กลอนผญาขำๆ

[จำจน]

พ่อแม่พี่น้องเอ้ย
ได้ยินข่าว เศร้าใจยิ่ง ผู้หญิงนั้น คือกันบ๊อ?
อยากฮู้ความ จึงถามส่อ พอสิได้ เข้าใจคน
ผัวถูกหวย ได้รวยล้น โอนเงินเข้า กระเป๋าเมีย
ไว้ใจนาง ไร้ทางเสีย ผัวเมียกัน มั่นใจเจ้า
เก็บเป็นทุน หนุนลูกเต้า ได้เล่าเรียน เพียรศึกษา
จนจบสิ้น ปริญญา อนาคต สดใสนั้น
ความตั้งใจ ไกลเกินกั้น บ่คาดฝัน วันผิดหวัง
เมียสิมา หลับตาซัง หักหลังเท ไปเปย์ชู้
น้ำใจนาง ยากหยั่งรู้ อยู่กินมา ฮักกว่าไผ
บ่เคยหลอก คิดนอกใจ สัตย์ซื่อให้ ในรักแท้
บัดฮู้ไต๋ น้ำใจแม่ แค่ตบตา มารยาหญิง
ทำแกล้งรัก ภักดีจริง โมราสิง ใจหญิงร่าน
บัดเห็นใจ ได้เงินล้าน มอบประทาน ปานกระดึ่
ธาตุแท้หล่อน ซ่อนลึกลี้ มีซุกซอก แอบนอกใจ
ดังโบราณ ท่านว่าไว้ อย่าวางใจ ในข้าเก่า
อีกช้างสาร อันงูเห่า เจ้ามายเดียร์ เมียรักนั้น
หลงเชื่อเมีย เสียเงินล้าน ชู้พาผลาญ พอกันที
สิเชื่อใจ ไผได้นี่ บางทีเฮา กะบ่เชื่อใจเจ้าของ เหอๆ

เชื่อใจไผได้น้อ บางครั้งบางทีกะยังบ่เชื่อใจเจ้าของ อิอิ

รวมกลอนพญาขำๆ 01
>https://bit.ly/3IGTV5c

รวมกลอนพญาขำๆ 02
> https://bit.ly/3u3LT2y

คู่มือเขียนเรื่องสั้น ฉบับ ลัดทางเรียน ง่ายสุดๆ
> https://bit.ly/3KIqaTH

[จำจน]

พี่น้องเอ้ย
ขับรถรา ถ้าใจร้อน อาจนอนยาว เฝ้าริมทาง อิอิ
ขับรถรา อย่าใจร้อน เอื้ออาทร ตอนใช้ทาง
อย่าขับปาด ให้บาดหมาง ผัวบ่ฟัง ตบบั้งแต้
หากหัวฮ้อน เดือดร้อนแน่ เห็นแต่ข่าว ทุกเช้าแลง
เหตุจากปาด ผลัดกันแซง แข่งเอามันส์ ชาวบ้านป้อย
ท้องถนน คนเป็นร้อย พลอยหวาดเสียว รถเฉี่ยวกัน
โรคผู้เฒ่า ทั้งเบาหวาน ความดันขึ้น เพราะตื่นเต้น
เรื่องขาดคอ อย่าล้อเล่น เห็นสนุก ทุกข์คนเขา
คึกคนอง ล่อของเมา เสพยา-เหล้า ผีเข้าร่าง
ปานหุ่นยนต์ ที่โจรสร้าง ล้างทำลาย ไร้ปราณี
ทั้งหุ่นยนต์ ทั้งคนดี ต่างป่นปี้ ได้อิหยัง?
ควรใจเย็น เป็นที่ตั้ง ต่างให้เกียรติ อย่าเดียดฉันท์
เอาชนะ คะคานกัน นั้นก่อไฟ ให้เดือดร้อน
จงอภัย ให้กันถ่อน ป้อนน้ำใจ สิได้สุข
ดีกว่าไป อยู่ในคุก ถูกกักเขต เหตุหัวร้อน เหอๆ

รวมกลอนพญาขำๆ 01
>https://bit.ly/3IGTV5c

รวมกลอนพญาขำๆ 02
> https://bit.ly/3u3LT2y

คู่มือเขียนเรื่องสั้น ฉบับ ลัดทางเรียน ง่ายสุดๆ
> https://bit.ly/3KIqaTH

[จำจน]

นางเอ้ย
อยากเผยใจ ให้รับรู้ อยู่กินมา หลายหน้าหนาว
บ่เคยมี ราคีคาว เรื่องชู้สาว กับชาวบ้าน
ใจสัตย์ชื่อ บ่ดื้อด้าน มารผจญ บ่สนไผ
มาบัดเฒ่า บ่เข้าใจ ความจังไร ไหลมาท้อน
กินตับแม่ฮ้าง ตางแจ่วฮ้อน คือสิย้อน อ่อนเยาว์วัย
ช่วยสาวแก่ แก้ไข้ใจ ทั้งแม่ม่าย ให้คลายเศร้า
นิ่งดูดาย จั๊งใด๋เจ้า เขาสิหยาม น้ำใจชาย
ต้องทำดี ก่อนสิตาย ได้กุศล ช่วยคนนั้น
โปรดใจกว้าง อย่าขวางกั้น ปันน้ำใจ ให้เพื่อนหญิง
ผู้บ่ทัน ฝันเป็นจริง เจอสิ่งดี มีรอยยิ้ม
ให้ตัวเบา ก่อนเฒ่าถิ่ม ลิ้มรสหวาน ซาบซ่านใจ
ไผที่หนุน ได้บุญหลาย ให้คนอื่น ขึ้นสวรรค์ เหอๆ
ช่วยเพื่อนมนุษย์ สุดยอดอานิสงส์ แหๆ


รวมกลอนพญาขำๆ 01
>https://bit.ly/3IGTV5c
รวมกลอนพญาขำๆ 02
> https://bit.ly/3u3LT2y
คู่มือเขียนเรื่องสั้น ฉบับ ลัดทางเรียน ง่ายสุดๆ
> https://bit.ly/3KIqaTH

[จำจน]

พี่น้องเอ้ย
นั่งผู้เดียว เทียวหัวยิ้ม พิมพ์อักษร อ้อนทางสาย
จั๊งแม่นยุค สุขสบาย จีบกันง่าย ไผสิฮู้
เมียนอกใจ ไปคบชู้ ผู้ผัวอ่อย หลอยเมียเขา
จีบผ่านเฟซ นัดเดทเอา เร้าใจคัก เล่นลักลี้
คนในยุค ทุกมื้อนี้ บ่มีแคร์ แค่พอใจ
คิดอยากคั่ว เมียผัวไผ เฟชบุ๊ค-ไลน์ ทักทายโลด
โปรไฟล์ดี ทำทีโสด โพสรูปลง บ่ตรงปก
อ่านกินกัน นัดวันชก เสี่ยงโรคภัย ใจเรียกร้อง
คนแปลกหน้า พาขึ้นห้อง ต้องจำจื่อ คือเป็นข่าว
บ้างอับอาย ใจปวดร้าว บ่าว/สาวแสบ แอบมอมยา
ทรัพย์สินสูญ หลายมูลค่า ตาสว่าง จั๊งแม่นเข็ด
บ่ได้ฟิน กินพริกเผ็ด เหอๆ
ลงทุนไป บ่ได้เช็ด แหๆ
เล่ห์เหลี่ยมคน กลหมกเม็ด เฮ็ดใจช้ำ กรรมเวรเอ้ย

รวมกลอนพญาขำๆ 01
>https://bit.ly/3IGTV5c
รวมกลอนพญาขำๆ 02
> https://bit.ly/3u3LT2y
คู่มือเขียนเรื่องสั้น ฉบับ ลัดทางเรียน ง่ายสุดๆ
> https://bit.ly/3KIqaTH
อ่านงานเขียนได้ที่ >
https://bit.ly/3YHbSJa

[จำจน]

พี่น้องเอ้ย
ลงทุนรวย ผัดซวยซ้ำ กรรมของเวร เป็นตาหน่าย
ล็อตเตอรี่ ที่วางขาย ทำลายฝัน ขวัญเสียแล้ว
ฝันบรรเจิด ที่เพริศแพร้ว ใจแป้วฝ่อ พอเห็นข่าว
พวกจังไร พิมพ์ขายเจ้า คันเซาซื้อ คือทิ้งฝัน
มันยากเกิน หาเงินล้าน หนุ่มยันแก่ ที่แลหา
บ่เคยนับ จับสักครา มาซาวสิบ กระปริบกระปรอย
แต่แหกคอก ออกเป็นร้อย หลอยเมียได้ ใช้บ่เหลือ
ซื้อหวยรัฐ บัดปานเนื้อ เข้าทางเสือ เป็นเหยื่อเขา
โก่งราคา ว่าขายเอา พวกเฮาหนา ชั่งบ้าจี้
แพงกะฮู้ สู้เต็มที่ ย่อนฝันดี คือมีหวัง
คนขายฝัน มันน่าชัง ยิ่งเลขดัง เห็นทางได้
เสือนอนกิน เห็นสิ้นไส้ คนโวยวาย น่าหน่ายแหนง

ไผดูแล หาทางแก้หวยแพง โอ้ย กินมาม่าสิออกเหลืองแล้ว แหๆ
ไผซ่อยแหน่ หมดทางแก้หวยแพง อิอิ สิให้เฮ็ดจั๊งใด๋

แก้บ่ไหว เลยขายแข่ง หวยกะแห่ง แพงขึ้นหน้า
พวกจังไร เห็นได้ท่า พิมพ์ออกมา แก้ปัญหาช่วย อิอิ
เร่ขายทั่ว ถูกกว่าด้วย เลยซวยซ้ำ ย่อนคำว่า "ปลอม" เหอๆ

โอ้ย ตรวจผลยามใด๋ เจอแต่ของปลอม
บ่เข็ด งวดหน้า เอาใหม่ พนะ


รวมกลอนพญาขำๆ 01
>https://bit.ly/3IGTV5c

รวมกลอนพญาขำๆ 02
> https://bit.ly/3u3LT2y

คู่มือเขียนเรื่องสั้น ฉบับ ลัดทางเรียน ง่ายสุดๆ
> https://bit.ly/3KIqaTH

อ่านงานเขียนได้ที่ >
https://bit.ly/3YHbSJa

[จำจน]

อาวเอ้ย
บวบบ้านใด๋ ไผฮู้บ้าง กะส่างดี มีราคา
ปุ๋ยสูตรใด๋ ใช้เป็นยา กันเพลี้ยรา มาแตะต้อง
ดูแลเยี่ยม จนเหลี่ยมม้อง มองผิวเผิน เกินปลอดสาร
คนหมายปอง จ้องรับทาน คงหวานลิ้น กลิ่นหอมยั่ว
กล้วยช้ำหมอง กองเต็มทั่ว บ่หัวซา หาบวบหวาน
หมากเขือป้อ บ่ต้องการ มันเหี่ยวยาน ฝาดซั้นตี้
คนเพี้ยนไป สมัยนี้ ที่เป็นข่าว ทุกเช้าแลง
บวบหยังหวา ราคาแพง ยังแคลงใจ พันธุ์ใด๋เจ้า เหอๆ

คู่มือเขียนเรื่องสั้น ฉบับ ลัดทางเรียน ง่ายสุดๆ
> https://bit.ly/3KIqaTH