คิดฮอด..ลมหนาว
หนาวเอยหนาว ลมหนาว ผ่านเข้ามา
เฮ็ดให้คิด ฮอดหน้า น้องหล่าอ้าย
อ้ายคิดถึง คนึงนาง บ่วางวาย
เป็นจั่งได๋ แหน่น๊อนาง อยู่ทางนั้น
เย็นทางเจ้า หนาวฮอดอ้าย ในหัวใจ
ถึงห่างไกล แต่ใจอ้าย บ่ไหวหวั่น
ยังหนักแน่น แม่นมั่นเจ้า ซุ๊คราววัน
หนาวกายนั้น คิดฮอดเจ้า บ่หนาวใจ
น้องหล่านาง ผุคางงาม ของจ้ำเอ๊ย
หนาวจังเลย อ้ายอยากนั่ง ข้างๆเจ้า
ข้างกองไฟ ใต้ฟ้าแจ่ม แนมเบิ่งดาว
สิปั้นข้าว ทาไข่ จี่ให้กิน.........เน๊าะหล่า
อันหนาวกาย อ้ายบ่สน พอทนได้
แต่ว่าใจ อ้ายเป็นหยัง จั่งหนาวสั่น
พอลมหนาว ต้องกาย อ้ายสะท้าน
ย้านว่าใจ เจ้านั้น ผันแปรไป....เด๊น๊อ
ผ้าพันคอ สีฟ้าลาย อ้ายซื้อให้
คิดฮอดกัน ยามได๋ ให้ใส่เด้อ
อ้ายสิถ้า รอวัน สองเฮาเจอ
สิบ่เผลอ ปันใจ ให้สาวอื่น
::::::::::::::::::::::::::::::::::::::
ลมหนาว....ดอกไม้...ชายคนเหงา
.........บ่าวจ้ำ...คิดฮอดอ่ำหล่ำๆ.....
๒๑ พฤศจิกายน พ.ศ. ๒๕๕๒
::::::::::::::::::::::::::::::::::::::
[MEDIA]http://www.youtube.com/watch?v=iz0Oq6ifH-8[/MEDIA]
Bookmarks