ผญา หยอกสาว

[พลายแก้ว]

พอได้ยินผญาต้าน อาจารย์ศรีมาส่งข่าว
ไผนอซ่างหาญเว้า ว่าเลานั้นป่วยตาย
อยู่ซ่ำบายบ่ป่วยไข้ จั่งที่หลายคนเขาส่า ดอกว่าติ๊ อาจารย์..
ยากย้อนงานรุมหลาย จั่งห่างหายมิดจ้อย
บอกเอาเด้อสาวใหญ่น้อย ผุเพิ่นคอยถ่าฟังข่าว
พอได้ล่อผุสาว ลักหลอยคนทางบ้าน มาจาต้านกล่าวนำ...น้องนุ่ง สั่นดอกขอรับ..

[sompoi]

อั่นอ้ายศรีขร๋า
หว่างปีก่ายก่อนกี้ ทรงผู่ดีไคอยู่
เป็นสำปราชญ์ผู่ฮู้ สอนน้องส่อยนาย
ตกปีนี้แนวได๋ ส่างปี้นไปเป็นลายต่าง
หือแม่นเถ่าค้างบ้าน เลยโอ้ขานไปแนวนั้น..น้อ
แม่นผู่ได๋กันจาเว่า ส่าว่าเล้าไข้ตาย
อย่าทึกทักเอาหลาย แนวผู่เถ่ากะเหล่าเป็น..เด้อบางเทือ
จั่งแม่นกรรมหือเวร ยังบ่ตายกะส่างว่า
ส่าเล้า"บ้า"กะพอถ่อน อย่าว่าหล่อนฮอดตายหลาย..เนาะอ้ายศรีเนาะ

..หนีก่อน..บาดเนี้ยะ..

[ต่าย]

อิอิ.....
ฟังคนส่า..ว่าจารย์ศรีหนีนำสาว..โอ๊ะบ่แม่น..ว่าทั่นศรีบ่มีแฮง
นางกะแจ้งใจจิต..คิดเป็นห่วงมาทวงเอิ้น....ซั่นแหล่ว

ตกกะเทินบาดมาพ้อ...ขอคาระวะถ่าจั๊กจอก บอกว่าห่วงหล้ายหลาย..จั๊กว่าไคแล้วบ่น๊อ..

ต่ายมารอจ่ายผญา...มาคอยถ่าจนว่าค่ำ..คำวาจาเพิ้นส่าเว้า..ว่าศรีเจ้าบ่สบาย ว่าซั้น..

คั้นว่าท่านศรีเจ้า..เอาผญามาจ่ายบอก..หลอกผู้สาวเขาแล่นนำ..ซ่ำนี้กะว่าไค..ซั่นแหล่วเนาะ ..

พี่มิกจ๋า..อิ อิ มาแจมนำซื่อๆดอก นานๆสิพ้อทั่นทั้งสองแหมะ คาระวะสามไหพู้นหละทั่น คิคิ

[พลายแก้ว]

อ้ายบ่าวก๋าคามเอ้ย......
หวานเอ๋ยหวานคำเว่าแม่นเอาหยังน้อมาหยอดหว่าน
ฟังแล้วหวานจ้อยๆน้ำตาลอ้อยกะบ่ปาน....นั่นแล้ว
ว่าได่อ่านสาร์นน้องน้ำตานองล้นหลั่ง ใจพินพังแตกม้างมาซ่างอ้างกล่าวเป็นแท้น้อ
อ้ายเอ้ย....ย้านเด้น้อ...ย้านแต่ทางฝ่ายอ้ายมาม่ายแล้วแซวหนี
บัดฮ่ามีทางไปอ้ายล่ายไหลไปคือน้ำนั่นแล้ว.....บ่าวก๋าคามเอ้ย


โอ๊ยๆเป็นไปทั่วแล้วจ้าแต่งผญาแหมะ จักสิไปแต่งไปทางได๋ ใกล้สิสุดทางตันแล้วอ้ายบ่าวก๋าคามเอ้ย
อย่าสิฟ้าวต้อนกันให้จนมุมเด้ออ้าย เห็นใจน้องใหม่หัดแต่งแน แบบว่าหุ่นบ่ให้แต่ใจรักผญาน่ะแมะอ้าย หะหะ

สาวงามเมืองกะสินเอ้ยย..
บ่ได้ติแถลมหล่ม เอาคารมมาโปรยหว่าน
บ่ได้หวานหยอกเล่น ตั๋วให้เต้นใส่ลม
ทุกคารมที่วาทเว้า เอาออกจากหัวใจ
บ่เคยตั๋วผุได๋ ให้ช้ำใจสักครั้ง
ย่านแต่ทางเจ้านี้ สิพาทีพอให้หมื่น
ตั๋วให้ลื่นมื่นคาดลาด หัวอ้ายฟาดเหลี่ยมปูน หั่นแหล่ว

[ศรีสะท้าน]

ต่าย:อิอิ.....ฟังคนส่า..ว่าจารย์ศรีหนีนำสาว..โอ๊ะบ่แม่น..ว่าทั่นศรีบ่มีแฮง
นางกะแจ้งใจจิต..คิดเป็นห่วงมาทวงเอิ้น....ซั่นแหล่ว
ตกกะเทินบาดมาพ้อ...ขอคาระวะถ่าจั๊กจอก บอกว่าห่วงหล้ายหลาย..จั๊กว่าไคแล้วบ่น๊อ..
ต่ายมารอจ่ายผญา...มาคอยถ่าจนว่าค่ำ..คำวาจาเพิ้นส่าเว้า..ว่าศรีเจ้าบ่สบาย ว่าซั้น..
คั้นว่าท่านศรีเจ้า..เอาผญามาจ่ายบอก..หลอกผู้สาวเขาแล่นนำ..ซ่ำนี้กะว่าไค..ซั่นแหล่วเนาะ ..
พี่มิกจ๋า..อิ อิ มาแจมนำซื่อๆดอก นานๆสิพ้อทั่นทั้งสองแหมะ คาระวะสามไหพู้นหละทั่น คิคิ

โอนอ อ้ายอยากบอกฮักเจ้า น้องต่ายเตยหอม
นับแต่ซอมเห็นพบ ผ่านวนเวียนใกล้
เจ้าผู้ใสเสมอแก้ว ละออแววโป่งข่าม
นามดังสาสิ่งเซื้อ คณาเนื้อกระโดดเป็น
คึดอยากเห็นดวงหน้า มาลาก้านก่อง
คึดใคร่พ้อหม่อมน้อง นามคล้ายกระต่ายดง..ว่านา

...หืย..

[พลายแก้ว]

เหยาะหยอกเล่น เป็นคำกลอนเกี้ยวก่าย
พอส่วงอุกอั่งฮ้าย ที่โฮมเอ้าเข้าหว่างใจ
หล่านางเอ้ย..ว่าบ่มีคู่ซ้อน หัวหยอง ๆ แม่นไผหย่อง
ว่าบ่มีผุถ่า ผุได๋แท้นั่งอยู่นำ นอนางเอยยยย...

[ต่าย]

ฟังกลอนเกี้ยว...เทียวมาออดอ้อนให้
เบิ้งทางใด๋กะป่วงนำ...คึดฮอดคำบ่วายเว้น.......
เห็นทางอ้าย...ม่ายตาหาแต่สาว
เทียวมาเว้าหยอกเล่น..เป็นคือซุมเสือฮ้าย.......
หยอกหยอกไป...ย้านแม่นชายป่วงนำ
ซ้ำคือคูลูท้าว...หนาวนำอั้วนาง....ตั้วเนาะ :1-:1-

******
ศิษย์ไปดอก..ย้านทั่นจารย์ศรีป่วงฮ้าย อิอิ..

[หญ้านาง]

จารย์พ่อสีเสมอแก้ว
แววคำแก้วโป่งข่าม
งามผัดคือจั่งแก้ว
ผัดแววซ้นว่าเป็นขน....เด้น้อ...อิอิ
สังมาคือเอื้อยต่ายเจ้า
หนามเตยเจ้ยแก้วก่อง
เอื้อยผัดเจาะจ่องจ้อย
แก้วน้อยโป่งมณี...............ดีแท้.....อิอิ
พ่อเผียบคือดั่งแก้ว
พ่อจารย์แววบ้งขนบั่ว
พี่ต่ายคั่วหนามจ้อย
หนามเตยน้อยไว้แต่งแหวน................อิอิ ( สมกันปานแก้วโป่งข่ามกับหนามเตยแหวน เลยจ้า)

[chudhancock]

โอ๋ยน้อหลานศรีเอ้ย คำได๋ ได๋ ก็อ่าน แล้ว มีแต่ อัน แจ๋ว แจ๋ว ป้า อ่าน แล้ว

อยาก ลอง เบิง สั้นดอก คั้นว่าแนวเหม็นหม่น มันเหม็นกุ๋ยเทิ้งกระดูก

คั้นอ้ายผูกฮัก ซ้อนเทียมข้าง ย้านบอหอม ฮั้นแหล่วอ้ายเอ้ย

[chudhancock]

เหลียวเห็นหน่า งามพอปานเทวดา ลงจากฟ้ามาบ่อพี่

บ่าวผู้ดีดอกจังเจ้า แมนกินเข่ากับอีหยังน้อ ซ่างมางาม

เอากะด้อพ่อรูปหล่อ น้อแดนได๋เจ้ามาคือ งามหลาย

ได้หย่างกายมาทางพี้ มีแล้วบ้อคนซ้อน เผยวาจ๋าเว้ามา

ก่อนมาซะออน ผู้จังเจ้าว่าอยากเข้า ไปนั่งเฮียงแท้น้ออ้ายเอ้ย