิหวังปอง อยู่คองเคียงน้อง
ชาตินี่เฮาบ่อยาวหมั้น เว้านำกันบ่อว้อยซื่น ให้เจ้าสุขราบรื่น กับเขานั่นผู้นั่งคอง สาเด้อ