จัดความคิดไส่กระดาษ วาดเป็นลายอักษรส่ง คอยบรรจงแต่แต้ม แถมคำพ้องคล้องไส่กัน
เติมความฝันให้เป็นชิ้น จินตนาการไปแต้มแต่ง ให้แสดงเป็นต้นเรื่อง สร้างฝันเผื่องเป็นเรื่องราว
บางเรื่องเจ็บปวดร้าว บางเรื่องราวเว้าหัวหม่วน บางเรื่องชวนคิดฮอดบ้าน เป็นการแต้มแต่งผญา
จินตนาเรื่องยาวสั้น นักประพันธ์สรรแต้มแต่ง บ้างแสดงชีวิตแท้ บ้างเสแสร้งแต้มแต่งฝัน
ความภูมิใจเฮานั้น คือรางวัลท่านซมซื่น หากคำใดผู้เขียนลื่น บังอาจฝืนเว้าจาบจ้วง ขอท่านท้วงเว้าแนะนำ
ทุกถ้อยคำขอโทษไว้ หากคำใดที่ผิดพลาด บ่บังอาจไปกล่าวล่วง ขอปวงท่านซ่อยอภัย
ข้อความไดที่เขียนนั้น คือประพันธ์ที่เติมแต่ง ตัวอักษรที่แสดง คือตำแหน่งที่หลอกหล่อ ขอรสชาดให้เรื่องราว
อย่างมซาวไปหลงเพ้อ โตผมเด้อบ่มีแม่น แยกโตจริงแปน ๆ กับตัวแทนที่แต่งไว้ ขอจงไคร่พิจารณา
Bookmarks