หน้าที่ 2 จากทั้งหมด 6 หน้า หน้าแรกหน้าแรก 1234 ... หน้าสุดท้ายหน้าสุดท้าย
กำลังแสดงผล 11 ถึง 20 จากทั้งหมด 55

หัวข้อ: สามัคคีกันเด้อพี่น้องบ้านมหา

  1. #11
    Jackapunh
    Guest

    ความเยือกเย็น พญาแถน

    น้องนั้น เป็นดั่งเดือนอยู่ฟ้าอากาศกลางหาว ชาติที่พี่เป็น
    ดั่งกระต่ายโซโตผอมบ่อาจเทียมพระจันทร์ได้
    พญาแถน

  2. #12
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ศรีสะท้านมาเผยผ่านกลอนผญา
    กลายเวลาบ่ายโมงลงแต้ม
    แกมกลอนต้านคำขานให้คุ้มข่วง
    ท่านทั้งปวงอ่านแล้วได้เห็นพ้อซ่อยต่อเติม
    พอได้เสริมสอนสร้างวิถีทางอีสานเก่า
    มรดกแต่เค้าโบราณเถ่าเพิ่นว่ามา
    ฮอดภาคหน้าคนได้ส่าลือไกล
    แดนอีสานของไทยได้ส่องใสเสมอแก้ว
    แนวดีนั้นเอามาปันน้องพี่
    ผู้มีดีอย่าเซื่องส่นพาไปซ้นเซื่องอำ
    อีกฝ่ายก้ำทุกท่านผู้เทียวทาง
    อย่าได้วางคำเสยเพิกเลยคันผิดเพี้ยน
    ให้เจ้าเวียนมาทุ้งหาแนวปรุงมาเติมต่อ
    นัวบ่อพอแซบซ้อยเอาเกลือต้อยตื่มตาม
    เปรียบคือดังข้าวน้ำภาชโภชน์อาหาร
    หากมีหวานเค็มขมส่มจางจริงแท้
    พากันแปรแปลงสร้างหาทางเติมตื่ม
    อย่าฟ้าวลืมละไว้ไลม้างห่างกัน แท้แหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  3. #13
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    โป้ยก่ายขอต่อท้ายขยายเรื่องเผดียงเสริม
    เติมแนวเป็นสาระเพิ่มพูลหนุนเกื้อ
    จุนเจือสร้างวางการขยายมอบ
    ตอบแทนคุณผู้เพิ่นเริ่มเสริมสร้างแต่เรื่องดี
    อนุลักษณ์บอกชี้คดีเรื่องเคียงผญา
    เอาฮีดครองนำพาเอาภาษาเป็นบทตั้ง
    หวังได้มาเรียนรู้เพื่อเป็นครูเสริมศาสตร์
    ปราชญ์บันฑิตผู้คิดค้นทางด้านวาทศิลป์
    ประเพณีบ่สูญสิ้นหากสืบทอดทางภาษา
    สืบสานองค์ปัญญาปราชญ์โบราณเพินขานไว้ เจ้าเอ้ย...
    จงเอาชนะในความยาก มิฉะนั้นความยากจะชนะท่าน

  4. #14
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,148
    สานสัมพันธ์ เซื้อซุ้ม ตุ้มโฮมให้ฮักแก่น
    สานสายแนน เกลียวฝั่น หมุนหมั่น ให้แน่นเหนียว
    สานประเพณีภาค ชาวอีสานให้ฮ่วมซื่น ..แหน่เด้อ

  5. #15
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ฟังวาจากล่าวต้านขานส่งบรรจงมา
    แม่นแท้แก่นเด้อจ้าฮักฮ่วมร่วมปอง
    วจีน้องพี่กันควมสำคัญอย่าส่อเสียด
    นางกะให้เกียรติอ้ายซายกะให้เกียรติน้อง..ซั่นแหลว..

  6. #16
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412
    สามัคคีต่อตั้ง เสมอด้ามดังเดียว
    โนน้อมกันพันเกี่ยว ฮ่วมโฮมกระหวัดซ้อน
    ออนซอนกันสัมพันธ์แน่น แฟ้นไว้อย่าป๋าปล่อย
    ผิดพลาดนิดผิดพลาดหน่อย ซุคนกะมีได้
    สิ่งอันได๋ที่มันยาก ลำบากแค้นแสนเบื่อหน่าย
    สามัคคีพลังไว้ ทลายม้างได้ซุแนว....พี่น้องเอ้ยย...

  7. #17

    บ้านมหาโพสต์ สามัคคีกันเด้อพี่น้องบ้านมหา

    ซุมหมู่เซื้อซาติแห้งอย่าเหม็นสาบกุยกัน
    เกิดเป็นคนอีสานให้ฮักแพงกันไว้
    ผู้ใด๋ดีให้ส่อยหยู้ส่อยซูอย่าย่านหลื่น
    คันผู้ใดขี้ฮ้ายให้ฝืนยืนแก้ดอกส่อยกันสามัคคีกันเด้อพี่น้องบ้านมหาสามัคคีกันเด้อพี่น้องบ้านมหา

    ผญาน้องใหม่ ขอฝากเนื้อฝากโตนำแหน่เด้อพี่น้อง พึ่งเข้ามาเทือแรก

  8. #18
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ศรีสะท้านมาต้านกล่าวกลอนผญา
    ยามเวลาอรุณเบย เบิกบานโวหารตั้ง
    ยอผญากลอนตั้งติดเติมแต้มตื่ม
    พอกันลืมหล่าเศร้าเหงาง่วงป่วงกะใจ
    มะโนใสจึงไขเว้าให้อดเอาเด้อน้องพี่
    สามัคคีแก่นหมั่นสัมพันธ์เกี้ยวดอง
    เฮานั้นเปรียบพี่น้องท้องหนึ่งบิดาเดียว
    แม่นสิเทียวคนทางแต่บ่จางทางเซื้อ
    บ่ว่าเหนือหรือใต้ไทกลางตะวันออก
    อยู่เมืองนอกประเทศบ้านได้มาต้านม่วนยิน
    บ้านมหายังบ่สิ้นลืมง่ายสายสัมพันธ์
    ได้พบกันยังเฮฮาปารถนาหวังดีน้อม
    ให้ค่อยซอมอดสาไว้รักษาใจให้หมั่นเที่ยง
    อย่าฟ้าวเอียงเหงี่ยงคล้อยแขวนห้อยล่าหลง
    จิตประสงค์ให้คงหมั่นความสัมพันธ์ให้คือเก่า
    มีอิหยังให้ค่อยเว้าเด้อท่าน ถ่าน(ท่าน)ทุกคน..พี่น้องเอ้ย
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #19
    ร่วมถ่ายทอดความรู้สู่สังคม สัญลักษณ์ของ หัวหน้าจ๋าย
    วันที่สมัคร
    Jul 2008
    ที่อยู่
    ทำงานอยู่แถวสะพานใหม่
    กระทู้
    298
    พ่อปู่ซั้งกะสา..กับ..แม่ย่าซั้งกะสี..เพิ่นสั่งความไว้ตั้งแต่เพิ่นปั้นเฮามา..เพิ่นว่า.. อันว่าเซื้อซาติแฮ้ง อย่าเหม็นสาปกุยกัน อย่าไปคิดทานเทียมหงส์ ผู้เซิ่นบินเหนือฟ้า

  10. #20
    ร่วมถ่ายทอดความรู้สู่สังคม สัญลักษณ์ของ หนุ่มลำซี
    วันที่สมัคร
    Jun 2008
    ที่อยู่
    เมืองปลาเค็ม
    กระทู้
    585
    สุดยอดครับแต่ละท่าน
    อันว่ากลอนนี่กะแต่งบ่ค่อยเก่ง
    ได่แต่นั่งเพ่งเปิดเมิ่งทางบ้านมหา...เด้อพี่น้อง
    ::)


หน้าที่ 2 จากทั้งหมด 6 หน้า หน้าแรกหน้าแรก 1234 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •