ชมตลาดนัด อ.ศรีเมืองใหม่ ทุกวันจันทร์

[ตรี ศรีเมืองใหม่]

[wma]up/file/baanmaha.us.WMA [/wma] อําเภอศรีเมืองใหม่ เป็นอําเภอที่มีพื้นที่ขนาดใหญ่ ห่างจากตัวจังหวัดอุบลฯ 80 กม. ภูมิประเทศ ครึ่งหนึ่งสิเป็นภูเขา และอาณาเขตติดกับแม่นําโขง ทุกวันจันทร์สิจัดให้มีตลาดนัด อยู่หน้าที่ว่าการอําเภอ ชาวบ้านที่อาศัยอยู่รอบนอกอําเภอก็สินําของป่าเข้ามาขาย เช่น บ่าง อีเห็น งูสิง อึ่ง กบ แลน และเห็ดต่างๆ ฯลฯ ไผ๋มีโอกาสผ่านไปก็อย่าลืมเที่ยวซื้อ หรือชมของป่า ที่พี่น้องทางศรีเมืองใหม่นําออกมาขายเด้อครับ ราคาแสนถูก (ตลาดนัดมีทุกเช้าวันจันทร์)

[ติ๋ม เปอร์โย]

ป้าดด...อ้ายเซียงคือมาเฮ็ดให้คึดฮอดบ้านคักแหน่แท้บาดหนี่ ปลาแดกเป็นตาแซบแท้อ้าย ใส่ตำหมากหุ่งเนาะ
แล้วกะเห็ดกระด้าง ไข่มดแดง ผักหวาน ผักอิตู่ พริกอิสานบ้านเฮา โอ้ย...เว้ามาน้ำลายไหล แกงซั่นแหล่วอ้าย
ยามเมื้อบ้านติ๋มกะมักไปหย่างเบิ่งตลาดนัดจ้า ทางบ้านติ๋มมีทุกมื้อวันพฤหัสฯจ้า

[หล่อร้อยเมตร]

ติ๋มๆ บ่แหม่นเห็ดกระด้างเด้อ ยังอ่อนๆยุแกงแซบคัก ป๊าด บ่างกะมี งูสิง พ้อม
เฒ่าภูจัดการเลยเจ้า อิอิ

[ติ๋ม เปอร์โย]

คั่นบ่แมนเห็ดกระด้าง เห็ดอิหยังซั่นอ้าย เห็ดนางรมตี้ซั่น อิอิ เอิ้นบ่ถืกเนาะ

[มั่วหน่าฮ่าน]

มักแต่งูเห่าหั่นหล่ะ...สิเอามาไว้เห่าอยู่บ้าน คือสิเห่าดีคัก อุอุอุ

[maxlinee]

ให้ถามแหน่ โรงเรียนป่ากุ้งนอ้ย อยู่ ตำบลหยังครับ

[ตรี ศรีเมืองใหม่]

โรงเรียนป่ากุงน้อย อยู่ตําบลลาดควาย ครับผ๊ม นายสุรชัย ศรไชย
ผู้อำนวยการโรงเรียน ////หมายเหตุ maxlinee คือรู้จักบ้านลาดควาย ครับ มีหยังที่อยากรู้เกี่ยวกับ อ.ศรีเมืองใหม่ก็ถามเข้ามาได้ครับ

[สงัด903]

ป๊าด....๑ เต่งเลยครับอ้ายเซียง เบิ่งแล่วธรรมชาติชาวบ้านๆอีหลี แต่บ่างเป็นๆบ่มีติครับเอามาเลี้ยงคือซิดีกว่าเอามากินเนอะครับ

[maxlinee]

อั่นมีสหายเก่าอยู่ หัน คับ แต่กี้แต่ก่อน แต่ว่ากะคิดฮอดเพิ่นอยู่

[ไก่น้อย]

มีโอกาสได้ไปเบิ่งบ่น่อ...บรรยากาศปานเข้าเขตทางเมืองลาวน่ออ้าย
ปล..เขียวๆรูปสุดท้ายแม่นเทาบ่ฮึ ถ้าแม่น ทางกาสินเพิ่นสิห่อใบบัวไว่นั่นนา