หน้าที่ 15 จากทั้งหมด 16 หน้า หน้าแรกหน้าแรก ... 513141516 หน้าสุดท้ายหน้าสุดท้าย
กำลังแสดงผล 141 ถึง 150 จากทั้งหมด 159

หัวข้อ: กลอนผญาขำๆ

  1. #141
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173






    พี่น้องเอ้ย
    คนอีหยัง ตาซังฮ้าย ซ่างมักง่าย ไร้สำนึก
    เฮ็ดจั๊งใด๋ ให้รู้สึก ดึกฆ้อนใส่ ปาไข่บ้อ
    อู้บหมาฮ้าย ไล่งับข้อ ขย้ำดอ อิอิ ขย้ำคอ ซะบ้อหือ
    จั๊งฝ้งใจ ให้จำจี่อ คือสิเข็ด บ่เฮ็ดซ้ำ
    จุดทิ้งมี ที่เขาห้าม นำขยะ ไปซะวาง
    ป่าละเมาะ เลาะริมทาง ที่ว่างเปล่า เขาบ่ใช้
    เมื่อมีคน ตั้งต้นไว้ ไทพี่น้อง กองกฐิน (ต่อยอดๆ อิอิ)
    หลั่งไหลมา มืดฟ้าดิน ร่วมยินดี ทวีเพิ่ม
    ไผเล่าหนา พาริเริ่ม เสริมส่งทาง บ่สร้างสรรค์
    คันบ่มี ที่ทิ้งกัน หน้าเทศบาล ยังลานกว้าง อิอิ
    บ่มีรก บ่ตกค้าง ฝากกลางคืน ตื่นเช้าหาย
    ทิ้งถูกที่ ดีเอาฮ้าย เชิญน้องอ้าย ใช้บริการ เหอๆ

    โอ้ย พากันทิ้งขยะกองไว้ข้างทาง ที่รกร้างว่างเปล่า ก็เน่าเหม็น ทับถมเป็นภูผา
    กะลองไปทิ้งหน้าสำนักงานเทศบาลเบิ่งแหน่นา อิอิ คือสิสะอาดตาดีแท้ เหอๆ

  2. #142
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173

    พี่น้องเอ้ย
    บอกเลิกรา ป๋าคนเค้า ไปเอาใหม่ หาไผมัน
    ผูกขาดดน จนเบื่อกัน ฟันบ่เสียว มาเกี่ยวข้อง
    จากด้วยดี เป็นพี่น้อง ไปลิ้มลอง เล่นของใหม่
    หน้าคนเก่า บ่เร้าใจ พาหมดไฟ ทำไข่ฝ่อ อิอิ
    หน้าคนเก่า บ่เร้าใจ ก่อนหมดไฟ เปลี่ยนใหม่เถาะ
    ลูกหญิงชาย ใหญ่แล้วน้อ พอหากิน ปีกบินแข็ง
    ก้าวสู่วัย ไปขายแรง บ่ต้องแงง ทุกแลงเช้า
    เปลี่ยนคู่นอน ก่อนสิเฒ่า เป็นหนุ่มสาว อีกคราวต่อ
    หย่อนยานไป ไผสิง้อ เงินกองล่อ พอสิเหลียว
    ชาวบ้านด่า ไผว่าเคียว เดี๋ยวก็ชิน อย่าอินเจ้า
    ปากมีไว้ ไผสิเว้า ใจเฮาสุข สนุกสนาน
    ต่างมีใหม่ ใจเบิกบาน ปานข้าวใหม่ กับไก่ย่าง
    หนี้สินรวม ที่ร่วมสร้าง หาทางไถ คนใหม่โปะ
    คันบ่ได้ ก็ให้โละ หาโอ๋อวย คนรวยเลี้ยง เหอๆ

  3. #143
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173

    อะแฮ่ม
    ผู้ถามหา มาแล้วเด้อ ไผอยากเจอ ตัวเกลอเก๊า
    ชื่อโควิด ฮิตแต่เค้า คนเคยเว่า ลือเล่าขาน
    บัดนี้เตรียม เยี่ยมเยือนท่าน ฮอดถิ่นฐาน บ้านอาศัย
    อยู่อู๋ฮั่น ว่ามันไกล บ่มีไผ คิดไปเยี่ยม
    เลยให้เกลอ เซอร์วิลเลี่ยม ผู้เหี้ยมหาญ พันธุ์อังกฤษ
    ข้ามทะเล เนรมิต ให้ติดต่อ ขอเยือนท่าน
    จากบาร์คลับ บ่อนลับนั้น แพร่สู้บ้าน เร็วทันตา
    อยากทักทาย หลายปีมา อย่าชิงชัง รังเกียจเจ้า
    กว่าเจาะใจ คนไทยเข้า เมืองอื่นเขา เซากันหมด
    โดนวัคซีน ปานวินรถ หดเหลือตอ ถ่อถึงนี่
    หวังน้ำใจ ไทยน้องพี่ ยื่นไมตรี ยินดีรับ
    ก่อนโควิด ชีวิตดับ ลับสูญหาย ให้โอบอุ้ม แหๆ

    รับโควิดไปอยู่ในอ้อมใจ รักน้อยๆ แต่ซึ้งนานๆ เหอๆ

  4. #144
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173



    คนเอ้ยคน
    เรียงไทม์ไลน์ ไผติดเชื้อ เผื่อคนอื่น ได้ตื่นตัว
    ไปตรวจหมอ เป็นขอปัว อย่ากลัวผิด ปิดบังไว้
    อย่าวิตก เป็นโรคร้าย ตายเทือเดียว อิอิ
    อย่าวิตก เป็นโรคร้าย คันบ่ตาย กะหายใจ
    อย่าวิตก เป็นโรคร้าย ไปผู้เดียว บินเดี่ยวสา
    ให้ผองหมู่ เขาบูชา เสียสละ ห่าบ่แพร่
    คนจังไร นิสัยแย่ เห็นแก่ตัว ตั๋วแม้หมอ
    ไปซุกซน จนติดต่อ หอห้องลับ บ่อนคลับบาร์
    บาดเป็นไข้ สิตายมา แล่นหาหมอ ยอมือไหว้
    ความลับหนอ บอกบ่ได้ เมียเอาตาย ไผรับผิดชอบ เหอๆ

    อย่าถาม รับเชื้อไสมา บอกได้แค่ว่า ย่านเมียพิพากษาเอาโทษ แหๆ

  5. #145
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173




    ข่าวโควิด ติดเพิ่มขึ้น สิยืนสู้ อยู่จั๊งใด๋
    หาทางลี้ หลีกหนีภัย ไปอยู่ไส จั๊งไกลพ้น
    ข่าวโจษขาน โรงบาลล้น คนรอคิว เป็นทิวแถว
    กินข้าวปุ้น เอาบุญแอว แนวร่วมงาน บ่ปานนี้
    อยากบอกว่า อย่าหลบลี้ หนีปัญหา เหนื่อยล้าใจ
    หลอนวิตก อกสั่นไหว เมื่อใด๋ห่า มาถึงบ้าน
    โสเป็นสา ติดอย่าย่าน ภูมิต่อต้าน ท่านสิมี
    หมายถึงว่า ถ้าโชคดี มีสิทธิ์ฟื้น ยืนยาวได้
    ภาวนา อย่าโชคร้าย ปอดตับไต เหลือใช้งาน
    ถึงมือหมอ อย่ารอนาน ท่านก็หวิด มีสิทธิ์รอด เหอๆ

    โอ้ย ฉีดวัคซีนกันยัง ย่านหยัง ถ้ารอด กะบ่ตาย อิอิ

  6. 28-11-2021, 05:15
    เหตุผล
    1

  7. #146
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173

    อินางเอ้ย

    สาวๆเอ้ย เคยขายค้า ก่อนนี้หนา เงินหาง่าย
    แค่มีของ วางกองไว้ ก็ขายได้ ดั่งใจเฮา
    ทุกมื้อนี้ ผียังเศร้า หมาบ่เห่า ซบเซาหลาย
    คนนอนนั่ง สั่งออนไลน์ มอไซค์ส่ง ตรงถึงบ้าน
    คันขายค้า เช่าหน้าร้าน ทุกวันนี้ ใช้ทีเด็ด
    ต้องมีมนต์ กลเม็ด เฮ็ดให้คน สนใจนั้น

    ต้องใจกล้า หน้าบ่ด้าน บริการ อาหารใจ อิอิ

    มีแนวมัด งัดเชิงชั้น อวด อกอั๋น โชว์ถันสวย

    เปิดอกใจ สิได้รวย อิอิ

    วับแวมให้ ชายงงงวย ช่วยซื้อไป อิ่มใจพร้อม
    โชว์ของดี มีชายล้อม ยอมทนรอ ขอซื้อกิน
    อาหารตา กะได้ฟิน ยินดีให้ คนใจกว้าง เหอๆ

    ถึงเงินหายากกะตาม แต่ลุงกะเต็มใจให้เด้อ เหอๆ

  8. 09-01-2022, 21:50

  9. #147
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173

    พี่น้องเอ้ย
    ห่าโควิด ประชิดแล้ว ตั้งแนวรุก ให้อุกใจ
    ออกจากบ้าน ชักหวั่นไหว เฮ็ดจั๊งใด๋ ปลอดภัยจ้า
    อีกระลอก บอกเลยว่า ติดง่ายกว่า ก่อนหน้าหลาย
    โอมิครอน บ่อนทำลาย สายพันธุ์ใหม่ ไผกะย่าน
    วัคซีนอุด กะสุดต้าน ทานบ่ อยู่ มันบู๋ซอด
    แซงซ้ายท่าน ผ่านตลอด ทะลุปอด ดอดเข้าไป
    มันอวดเบ่ง บ่เกรงใจ น้อยหรือใหญ่ บ่ไว้หน้า
    รวยหรือจน บ่สนว่า อนาถา หรือยาจก
    ยุติธรรม ไผกรรมตก โรคสมปอง กรรมของท่าน
    หมอหนูว่า อย่าไปย่าน มันกระจอก บอกสบาย
    เป็นบ่หนัก รักษาหาย ทันสมัย ไผเป็นนั้น
    โอกาสทอง เป็นของท่าน ภูมิต้านทาน ท่านได้ฟรีๆ
    เชิญลองเป็น สิเห็นดี เจ้าหนี้หาย นายเลิกจุ้น
    ได้พักผ่อน เพียงนอนลุ้น หนีวุ่นวาย สบายอีหลี
    ปานจำศีล กินอยู่ฟรี ลองเบิ่งตี้ ดีเกินคาด เหอๆ

    ไผเป็น ถือว่าโชคดีหลาย ได้ภูมิคุ้มกันฟรีๆ แหๆ

  10. #148
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173

    พี่น้องเอ้ย
    น้ำมันขึ้น บืนไปหน้า ราคาหมู อดสูใจ
    สิทนสู้ อยู่จั๊งใด๋ ไข่กะแพง แผงเกินร้อย
    ถืกเมินซื้อ คือไข่ข้อย ห้อยต่องแต๊ง แห้งเหี่ยวเฉา
    สาวมองผ่าน ย่านมันเน่า เป็นไข่ข้าว ต้องเผาปิ้ง
    กินอยู่ยาก ลำบากยิ่ง ทุกสิ่งของ ต้องใช้เงิน
    บีบให้คน จนจำเดิน หาเงินใช้ ในทางชั่ว
    (ผม)คิดในใจ ไว้มั่วๆ สิทำตัว ปานงัวอาว
    กินหญ้าแทน แผนชั่วคราว อิอิ เอาชีวิตให้รอดก่อน
    ปลูกผักบั่ว กินชั่วคราว รอข่าวดี ปีมะว้อ
    สิทนอด บ่ทดท้อ รอทหาร ท่านเลี้ยงหมู
    แม้นหลายปี สิรอดู หมูเพิ่นโต โลละร้อย
    เฮ็ดใจใหญ่ อย่าใจน้อย รัฐยังซ่อย คอยความหวัง
    แปดเก้าปี คงดีดัง ตั้งใจรอ อย่าท้อเด้อพี่น้อง เหอๆ

  11. #149
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173

    อาวเอ้ย
    คุณผู้ชาย คล้ายกันบ้อ มี ผอ บอ จ่อสั่งการ
    ออกบ้านไป เป็นได้งาน สั่งการบ้าน ปานเด็กน้อย
    ขัดคำสั่ง ร้อยทั้งร้อย ถูกป้อยด่า ว่าเสียดสี
    อาจถึง อด งดให้ขี่ อิอิ
    หากพยศ โทษมากมี บางทีท่าน งานบ้านงอก
    ทางที่ดี สิขอบอก นอกจากฟัง คำสั่งแล้ว
    ปฏิบัติ สิคลาดแคล้ว แนวยุ่งยาก ลำบากกาย
    หนักเบาสู้ ลูกผู้ชาย ต้องยอมตาย ในหน้าที่ อิอิ
    รับภาระ มาเองนี่ พี่เซ้งต่อ พ่อแม่เขา
    วางเงินดาวน์ แสนยังเอา หัวหาเหา เจ้าเข็ดบ้อ
    ทำใจสา อย่าตัดพ้อ เฮาบ่โดน แค่คนเดียว
    อยู่ใต้หล้า ขอบฟ้าเขาเขียว เดี๋ยวนี้ลาม เป็นธรรมเนียมไปแล้ว เหอๆ

    โอ้ย ซื้อมาขาดตัว ยังเห็นผัวเป็นคนรับใช้
    ซื้อนั้นให้ที เอานี่ให้นำ สั่งคำจนจำบ่ได้ ทำใจๆ แหๆ


  12. 27-01-2022, 06:11

  13. #150
    แบ่งปันความรู้และประสบการณ์ สัญลักษณ์ของ จำจน
    วันที่สมัคร
    Jul 2008
    ที่อยู่
    ไทยแลนด์
    กระทู้
    173

    อาวเอ้ย
    ของต่างๆ กะส่างขึ้น ผมยืนงง ปลงบ่ตก
    เครียดเรื่องเงิน เกินตระหนก นกเขาน้อย กะหงอยซ้ำ
    แต่ก่อนเก่า ขันเช้าค่ำ ปานลำซิ่ง ห่าวยิ่งเหลือ
    เห็นผู้สาว ขาวนวลเนื้อ ใส่เสื้อน้อย ปานอ่อยมัน
    เลี้ยงมาดน จนฮักมั่น มันแสนรู้ ทั้งฮู้ใจ
    ไผคิดซื้อ หรืออยากได้ ผมบ่ขาย ถึงหลายเงิน
    สุขทางใจ ได้เพลิดเพลิน เขาเชิญแข่ง ลงแหล่งใต้
    แต่มื้อนี้ คือสิไข้ ตรอมใจเหงา นำเจ้าของ
    บ่คึกขัน ขยันฮ้อง พองขนสู้ ดูอ่อนแรง
    เจ้าของซูบ ลูบท้องแห้ง ของแพงเกิน เงินร่อยหรอ
    เอ้าอั๊งอุก นกลูกพ่อ เลยใจฝ่อ ห่อเหี่ยวตาม เหอๆ
    โอ้ย ตกเข้าสู่ยุค ข้าวของแพง เครียด ค่าเงินกะน้อย
    บ่ว่านกเขา นกข่อย พากันหงอยไปตามๆกันเนาะอาว อิอิ



    รวมกลอนพญาขำๆ 01
    >https://bit.ly/3IGTV5c

    รวมกลอนพญาขำๆ 02
    > https://bit.ly/3u3LT2y

    คู่มือเขียนเรื่องสั้น ฉบับ ลัดทางเรียน ง่ายสุดๆ
    > https://bit.ly/3KIqaTH

หน้าที่ 15 จากทั้งหมด 16 หน้า หน้าแรกหน้าแรก ... 513141516 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •