หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: อดเอา..ใหญ่แล้ว

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    อดเอา..ใหญ่แล้ว

    เป็นเพียงคนที่คิดพ้อ ยามเหงาพอเว้าเป็นหมู่
    เป็นคนดูอยู่ข้างๆ ยามอ้างว้างจั่งคิดเห็น
    คือดั่งเป็นถังสีฮ้าง หม่องเขาวางไว้ขยะ
    แล้วปล่อยปะละให้ทน ตากแดดฝนอยู่หน้าบ้าน
    มื้อรำคาญเตะดังตุ้ม กลิ้งขุ่มหลุ่มขี้ตมติด
    จักแม่นผิดเรื่องอีหยัง เฮ็ดคือซังกันปานนี้
    ความหวังดีที่มีให้ ซ่างเหลือใจด้อยคุณค่า
    เฮ็ดปานว่าอ้ายพี่ ชายคนนี้บ่แม่นคน
    ได้แต่ทนกับความช้ำ น้ำตาไหลใจสิขาด
    ได้แต่กัดปากเอาไว้ เจ็บคักฮ้ายอ้ายสิทน
    เป็นเพียงคนปลอบใจเจ้า ยามมื้อเหงามื้อว้าเหว่
    ยามใจเพพังภินท์ เจ้าจั่งผินหน้ามาเว้า
    สิโทษเขากะบ่ได้ ย่อนหัวใจจะของมัก
    ไปหลงรักเขาเอง ห่วงเขาเองอาสาซ้ำ
    สิ่งที่ทำให้ได้ บ่เคยหลายสำหรับพี่
    ขอเพียงเจ้าสุขี พันทวีความเจ็บช้ำ อ้ายสิกล้ำกลืนฝืนทน..เอาดอก

  2. #2
    แบ่งปันความรู้และประสบการณ์ สัญลักษณ์ของ แดนดาหาร
    วันที่สมัคร
    Feb 2010
    กระทู้
    164
    เป็นหยังน้อญาอ้าย คึฟูมฟายกอดเข่าจ่ม ฮ้ายไห่ลมไห่แล้งหรือสาวล่อไห่ป่วนใจ
    ไผน้อซ่างเฮ็ดได้ไห่อ้ายบ่าวหัวใจหมอง มานั่งครองน้ำตาสิหาหยังน้อมาป้าน
    มาสงสารพี่ซายแท้ สาวบ่แลป๋าปล่อย คึดอยากออยบักอ้ายไห่ควมเส่าเจ้าซ่วงเซา
    อดเอาเด้อไหญ่แล้วแนวพี่ซายว่ากะแหม่น มันบ่แคลนดอกเจ้าสาวในโจกโหลกฟ้า
    หาหน้ากะแหม่นมี......สั่นดอกหวา อ้ายเอ้ย

  3. #3
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    อดเอาเด้ออ้ายเอยอย่าสิให้เด้.......อยากอายเด็กน้อยเขา

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายเอ้ย มาหลูโตน คำซายเว้า ต้องอดเอา แท้น้อพี่
    จังแมนดี แท้หล่ะอ้าย เขาบอได้ดอก หล่ำแยง
    หนำยังถืก เขากลั่นแกล้ง เจ็บพอแฮง แล้วบอพี่
    เห็นอ้ายเจ็บ ดอกจังซี่ น้องคนนี่ ก็ห่วงนำ ผู้สาวอ้ายเฮ็ดให้ซ้ำ
    มองอ้ายต่ำ ดอกติดดิน ไปถวิล ตั้งแต่เขา บอกให้เซา
    สาเด้ออ้าย ฮักเขาหลาย สิตายย้อน เขาบอมาซะออน สิเดือดฮ้อน
    ไปหยังพี่ คนที่คอยหวังดี เขาบอมีใจให้ จังได๋อ้าย ซ่างบอจำ
    ให้ฟังคำ ของนางไว้ อย่าเซื่อใจ เขาหล่ะพี่ เขาเคยหนี
    อ้ายไปแล้ว ซ่างมาเว้า ดอกว่าดี ส่วนน้องนาง ดอกคนนี่
    แค่เห็นพี่ มีความสุข แต่คั่นยาม อ้ายมีทุก น้องบอหนี
    สิซ่อยอ้าย แนวในใจ อยากไขต้าน ย้านแต่อ้าย นี่ลำคราญ
    เทิ้งกลัวย้าน บอกล้าเอ่ย ความฮักเอ้ย บอกล้าเว้า ย้านโตเจ้า
    บอเว้านำนี่แหล่วอ้าย
    แก้ไขครั้งสุดท้ายโดย chudhancock; 21-02-2010 at 18:48.

  5. #5
    สมาชิกที่ยังไม่ยืนยันอีเมล์
    วันที่สมัคร
    May 2009
    กระทู้
    105
    บ่าวก๋าคามเอ้ย

    คำที่เอามาเว้าเฮ็ดเหงาใจนำแท้นอท่าน
    แสนสงสารใจเจ้าแท้แคร์เขานั้นแมนผุเดียว
    เหลียวมาทางพี้กะได้ยังมีใจอีกดวงหนึ่ง
    ซึ่งยังคงใสดังแก้ว อยู่แถวนี่กะมีเด้อ

  6. #6
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    พอปานใจสิขาดดิ้น ยามได้ยินคำเจ้าเอ่ย
    ว่าเลิกกันไปเลย เพียงคำเปรยขึ้นส่ำนี้ ปานไฟจี้ทิ่มทั่งใน
    เจ็บหัวใจขึ้นจ้าวๆ ความเศร้าทั่งเข้าเต็มอก
    ปานมีไฟขุมนรก เข้าทั่งโถมโฮมท้อน
    นอนกะนอนบ่ได้แหล่ว แนวหัวใจมันอุกอั่ง
    ได้แต่ย่างปานคนบ้า น้ำตาย้อยโห่งฮอยเดิน
    พอกะเทินคือบ่เอาปืนยิงอ้าย ให้มันตายคือสิส่วง
    นี่เฮ็ดแผลไว้ในทรวง ใจทั้งดวงอ้ายมุ่นแล้ว เบิ่งฮอยแป้วนับบ่ไหว
    ลมพัดกายกะหล่อยล้ม เจ็บระบมไปเหมิดโต
    กายผอมโซเซซึม แนวซ้ำตื่มคือความช้ำ
    กับน้ำคำที่ทิ่มไว้ ให้อ้ายเบิ่งตางหน่วยตา
    คือคำว่าอำลา ที่เจ้าป๋าปล่อยไว้ ซ่ำฆ่าอ้าย..ตายทั้งเป็น...

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    แหม่นอกหักหรือฮักม้าง คือครวญครางเป็นตาหน่าย
    เจ็บแป๋ตายอยู่ติ่น้อง หรือกลัดหนองจนไข้บ่ม
    ได้นอนซมหยอดเข่าต้ม ถืกเขาหย่มจั่งได้ครวญ
    แค่อกหักยามรักม้วน อย่าตีด่วนบอกอำลา
    เสียน้ำตาเฮ็ดอิหยัง แค่เขาซังอย่าไปอ้อน
    กลับไปนอนถอนพิษไข้ แผลในใจให้มันส่วง
    จั่งไปทวงพิษแค้น แทนรักเศร้าที่เก่าสูญ
    รักขาดดุลย์เพียงส่ำนี่ ขอกินฟรียังหลายกั่ว
    โอ๊ยอยากหัวคั๊กก่ะด้อ บ่เคยพ้อก่ะส่างเห็นน๊อบ่าว
    มีเป็นซาวสาวเป็นร้อย เอามาก้อยคือก่ะปอม ...ก่ะได้ตั๊ว..บ่าวฯ...ฮ่วยห่า 55555555
    c06:

  8. #8
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    อ้ายพีฯ เอ้ย...
    บ่เคยเป็นดอกจั่งซี้ บ่เคยมีดอกจักเทื่ย
    บ่เคยเสียน้ำตาให้ ผุได๋เว้ากล่าวขวัญ
    แต่..ถึงวันมื้อนี้ พี่เอ้ย..น้องเจ็บคัก
    คนที่รักมาจากแล้ว พอปานแฮ้วทับคอ
    ยังบ่พอเขามาซ้ำ ด้วยน้ำคำซ้ำตื่ม
    ว่าให้น้องนี้ลืม ลืมเขาได๋แนวได๋อ้าย หัวใจนี้มีแต่เขา
    บ่อยากเขียนผญาเศร้า ย่านคนเขาว่าสำออย
    แต่สวอยแล้วทางใน ทางหัวใจน้องมุ่นแล้ว
    อ้ายพีฯ เอ้ย..หาแนวมาซ่อยแก้ ปัวน้องแน่..เป็นหยัง
    คือสิบ่ยังเป็นคน ย่านอยู่โดนบ่มีได้..แท้แหล่ว อ้ายเอย..

  9. #9
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    โอ้ย เหลือโตนเจ้าของกะพอแฮงแล้ว มาพ้ออ้ายบ่าวก๋าคามอกหักอีก เศร้าตื่มกันเด้บาดนี้

    ....ความฮักร้าวสาวปะหนีบ้อล่ะพี่ คึดเห็นคราวก่อนนี้ยังปลอบใจน้องอยู่มื้อวาน
    มาพบพานกับเจ้าของแล้ว อดทนเอาว่าตี้พี่ โอ้ยมาเหลือโตนแท้น้อบาดนี้จักสิเว้าว่าจั่งได๋
    ....อ้ายเอ้ย...โลกนี้มีบ่อแพ้ผู้สาวงามๆ นั้นหากมีอยู่ดาษดื่น ความขื่นขมให้ปล่อยถิ่มหันมายิ้มให้เจ้าของ อย่าสิมัวคาข้องอกหักให้ลมส่า ลืมความฮักข้างเดียวคือข้าวเหนียวขาดน้ำคาค้างบ่อออกฮวง

  10. #10
    อีสานเถิดเทิง
    Guest

    เป็นตาสิโตน

    อกหักฮักสะบั้นมาสิตายต่าวปลง
    อย่าสิหลงคำปลิ้นคารมสาวหลู่
    แหนมเบิ่งดูอ้าย.....เถิงหน้าพุ้น ๆๆๆ
    ฟ้าหลังฝนสิแฮมดี...ซั่นตั๊วะ...

    ....น้องใหม่ลองผญาดอกอ้ายเป็นตาสิโตน...

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •