กำลังแสดงผล 1 ถึง 5 จากทั้งหมด 5

หัวข้อ: ~*~* อ ก หั ก ....ย้ อ น มั ก ค น ห ล่ อ ~*~*

  1. #1
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    ~*~* อ ก หั ก ....ย้ อ น มั ก ค น ห ล่ อ ~*~*


    .........ออนซอนเด.... มาออนซอนเจ้าของฮ้าย.......มาเหลือใจตัวเองคักแท้น้อ
    ไปหลงมักคนรูปหล่อ.....ไปหลงรูปองค์อินทร์ฟ้า....ผุ้หล่อล้ำกั่วผู้ได๋
    เบิ่งเจ้าของมาผุ้ฮ้าย....... บ่สมชายผุ้รูปหล่อ.... ยิ้มกะหวานคักกะด้อ
    เว่ากะม่วนอีกซ้ำ...... น้ำใจอ้ายกะแฮ่งหลาย..... โอ เด นอ ดวงชาตาบ่สมอ้าย
    บ่มีแนวสิเทียมเพิ่น..... ทางความฮู้กะขาดเขิน..... หน้ากะดำซ้ำผู้ฮ้าย
    บ่สมอ้ายผุ้อยู่สูง...... อยากจับมือจูงแขนเจ้า.... เพียงคิดกะผิดหวัง
    บ่มีทางสิย่างควง...... เพราะว่าชายบ่แนมน้อง..... เถิงสิคองคอยถ่า
    คงสิเปล่าเดียวดาย..... ย้อนใจชายมีไผ.... อยู่ในใจเจ้าแล้ว
    ชาตินี้คงบ่แคล้ว....... ได้กินแห้วจากคนหล่อ.... สิขอฮักคนผุ้ฮ้าย
    เอาใจนี้ยกให้เธอ......สาแล้ววววววววว.......



    ...........มีบ่น๊อ...คนผุ้ฮ้ายแถวนี้แหม.........~*~* อ ก หั ก ....ย้ อ น มั ก ค น ห ล่ อ ~*~*
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    เว้าพื้นความผู้ฮ้าย...กะมีแน่ตั้วหละนาง...จนได้ไปนอนนา...บ่กล้านอนในบ้าน
    แนวโตคนขี้ฮ้าย...จั้งนอนนาเฝ้าไก่...ไปเล่นสาวทางใด๋...เพิ่นกะบ่อยากเว้า...ได้นอนแล้งอยู่ดาย
    ไปทางใด๋เพิ่นกะตี๋ว่าผู้ฮ้าย...ข้อยโลดหน่ายโตเจ้าของ...ไผสิมองมาหมาย...ซาติโตคนบ่คือบ้าน
    แต่บ่เคยขี้ค้าน...ทำนาสวนฮั้วไฮ่...นอนเลี้ยงเป็ดเลี้ยงไก่...บ่กล้าย่างเลาะบ้าน...อยากอายหน้าหมู่ผู้สาว
    อันคำจานางหล้า...ถามชายผู้ฮ้ายใหญ่...ฮักอี่หลีบ่หละเจ้า...หรือมาเว้าให้ดีใจ... ซื่อ ๆ บ้อหล้าเอ้ย
    จงเอาชนะในความยาก มิฉะนั้นความยากจะชนะท่าน

  3. #3
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    ....โอน๊อญาอ้ายเอ๊ย.....
    ชายผู้ต่ำเตี้ยม้อต้อ........ดำคือตอไม้บาก
    หากว่าชายมีฮักแท้....นางน้องสิอดสา....
    นางบ่ขอคองคอยถ่า.........คนผู้ไคให้มาเหลียว
    สิฮักชายเพียงคนเดียว...บ่ขอเกี่ยวผู้ได๋แล้ว
    น้ำบ่อาบ-บ่แปรงแข่ว......นั่นล่ะแนวนางมัก
    นี่ล่ะสเป็คของที่รัก.......นางมาพบพ้อแล้ว..คงบ่แคล้วเป็นอื่นกลาย....


    ......ตี๊เนาะ...อ้ายเนาะ...........อิอิอิ
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    ไปทางใด๋คนกะเว้า...ย่างนำทางเขากะซ่า...ว่าอ้ายคนผู้ฮ้าย...บ่หาญกล้ามักผู้ใด๋
    สาวทางไกลหรือใกล้...ไผเด้น้อสิอยากเบิ่ง...เหลียวเบิ่งทรงพอม่อต้อ...สาวพ้อกะแล่นหนี...เกิดเป็นคนมันหากพอซ้ำนี้...ได้ลี้อยู่คือกบ...บ่มีไผอยากพานพบ...ย่อนว่าเป็นคนขี้ฮ้าย...ย่านหลายเด้น้องหล้า...ย่านแต่คำวาจา...นางมาเว้าพอให้ต่าง...เว้าให้คนผู้ฮ้าย...คืออ้ายอยู่บ่เป็น...ย่านแต่มาเว้าเล่น...บ่เป็นคือคำว่า...มาเว้าตั๋วพอให้บ้า...คิดนำเจ้าอยู่บ่เป็นนางเอ้ย...
    จงเอาชนะในความยาก มิฉะนั้นความยากจะชนะท่าน

  5. #5
    NONGNAN
    Guest
    ไผเด๊หน๊อซ่างมาเว้า...ว่าผู้ฮ่ายบ่หาญกล้ามักผู้ได๋
    คันจริงใจกะซ่างถอน....บ่ออนซอนคนรูปหล่อ
    เคยมักมาแล้วหนอ....ย้อนคนหล่อหลอกต้ม
    สมใจแล้วกะเหล่าหนี....มาบัดนี้มาเจอพี่ว่าฮักจริง
    หัวใจนางหลงคะนิง.......คิดนำชายอยากหมายเว้า
    บ่หาญเอามาฝันเพ้อ.....ย่านละเมอคือแต่ก่อน
    ย้อนหัวใจมันสะท้อน....ย้อนเจ็บแล้วจั่งได้จำ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •