ขอขอบคุณที่ฟังอ้าย คนที่หมดความหมาย คำบรรยายด้อยคุณค่า
เสียงเว้าปนน้ำตา เสียงช้า ช้า เศร้า เศร้า เสียงที่เจ้าบ่อยากฟัง
อยากให้รู้ไว้มั่ง สิแค้นคั่งจนจากหนี ขอแค่เพียงนาที สิค่อยหนีบ่มายุ่ง
หากแม่นอ้ายมามุ่ง มาสุงสิงจนเปิดหน่าย ถึงหัวใจสลาย สิขอกายกล่าวเว้า หัวใจเจ้าบ่อยู่นำ
ตะเว็นขึ้นกะมีค่ำ ฟ้าสีดำมีสว่าง คำสัญญาสิจืดจาง รักสิฮ้างไส่หน้า อ้ายบ่กล้าไปยึดถือ
เจ้าทนฟังคนซื่อบื่อ แนวเว้าคือแต่ความเก่า รื้ออดีตเน่า เน่า เจ้าทนฟังทุก ทุกด้าน คงขี้คร้านสิรับฟัง
ขอขอบคุณอีกครั้ง อ้ายขอยั้งใจเป็นห่วง ขอจบสิ้นความหึงหวง ทุกข์ทั้งปวงไปบ่ม่ม ขอก้มหน้ารับผู้เดียว
คนโตเปลี่ยวหัวใจแย่ คนที่เจ้าบ่แคร์ คนที่แพ้หมดทุกอย่าง อ้ายขอไปตามทาง ขอวางใจจากเจ้า ทุกคำเว้าแม่นสั่งลา คนงามเอ๊ย

[MUSIC]jolo/CAN/2-09.wma[/MUSIC]
แคนลายแคนฝากใจ - อาจารย์สมบัติ สิมล้า