คั้นบ่ซบติอ้ายทิดคำศรีผู้เดียวจ้า เพิ่นเป็นเจ้าของสูตร ลาบเป็ดเคิ่งโต บอกมา8สูตร 55++แซบคักพี่น้องเอ้ยย...
มาเบิ่งเครื่องปรุงเท่าที่หาได้ ทีแรกว่าสิลาบเป็ดโตหนึ่ง เบิ่งน้ำหนักเป็ดแล้ว2โล8ขีด ป้าดด กินเดือนหนึ่งสิหมดบ่
ตกลงซื้อมาแค่หน้าอกเป็ดกะพอ เลาะเอาแต่เนื้อสับ บ่ต้องแหลกว่าซั่น กระดูกเอาไปต้มน้ำซุปไว้ซดจ้า
หนังเป็ด+กึ๋น(ไตเป็ด)ต้มซอยไว้ใส่ลาบจ้า เครื่องลาบทั่วไปหละจ้า
ข่อยลงทุนคั่วข้าวคั่ว+พริกแห้งตำเองเลยเด้อ อิอิ
ก่อนอื่นติ๋มคั่ว หอมแดง ข่า กระเทียม ตะไคร้ ไว้ต้มกระดูกเป็ด แต่ตอนคั้นเนื้อเป็ดกับเกลือนั่นคาวแหม๋
กะเลยแบ่งหอม กระเทียม ข่าที่คั่วมาโขลก แล้วขยำกับเนื้อเป็ด เอาไปคั่วให้สุกจ้า
แล้วเอามาปรุงรสคือลาบทั่วไป ชิมเอารสตามมัก หอมดีจ้า แซบนำบ่คาวเป็ด
คั่วพริกโพนไว้โรยหน้า กับใส่ต้มนำเผื่อผู้มักเผ็ด
ส่วนต้มนั่นกะปรุงคือต้มทางอิสานทั่วไป ติ๋มใส่น้ำหมากขามเปียกจ้า แล้วผักที่กินกับลาบ
มีหมากลิ้นฟ้าเผาไฟ ผักหนอก(ใบบัวบก) ผักแพรว แตงตามที่หาได้หละจ้า เชิญแซบจ้า
ขอบคุณหลายๆจ้าอ้ายทิดคำศรี สำหรับคำแนะนำ ผ่านบ่อาจารย์ อิอิ
Bookmarks