หน้าที่ 3 จากทั้งหมด 6 หน้า หน้าแรกหน้าแรก 12345 ... หน้าสุดท้ายหน้าสุดท้าย
กำลังแสดงผล 21 ถึง 30 จากทั้งหมด 55

หัวข้อ: สามัคคีกันเด้อพี่น้องบ้านมหา

  1. #21
    ศึกษาหาความรู้ สัญลักษณ์ของ NumBorrabue
    วันที่สมัคร
    Feb 2007
    ที่อยู่
    โคราช-บรบือ
    กระทู้
    5
    คันไปอยู่ไกลข่อน ทางลอนดอนบ้านเพิ่น อย่าสิสุมเคียดแค้น เผาบ้านเก่าหลังเด้อ ...พ่อใหญ่ .เลี่ยม..เอ้ย

  2. #22
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412

    รอบยิ้มพิมใจ

    พี่น้องเอ้ย เพิ่นว่าบ้านมหาของเฮานี่ มีดีอยู่หลายอย่าง
    อยากให้ซ่อยฮักษาไว้ อย่าไลถิ่มเปล่าดาย
    คั่นสิพากันสร้าง แปงทางให้มันเกี้ยง
    อันว่าเรื่องปากเสียง ให้อดสาเก็บไว้
    ไม้ลำเดียวอ้อมฮั่วบ่อยู่ ไหมหลายไจดึงซ้างจังสิคือ...แท้นอ
    ขอให้ฮักกันไว้ คือข้าวเหนียวนึ่งใหม่
    อย่าสิไลซังกัน คือเข้าเหนียวถืกน้ำ
    ไผว่าบ้านมหาสิฮ้าง ให้จูงแขนพามาเบิ่ง
    คนยังแตกจ้นจ้น มันสิฮ้างแมนบ่อนได๋...พี่น้องเอยย...

  3. #23
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412

    รอบยิ้มพิมใจ

    สามัคคีคือพลัง...
    คือดังปลาอาศัยน้ำ น้ำกะเผิ่งวังปลา
    ปลาอาศัยวังเวิน จึ่งล่องลอยนาน้ำ
    ทามอาศัยห้วย งัวควายอาศัยแอก
    ตาแฮกอาศัยไก่ต้ม จึงโดนตุ้มจากคอน
    คือดังคอนอาศัยไม้ นกใส่อาศัยโกน
    คนกะอาศัยคน เผิ่งกันโดยด้าม
    คามอาศัยหม้อ หมอมออาศัยส่อง
    ฆ้องอาศัยไม้ฆ้อน ตีต้องจึงค่อยดัง...นั่นล่ะน่า

  4. #24
    บ่าวไทบ้าน ย้านเทคโนโลยี...
    Guest
    :g แต่ละคนนี่สุดยอดทั่งนั่นเลยครับบ่าวไทบ้านขอชมเชย
    ภาษาอิสานสุภาษิตคำเก่าเฮานี่มันคลาสสิคอีหลีฟังแล่ว
    ม่วนเป็นเคลียค่องน่อง"สุกเสมอหมั่น เสมอมันเครือเก่าเด้อพี่น้อง
    ฮักกันไว้แพงกันไว้ อย่าให้คือข้าวเหนียวถึกน้ำ คือจั่งเผิ่นว่ามาตั้งแต่ปู๊ ปู่ย่าสังกะสีสั่นดอกหว่า..
    ." บ่าวไทบ้าน พึ่งเขามาเป็นสมาชิกใหม่ขอฝากโตเป็นศิษย์อาจารย์
    ทั่งหลายแนเด้อมีหยังผิดกะซอยแก้ซอยไขไห่นำแนเด้อครับ

  5. #25
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    บ่าวไทบ้าน มาจาขานผญาต่อ
    ว่าโอนอคักแท้ ดีแล้วมาฮ่วมสาน
    วัฒนธรรมพื้นบ้าน กลอนกาพย์กวีศิลป์
    แห่งแผนดินอีสานเฮา ให้หวงเอาฮักษาไว้
    เป็นปัจจัยแนวอ้าง หลักฐานทาง ตามจารีต
    นักปราชญ์ขีด-แต่งแต้ม เติมตั้งแต่ปฐม แลนาฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #26
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ผญาซ้ำ เป็นคำกลอนก่าย
    สัมผัสเสียงส่งท้าย โททุ้มเอกเสียง
    เป็นสำเนียงสูงเนิ้ง สลับเลิงลงต่ำ
    สรรหาคำกาพย์เกี้ยว ศัพท์กว้างกล่าวกลอน

    ขอเป็นหมอนฮองเนิ้ง เทิงเตียงสนาอาสน์
    ยามท่านไสยาสน์ห้อง หอกว้างแห่งเฮือน
    พอได้เตือนสติตั้ง ระวังใจให้จริงแจบ
    คำบ่แซบม่วนแม้ง แถลงต้านที่ผ่านเห็น

    ขอจงเป็นอุบายข่อ ยอวางเอามาเปรียบ
    เทียบใส่ดีและฮ้าย คูณท้ายบวกลบหาร
    เป็นตามกาลสมัยมื้อ คนถือบ่คือก่อน
    ลูกหลานหล่อนผู้น้อย คอยถ้าเบิ่งเอา

    ฮู้จักเบาบางบ้าง หนทางอย่าขวางก่าย
    อันที่หนักให้ค่อยย้าย ยายแจ้งแบ่งปัน
    อย่าได้ขันบู๋สู่ ตามฮูผู้เดียวป่อง
    เห็นแก่ซุมพี่น้อง ผองเซื้อซาติเดียว

    หนทางเทียวยังหลายท้าง ทางเดินยังหลายเดิ่น
    เกินสิหวังวาดท้าย ภายหน่าส่องบ่เห็น
    ขอจงเป็นเครือเกี้ยว กลมเกลียวเสมอเซือก
    อย่าได้เลือกแบ่งซั้น เกลียวฝั่นอย่าปั่นใจ พระเฮยฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  7. #27
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    829
    เซียงฯ นั่งอ่านแล้วกะได้แต่ซึ้ง น้ำตากะสิไหล คิดฮอดบ้านเฮาคักแท้ น้อ พี่ศรีฯ เอ๊ย.

  8. #28
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    (บ่แม่นผญาเด้อ ถามกันซื่อๆ)อยู่ทางใดนอ ผู้เซียงนี้แมะ คือว่าคึดฮอดบ้านซั้นดอก
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #29
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    829

    ดูวีดีโอ YouTube ออนไลน์

    ตอบ อ้ายพี่ศรีฯ แบบ บ่เป็นผญาคือกันล่ะครับ แบบว่า แต่งกลอนว่าผญาบ่เป็นนำเผิ่น..
    เซียงฯ มาเฮ็ดงานอยู่เมืองลาวครับ อยู่ในเหมือง อยู่ในป่า ในเขา ในดง ครับ อยู่จนสิเป็นโจรเป็นคนป่าแล้ว กะมาได้เห็นผญา พี่น้องบ้านเฮากะเลยให้พาลคิดฮอดบ้าน ซั่นดอกครับ..

  10. #30
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    คึดฮอดบ้าน ให้เจ้าอ่านคำผญา เด้อละเซียง
    พอส่วงซาหัวใจ อั่งหทัยหายกลุ้ม
    เฮือนมหายังหวงหุ่ม ซุมแซงบ่แหนงหน่าย
    เป็นเสมือนน้องอ้าย สายวงศ์แท้พ่อแม่เดียว แท้แหลวฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 3 จากทั้งหมด 6 หน้า หน้าแรกหน้าแรก 12345 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •