เมือบ้านหาเลาะหากินไปชาร์ทแบ็ตอยู่นา

[คนภูหลวง]

ได้กลับไปยามบ้านตอนต้นเดือนวันแรงงานที่ผ่านมา เนื่องจากตอนสงกรานต์บ่ได้กลับ ไปพักผ่อนหาเลาะหากิน นอนเว็นอยู่นา

ออกจาบางปะกงสี่ทุ่มฮอดเมืองเลยแจ้งพอดี พี่เขยกะลาบซี้นตอนรับเลย


เฒ่าพ่อเลาไปใส่มองแม่น้ำเลย ได้ปลาน้อยมาหมกหม้อ


ขอดเทียด เขียดอี่แอ๊ะทอด พี่เขยไปใต้มาแต่นา ลากผวกลวกผัก



มากินข้าวนำกัน เตรียมโตไปนอนเว็นอยู่นา


จัดแจงหาหม่องนอนเว็น




บีบขนมเส้น (ขนมจีน,ข้าวปุ้น) กินสดๆ


หลังจากนอนเว็นแล้วกะใส่มองเอาปลามากินสวย



ได้แต่ปลาโตน้อยๆ บ่พอยาใส้


กะเลยเปลี่ยนแผน ลงเฮื้อเทอะเอาปลามาปิ้งดีกั่วพะนะ


ผลงานบางส่วน


บางส่วนกะปิ้งอยู่ข้างสระ ได้บรรยากาศไปอีกแบบ


ชาร์ทแบ็ตเต็มแล้วกะกลับมาปฏิบัติหน้าที่ต่อ ขากลับผ่านบ้านสาวพุเตย


ขอบคุณบ้านมหาที่ให้พื้นที่นำเสนอ

[Gentleman007]

เรือนแพที่บ่อปลา ...ได้บรรยากาศจัง!!

อย่างงี๊กินข้าวอิ่มๆ, ...นอนได้ทั้งวันเลยอ่ะ!
.
.

[อีหยังสิปานนั้น]

วิถีชีวิตของลูกอีสาน ต่อสู้มากะมากกะหลาย
ในสังคมเมือง หน้าที่การงาน ลาภ ยศ สรรเสริญ
มันกะคือหัวโขนคือหน้ากากที่เขาสวมให้ บั้นปลาย
ของชีวิต ผมตั้งใจไว้แล้ว วา สิกลับสู่เทือกสวน ไร่ นา
(เคยอ่าน กระทู้ของ อาว อ้วน เมืองยศ อินแล้วกะเป็นสไตย์ที่ผมมักแบบนั้น) ธุจ้า

[บ่าวจัย]

ผมละมักแพกลางบ่อปลาแหมะอ้าย สิไปลองเฮ็ดยุนาก่อนน๊า.....

[lungyai1123]

มันยังบ่ทันได้ใหย่เน๊าะปาน้อยยุต้องไปยามพุนั่นหนะพุคนภูค่าวพุ่นเพิ่นป่อยไว้ลำปาว
หลายคือหยังหนิ

[ณัฐ ภูไท]

คักเนาะชีวิตบ้านทุ่งมักหลายกะคือเฮือนแพเป็นตะนอนเว็นคือเว่าเนาะปลาปี้งปลาเผากะเป็นตะแซ่บเนาะได้ขึ่นมาสดๆๆแก้ลมเบียร์เย็นๆๆๆๆ:b-b:b-b:*-:*-

[บ่าวต้อมหนุ่มLA]

บรรยากาศดีขนาดเนอะคับ..สุดยอดเลย

[อ้ายทิดใจ]

เบิ่งแล้วกะคิดฮอดบ้านเนาะครับ

[ครูจุ่น]

ความสุขที่เงินซื้อบ่อได้ ความหมั่นคงของชีวิต เศรษฐกิจ สังคมและสิ่งแวดล้อม เป็นความยิ่งใหญ่ที่เกิดจากวิถีไทยบ้าน คือ จั่งเฮานี่หละ เห็นแล้วไปกินก้อยขมนำเด้ อ้ายเอย อยู่ใกล้ๆ กันกะมากินก้อยนำจักมือเด้อ

[ฅนภูค่าว]

มันยังบ่ทันได้ใหย่เน๊าะปาน้อยยุต้องไปยามพุนั่นหนะพุคนภูค่าวพุ่นเพิ่นป่อยไว้ลำปาว
หลายคือหยังหนิ

มีฅนพาดพิงเถิงแล้วบาดนี่ สิแมนคือลุงใหย่ว่านั่นหละ หนองสาบ้านผมหน่วยบักใหย่ หากินกันได่ตั้งแต่หัวเขื่อนยันท้ายเขื่อน.....

ปลาสดๆขื่นมาจากหนองสา(ลำปาว)สุมื้อ....