ลาบหมูทอด

[ติ๋ม เปอร์โย]

กินแต่อาหารเดิมๆ วนเวียน สูตรลาบหมูเคยลงไปเทือหนึ่งแล้วจ้า แต่เทือนี้ใช้แต่เนื้อหมูสับล้วนๆ
บ่เอาหนังแล้วกะตับ แล้วกะลาบดิบๆเลยจ้า ถ้าเป็นคนเฮ็ดแนวกินประจำบ่ต้องชิมกะได้
แต่ถ้าสิชิม กะปั้นก้อนน้อยๆบางๆทอดแล้วกะชิมเบิ่ง ปรุงรสกะเอาตามมักหละจ้า
บอกสูตรอีกเทือเร็วๆ มีพริกป่น ข้าวคั่ว ข่าอ่อนสับ หอมแดง ต้นหอม ผักชี ผักชีฝรั่ง
น้ำหมากนาว น้ำปลา น้ำปลาร้า ขาดบ่ได้ ลาบอิสาน ติ๋มใส่ถุงมือแล้วกะขยำให้เข้ากัน อิอิ กันแสบมือ
เมื้อรสดีแล้วกะปั้นโลด ทอดใส่กระทะเลฟล่อน บ่ต้องใช้น้ำมันพืชหลายทาพอทั่วกระทะพอจ้า


]
ทอดให้สุก จัดใส่จาน กินกับผักเท่าที่หาซื้อได้ ข้าวเหนียวนึ่ง ทอนี่หละ
มาเด้อ กินข้าวนำกันพี่น้อง

[ตรี ศรีเมืองใหม่]

พอดีฆ่าหมูไปช่วยงานสาวไก่น้อยแก่ข้าวขึ้นเล้า เลยแบ่งซี้นหมูมาให้สาวติ๋มเฮ็ดลาบ หรือสิจี่กินก็ได้เด้อสาวติ๋ม อิอิๆๆ

[ศรีสะท้าน]

มีแล้วกับแกล้มข้อยบัดนี้ ปิดก่องเข่าไว้ก่อนนาง เข่าไว้กินทีหลัง อิ อิ อิ

[Sweet_M]

สุดยอดเลยจ้าาาาพี่ติ๋ม ขอจักต่อนแน้เด้อ....8)8)8)

[pui.lab]

ป๊าดดดดดด ลาบหมูเวอร์ชั่นใหม่ติน้องติ๋มหน่ากินเนาะ เอาไปห้าดาว คิ คิ

[จ๊ะเอ๋]

ป้าดดดดดดด เปนตาแซบแท้ติ๋ม วี้มาพี้จักต่อนแน ::)::)

[ติ๋ม เปอร์โย]

อ้ายทิดมาเลี้ยงยากแท้ หาข้าวให้กินบ่กิน สิกินเหล้า เมามาหละลำ แล้วเป่าแคนให้ไก่น้อยฟัง ม่วนบ่ไก่::)
ว่าซั่นหละจ้าเจ๊ เฮ็ดแนวบ่กี่อย่างวนไปเวียนมา จับลาบมาทอดซะเลย หอมคักจนแมวนั่งจาม อิอิ
อ้าว...สาวอุดรน้องเหมียว เอ๋ เฮ็ดลองเบิ่งเด้อ แซบกว่าลาบคั่วเด๋ เนื้อหมู่ใหม่ๆอ้ายเซียงเลาเอามาส่งนั่น ลาบสา

[มั่วหน่าฮ่าน]

ทอดหมูสับซั่นติ..อิอิ..แล้วกะโฆษณาหว่าลาบหมูทอด...เอิ๊กส์ๆๆ...มื่อหลังสิทอดปลาแดกบองดอกข่อย..แล้วกะโฆษณาว่า...หนุมานทรงเครื่องลุยกระทะทองแดง.....ฮ่าๆๆๆ ::)

[ติ๋ม เปอร์โย]

ว่าสิบ่ตอบ แต่อดบ่ได้ กะลาบหมูหั่นหละ บ้านข่อยสับแล้วกะเอามาลาบ ลาบแล้วกะปั้นเอาไปทอดกะเลยเอิ้นลาบทอด
บ้านเจ้าลาบหมูบ่สับตี้ ไล่ออกจากคอกมาลาบโลดบ้ออ้าย
บอกหลายเทือคั่นเมาแล้วกะนั่ง บ่นั่งกะนอน อย่าเข้าเนต ตอบกวนคัก อย่าเถียงเด้อว่าบ่ได้เมา

[Sweet_M]

พอใจเหมียวกะอยากเฮ็ดลาบดิบกินพู้นแล้วพี่ติ๋ม แต่อยู่เมกาบ่กล้ากินดอก....เนื้อมันบ่สด(เทิ่งย้านเขาว่าเป็นปอป...อิอิ) ::)::)::)