น้ำพริกกะปิ...หน่อไม้ไร่ อ้ายบ่าวพรรณฯเป็นเหตุ

[ติ๋ม เปอร์โย]

อ้ายเซียงจ๋า ติ๋มขอตั้งหนึ่งกระทู้เด้ออ้าย /หมายเหตุติ๋มได้ลบกระทู้เก่าของติ๋มถิ่มหนึ่งกระทู้จ้า อยากตั้งกระทู้ อิอิ
เห็นหน่อไม้ไร่อ้ายบ่าวพรรณฯแล้วเกิดกิเลส อยากกิน ทีแรกว่าสิบ่กินข้าวแลงแล้วเด๋ กรรมบ่ลดจักเทือ บ่เป็นหยังเชิญแซบจ้า

น้ำพริกกะปิจ้า มีกะปิปิ้งไฟ พริกขี้หนูสวน กระเทียม หมากแข้ง กุ้งแห้งป่น ปรุงรสน้ำหมากนาว น้ำปลา น้ำตาลนิดหน่อย

ตำออกมาแล้วหน่าตาเป็นแบบนี่หละน้ำพริกติ๋ม ผักกะหน่อไม้ปี๊บต้ม หมากเขือ บล็อคโคลี่ต้ม หาได้ทอนี่จ้า ที่เห็นขาวๆนั่นกระเทียมหั่นบางๆจ้า เฮ็ดเอาสีสัน อิอิ

แนวอ้วนหน่ายคัก ขาดบ่ได้ ทอดปลาทูกับทอดปลาสลิด

มาเด้อสาวๆมากินน้ำพริก ผู้บ่าวกะกินได้จ้าบ่ผิดกติกา ไผอยากได้ข้าวหลายๆกะไปตักเอาเด้อ ติ๋มสิกินผักกับน้ำพริก ลดหุ่นจักหน่อยจ้า
ไปนอนแล้วฟ้าฮ้อง ย่านหลาย ผ้าห่มขอมหัวเอิ้นบ่ตีงแล้ว ฝนกะตก ฟ้ากะฮ้อง บึ๋ยยยย.....ย่าน