ต้มแซบกระดูกหมูอ่อน น้ำใส่หม้อต้มเลยจ้า กระดูกหมูอ่อนปังตอสับชิ้นใหญ่จักหน่อย ล้างดีๆ พอน้ำเดือดเอากระดูกหมูลงไปต้มใส่เกลือ หมั่นตักฟองถิ่มน้ำแกงสิได้ใสจ้า
ตุ๋น30นาที แล้วเร่งไฟให้เดือด ใส่ตะไคร้ทุบหั่นท่อน หอมแดงทุบ รากผักชีทุบ ข่าอ่อนหั่นเป็นแว่น มะเขือเทศผ่า4ชิ้นต่อ1ผล  เห็ดฟางผ่าเคิ่งดอก
ติ๋มหาบ่ได้ต่างประเทศเห็ดแชมิย่องเลยจ้า แล้วปรุงรส มีน้ำหมากขามเปียก น้ำพริกเผา ซิอิ๊วขาว ชิมเบิ่งเด้อเอารสตามมักโลด ให้อ่อนเปรี้ยว อ่อนเค็มนิดหน่อยจ้า
ใส่ใบมะกรูด ผักชี+ต้นหอม+ผักชีฝรั่งหั่นทอนใส่ลงไปแล้วปิดไฟ เตรียมถ้วย1ใบ บีบน้ำหมากนาวใส่นิดหน่อย บุบพริกขี้หนูลงจัก10เม็ด ใส่น้ำปลานิดหน่อย ตักต้มแซบใส่
แล้วกะโรยด้วยพริกขี้หนูแห้งทอด ใบผักชีหั่น รสชาดรับรองแซบถึงใจ ได้เบียร์เย็นๆจักกระป๋อง อิอิ 8) 8)
ป่นปลาทูกับส้มผักจ้า อันนี่ไผกะเฮ็ดเป็นเนาะ
เนื้อน้ำตก สูตรเมืองอุดรจ้า
แล้วกะผัดเผ็ดเนื้อใส่หมากเขือจ้า
บางเทือกะกินข้าวหน่าคอมฯ อย่าปากเด้อ บ่อยากเคิก อิอิ
เชิญแซบโลดจ้า อ้วนคักๆ
Bookmarks