มาชิม หมกปลาฮากกล้วยกับตำบักหุ่ง ทางปากเกร็ดกันเด้อพี่น้อง

[ชิงช้าชาลี]

วันหยุด อยากหาแนวกินมาสู่พี่น้องบ้านมหากินกัน วนเวียนรถขายกับข้าวหลายรอบ ก็เลยลงเอยที่ปลารากกล้วย กับตำบักฮุ่ง คือเก่า (เฮ้ดได้แค่นี้)

ปลารากกล้วย (คือปลาอีดบ้านเฮา หัวแข็งมากๆ เทือหลังสิตัดหัวออกก่อน)


เครื่องแกง ง่ายๆ พริกสด หอม กระเทียม ตะไคร้ ผักชี กระชายแก้คาว


นำส่วนผสมมาคลุกเคล้ากัน เติมน้ำปลาร้า น้ำปลา ชูรส


ตั้งไฟปานกลาง ประมาณ 20 นาที ก็สุก (เกือบเละ)


ปิ๊ง !! หน้าตาดีขนาดเลย


ตกบักฮุ่ง บ่มีขั้นตอนซ้ำ มัวแต่วุ่นวาย ฮ้อน เหงื่อแตกเหงื่อแตนในครัว
แว๊บ!! วางบนโต๊ะพร้อมเสิร์ฟค๊า




ข้าวเหนียว เอื้อยข้างบนกำลังส่ายอยู่ เลยบ่ทันได้เข้ากล้อง เพราะน้องหิวแล้ว มาๆ มากินข้าวเที่ยงนำกันจ้า

[พล พระยาแล]

อือฮึฮึ...ถึกคิงแล้วบาดเนี่ยน้องหล่า เอ๋า ไส ๆ ๆ ข้าวเหนียว

กินกับข้าวเจ้าคือสิบ่ถืกกันดอกน้อ สิเอาข้าวเหนียวไปส่งก่อน

กำลังหม่าอยู่ อิอิ

[คนตระการ...]

บ๊ะ เข่าท่าครับ กับตำบักหุ่งแฮ่งเข้ากันดี

[ชิงช้าชาลี]

อ้ายพล และอ้ายเอ๋ ถ้าอยากกิน เดี๋ยวว่างๆมาเที่ยวปากเกร็ดกันเด้อจ้า สิเฮ้ดให้กิน อิๆๆๆ

[บ่าวข้าวจี่]

ป๊าด....เป็นตาแซ่บแท้น้อ คึดฮอดเฒ่าแม่ ผู้เคยเฮ็ดให้กิน....ครับ

[หนุ่มน้อยเมืองเพชร]

น้องบักเขียบ เหลือให้อ้ายจั๊กหน่อยแหน่ ฮิฮิ
ปลารากกล้วยเป็นปลาที่หายากครับ ราคาก้อแพงครับ
อ้ายเคยไปหาแถว สารคราม ที่บ้าน แก่นท้าว พอหาได้ ฮิฮิ
แ่ต่ถ้าไปแถว ปากเกร็ด มีอ้ายก้อไปแหน่ อย่าลืมเอิ้นอ้ายเ้ด้อ
ฮิ้ววววววววววกริ้วววววววววววววววววววววว
ปอลอ.... เพิ่งทราบว่า ปลารากกล้วยกับปลาอีด เป็นปลาชนิดเดียวกัน ฮิฮิ ขอบคุณครับผม

[ปั้ม อาภัพ]

โอ้ย หิวข้าวเด้ เฮ็ดจังได๋สิได่กิ่นน้อ

[ข้าวปาด]

สะออน แนวกินเนาะ หมกปลา ตำบักหุ่ง อยากนำกะได้ตะอดเอาท่อนแล่ว ทางนี้

[ไก่น้อย]

กลืนน้ำลายลัดหละเด้อจ้า ทางนิ บ่ได้กินดนหละเนาะปลารากกล้วย เป็นเด็กน้อยเคยไปส่อนยามน้ำแก่งลง คิดฮอดบ้านเด๋ 555+

[ร้อยหมื่นพันไมล์ไกลบ้าน]

หมกปลาเป็นตาหอมน้อค่ะ โอ้ย เห็นแล้วหิวค่ะ