กำลังแสดงผล 1 ถึง 4 จากทั้งหมด 4

หัวข้อ: ปักเบ็ดปลาช่อนนา

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558

    ปักเบ็ดปลาช่อนนา


    ขอเอาภาพบรรยากาศหรือผลงานที่ผ่านมามาแสดงและฝากไว้ยังห้องสมุดบ้านมหาเด้อครับ
    เว้าเรื่องใส่เบ็ดกบต้ะปีที่แล้วเว้าได้เคิ่งเดียวถึงตอนปั้มกอไผ่มาเหลาคันเบ็ดแล้วหยุดคาไว้แค่นั้น
    มื้อนี้สิเอาภาพการใส่เบ็ดผลงานของผมอง เหลาเอง ใส่เอง ยามเอง แถมสาปลายังขุดเอง ฮ่าๆๆ มาสู่เบิ่ง

    ปักเบ็ดปลาช่อนนา

    เบ็ดหลังทำเสร็จแต่บ่เสร็จดีปานได๋ยังบ่ได้ผูกแอว คันเบ็ดเอายาวๆไว้ก่อนเผื่อปักตามคันสาคันบ่อที่น้ำมันอยู่เลิ่ก
    และพร้อมที่จะไปปักเอาปลาช่อนปลาดุกละครับ

    ปักเบ็ดปลาช่อนนา

    ต้องการเยื่อปลาหมึกแห้งตามที่เซียนเบ็ดเพิ่นแนะนำไปตลาดบาดได๋กะลืม สั่งกบน้อยจากฟาร์มกบทางสารคาม
    โตสองถึงสามบาทได้มาผัดโตใหญ่ห้าหกโตป่น เลือกเอาแต่โตน้อยมาเกี่ยวหลัง

    ปักเบ็ดปลาช่อนนา

    เกี่ยวหลังโยนลงน้ำ โตตายโตบ่ตาย

    ปักเบ็ดปลาช่อนนา

    สวบให้อยู่ครับ ปลาค่อใหญ่หั่นละ

    ปักเบ็ดปลาช่อนนา

    ปักเบ็ดปลาช่อนนา

    วนมาเบิ่งทางนี้มาหมูบคักแถะละ ดึงบ่ขึ้นได้ลงซาวหาอีกซาวลงไปๆ บ่แม่นปลาไหลบ่แม่นงู
    ข่องเคียผักบุ้งเน่าหลูดซ้ำเสียเหยื่อเขียดถิ่มไปโตหนึ่ง

    ปักเบ็ดปลาช่อนนา

    นั่งถ่าจอบบ้อนอยู่เถียงได้ยินเสียงสวบแล่นไปเบิ่งค่อยได้มาตื่มกันเรื่อยๆ ผ่านไปสามชั่วโมงได้ปลาค่อมาสามสี่โต
    ปลาแนวอื่นบ่มีบ้อหรือมันบ่มักเหยื่อเขียด
    ครับถือว่าฝีมือการเลือกลำไม้ไผ่การเหลาคันเบ็ดบ่ขี้ล่ายปานได๋ เคาเบ็ดติดลูกหมุนบ่มีหวิ่นบ่มีขาด

    และผ่านมาอีกหลายมื้อได้ข่าวว่าปลาช่อนโตใหญ่ลอยฟูเหนือน้ำมีคันเบ็ดติดไปนำ
    สงสัยอยู่ครับว่าเบ็ดหายไปใสคันหนึ่ง ปักไว้แจนี้น้าแต่บ่เห็น

  2. #2
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558

    ผลงานการลงเบ็ดครั้งที่สอง หว่างก่อน covid-19 สิมารอบแรกหลังปีใหม่บ่ครับ
    พี่น้องเพิ่นเอาปลาเข็งน้อยมาขายถ่งละซาวและกะหลายต้ะโตเยาและตายมีโตที่ดิ้นปนอยู่บ่หลายเลยนึกถึงคันเบ็ด





    เบ็ดเกี่ยวหลังลูกปลาหมอย่ายถิ่มไว้สาเดียวเบ็ดซาวหลัง



    นอนตื่นขึ้นย่างไปเบิ่ง โอ้น้ำบ้อนยุบๆ







    ใส่ถิ่มไว้สองมื้อได้ปลามาสิบกว่าโต ปลาดุกอุยใหญ่โตหนึ่งนอกนั้นแม่นช่อนล้วนขนาดราวๆ สามสี่ตัวกิโล



    เอามาขังใส่ไหเช้ามาหัวเหลิ่นเบิด ครับแปลกแต่จริงปลาในบ่อในสาในนาบ่เคยให้เหยื่อให้อาหารมันคืออ้วนดีแถะละ
    มีแต่ตัวอ้วนๆ หัวหลิมๆ



    นี่แม่นปลาเบ็ดหรือปลาแหหรือปลาข่อนบุละครับจำบ่ได้แต่บ่แม่นปลาซื้อแน่นอน ภาพถ่ายเก็บไว้เอามาโฮมกันเบิ่ง

    ปักเบ็ดปลากะมีข้อเสียคือเหยื่อหมดไว ใส่เหยื่อเขียดเขียดกะตาย ลูกปลานิลปลาหมอกะหายาก ไส้เดือนไส้ไก่ไส้หมู
    กะหมดไวปลาซิวน้อยเล็ม ปลาหมึกแห้งลองแล้วเปื่อยปลาซิวน้อยตอดคือเก่า เที่ยวหน้าตั้งใจสิเอาหนังงัวแห้งครับ
    แต่ฝนปีนี้หม่องท่วมกะท่วมทางสารคามบุรีรัมย์อีกบ่กี่ศีลสิออกพรรษายังบ่มีน้ำขังนาให้ได้หว่านปุ๋ยเลยเนาะครับ

  3. #3
    ร่วมถ่ายทอดความรู้สู่สังคม สัญลักษณ์ของ ชัย หมอแคน
    วันที่สมัคร
    Jan 2010
    ที่อยู่
    มณฑลอานสี
    กระทู้
    407
    บล็อก
    3
    สุดยอดครับ โดนแล้วบ่ได้เข้ามาเยี่ยมยามถามข่าวพี่น้อง คิดฮอดทุกๆคนและบรรยากาศเก่าๆนะครับ

  4. #4
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    558

    ผ่านไปสามสี่ปีหนองเก่ากับเบ็ดชุดเดิม ไม้ไผ่บ้านหรือไผ่สีสุกนี่เหนียวทนดีจริงๆ ครับ
    ปีนี้ลองเหยื่อปลาหมึกแห้ง เหยื่อหอยแครงโลร้อยแปดสิบครึ่งกิโลกรัมและเหยื่อแมงกะชอนครึ่งกิโลกรัมห้าสิบบาท
    ปักเบ็ดไว้ตอนเย็นนอนรอถึงตอนเช้าตามเดิม
    ตื่นนอนเสียบกระติกน้ำร้อนชงกาแฟจิบกาแฟหมดแก้วเดินมาถึงคันเบ็ดตอนแสงอาทิตย์จ้า
    บ่ผิดหวังยังพอได้ติดเบ็ดติดมือกลับบ้านเช้าละสามสี่ตัวครับ









































    ปลาในบ่อพอมีแต่เจ้าของบ่ได้นอนเฝ้า จึงบ่ได้กินปลาโตใหญ่นำคะเจ้าจักปี
    ปีนี้กำลังสั่งป้ายไวนิล เขียนข้อความเตือนว่า "พื้นที่ส่วนบุคคลห้ามลักลอบสูบปลา"


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •