เค้กส้ม

[ติ๋ม เปอร์โย]

มื้อนี่หยุดงานอยู่บ้านมื้อที่2 เฮ็ดเค้กส้มจ้า มาเอาไปกินซ่อยกันเด้อบาดหนี่ อิอิ


สูตร แป้งเค้ก300กรัม น้ำตาลทราย200กรัม ไข่ไก่4ฟอง ส้มซันควิก2หน่วย
ผงฟู2ช้อนชา ผงวนิลา1ช้อนชา น้ำมันพืช1 1/2dl=135กรัมจ้า พิมพ์ขนม1พิมพ์
เปิดเตาอบไฟ175องศาC ส้มขูดเอาผิวทัง2ผล+น้ำทั้ง2ผล ปั่นน้ำตาลใส่ไข่ทีละ1ฟอง จนหมดไข่ทั้ง4ฟอง
แล้วใส่น้ำมันพืช แป้ง+ผงฟู+วนิลา ปั่นพอเข้ากันใส่ผิวส้ม+น้ำส้ม ผิวส้มขูดเอาแต่ผิวนอก ห้ามเอาส่วนขาวๆ ขมปี๋เด๋ แล้วเทส่วนผสมลงใส่พิมพ์ขนม นำเข้าเตาอบชั้นล่างสุด


ใช้เวลาอบ45-50นาทีจ้า เอาไม้แหย่ตรงกลางเค้กเบิ่งคั่นบ่ติดไม้แสดงว่าสุก เอาออกจากเตาอบ เคาะขนมออกจากพิมพ์ ถ่าให้เย็น หั่นเป็นชิ้น เสริ์ฟกับน้ำชา+กาแฟจ้า...
ลองเฮ็ดเบิ่งจ้า บ่ยากอย่างที่คิด ไผขอคุกกี้ไว้มื้ออื่นเด้อจ้า จัดให้ ติ๋มเบเกอรี่ พะนะ

[สาวอิสานพลัดถิ่น]

น่ากินจังค่ะเอื้อยติ๋ม ขอบคุณสําหรับสูตรเด็ดที่นํามาฝาก จิไปลองเฮ็ดเบิ่งค่ะ ออกมาหน้าตาเป็นจังได๋ สิเอามาให้เบิ่งเด้อค่ะ

[ตรี ศรีเมืองใหม่]

อยากเฮ็ดอยู่ดอกครับน้องติ๋ม..แต่อุปกรณ์อ้ายคือสิบ่อครบ มีแต่หม้อดําๆกับถ้วยกาไก่ ....

[ดอกสเลเต]

สิอ้วนบ่น้อ เค้กส้มแมะ 3ชิ้นบ่อ้วนดอกเนาะ สาวติ๋ม

[มั่วหน่าฮ่าน]

ป้าด...คือไฮเทคคักแท้...เอาไม้แหย่เบิ่งว่านี่แม่ะ...เอิ๊กส์ๆๆๆ

[ติ๋ม เปอร์โย]

น้องเต้ยลองเฮ็ดเบิ่งเด้อหล่า เนื้อเค้กนุ่มดีเด๋
อ้ายเซียงถ่าให้น้องทางยุโรปเฮ็ดสู่กินกะได้จ้า ติ๋มคืออยากได้แท้ถ้วยกาไก่หนี่ หาซื้อบ่ได้ซื่อๆจ้าอ้าย
สาวดอกสเลเตอย่าเว้าเรื่องอ้วนน้า มื้อนี่แห่งว่าสิเฮ็ดคุกกี้ให้ขะเจ้าอยู่ อิอิ
อ้ายโจ้ คั่นบ่เอาไม้แหย่ กะเอามือเจ้าซะตี้มาแหย่เค้กฮ้อนๆ ขำหยังหละนั่น เป็นตาซังเว่ย

[pui.lab]

ทุกอย่างที่เป็นเค้ก ไอศครีม คุ๊กกี้ ชอบมั๊กๆค๊า เคยหัดทำไอศครีมบักพร้าว แคนตาลูป บักม่วง
แม่ะ กิง ม่าย ล่าย ฮ้า เปลืองวัตุดิบจิงๆ เลย

[พอกะเทิน]

บ่อมีเตาอบ สิเฮ็ดจังได๋

[สาวบ้านนา]

กิ๋นกับ นมสด แซ่บๆ กัดคําหนึง ซดนมตาม มัน มัน มีแฮงหนํา หลับดีอิหลี แถมอิ่มเป๋งเลยละ
ท้องไข่อ่างล่าง นอนโก่นต๋วดๆ

ปล อ้ายเซียงใส่หม้อขึ้นนึ้งเลย คือข้าวเหนียวนิ ฮ่าๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆ

[ตรี ศรีเมืองใหม่]

"นอนโก่นต๋วดๆ "....////ป้าดนึกภาพออกเลย มาเว้าเป็นตาขี้เดียดแท้นาง ฮ่าๆๆๆ