มื้อนี่ติ๋มบ่ค่อยสบาย บ่กินข้าวเบิดมื้อ นอนเว็นอีกต่างหาก ตกยามแลงกะเลยกินยา
ย่านยากัดกระเพาะกะเลยหาแนวฮองท้องจักหน่อย คึดอยากกินเผ็ดๆ กะเลยคึดฮอดยำ
ไปค้นตู้แช่แข็ง กะได้ปลาหมึกมา1โต กุ้งสด10โตได้ ลูกชิ้นปลา1ถุง ปูอัด1ห่อ กะเลยจัดการยำรวมกันซะเลย อิอิ
กุ้งปอกเปลือกผ่าหลัง ปลาหมึกบั้งหั่นพอคำ ลูกชิ้นผ่าเคิง ลวกในน้ำเดือดให้สุก
ผักที่ใส่ในยำกะเอาที่มี แครอทหั่นฝอย มะเขือเทศ คึ่นฉ่าย ก้านคะน้าลวก ผักชี หอมใหญ่หั่น1หัว
น้ำยำ น้ำหมากนาว พริกขี้หนูหั่นตามชอบ น้ำตาลนิดหน่อย น้ำปลา
จัดการยำ ผสมทุกอย่างลงอ่างยำ คนเร็วๆตักใส่จาน
ไผมักอาหารทะเลเชิญแซบจ้า กินง่ายแบบนี่หละติ๋มมื้อนี่ อาหารจานเดียว อิอิ
Bookmarks