ไผเดน้อสิมาฮื่อ
อีสานเฮาให่เฮืองหุ่ง
๏ หลิงเบิ่งคราวอดีตเบื้อง...........ขอบแอ่งอีสานไท
น้ำโขงไหลรินริน....................เลาะบูรพา......พู่น
เปรียบดังเจ้า - ธรณีมวยฮีด.....รีดบีบน้ำ มวยให้หลั่งริน
๏ แผ่นดินอีสานใต้ มีแม่มูนไหลเวิ้ง... คือดังเข็มขัดใหญ่
ฮัดแอวพี่น้องไว้ ตีนสิ่นบ่ให้คลาย
แล้วมีผ้าสะเบี่ยงพาดเบี่ยงบ้าย คือ ซี....แม่น้ำใหญ่
พาดจากบ่าข้างซ้าย มาป้ายบ่าข้างขวา
๏ สามสายน้ำ รินไหล....บ่เคยขาด
คือดังใจ อ้าย...น้อง รินเรื่อยให้แก่กัน
คนอาศัยหลุ่มน้ำ กระจายอยู่ หลายเมือง
แสงฮ็องเฮือง อยู่แคม ฮิมน้ำ
เช้าเที่ยงแลง มาเหล่น...ไปมาหาสู่
ตุ้มหาพวกหาหมู่ โขงชีมูนหลุ่มน้ำ สามก้ำกอดเกี่ยวกัน ๏
อ้างข้อความนี้
Bookmarks