คึดฮอดอีสานบ้านเฮา

หนุ่ม เกินร้อย · 19-03-2009, 20:02

บดไหว้ครู @"ผู้ข้าขอก้มกรามพุทธบาทนาโท องค์บรมพุทโธผู้ประเสริฐแสงล้ำ ผู้ได๋นำพระธรรมเจ้าขัดเกลาออกแผยแผ่ สรรพภัญญูเที่ยงแท้แลก้ำนพถวาย พระผู้ผาบมารฮ้ายเทวโลกโลกา สัตว์อยู่ในสังสาร์เพิ่นพาอาศัยได้ พระจอมไตรเลิศล้ำนำสัตว์ทุกหมู่ สาวกเฮียนฮู้ผู้ข้าวันทาไหว้ธรรมพระเจ้าอยู่ซู่อัน ผู้ข้าขอลิขิตหมั่นแปลปั่นผญาธรรม ขอให้ปัญญาญาณผ่องใสเสมอแก้ว ขอให้ผญาแกล้วสรญาณตรัสส่อง ขอให้เป็นป้องท้างทางแก้กล่างคดี อย่าได้มีแนวข่องไหลล่่องคือหมากตูม คือสายธารนทีไหลหลั่งโฮมสมุทรกว้าง ปวงเมธีปราชญ์ครูบาที่สอนสั่ง ขอให้มาซอยยู้ซูค่ำต่อผญา "@ โดย ครูบ้านนอก

หนุ่ม เกินร้อย · 21-03-2009, 18:53

:g @" ปลาสิไลลาน้ำคำเอ้ยสิเอิ้นสั่ง คำสิไกลสายสร้อยกลอนมันสิลาป่า ปลาสิลาน้ำข้าวก่ำสิลาหนอง หนองสิลาน้ำนาทามสิลาท่ง นับมื้อไกลกันแล้วหัวเฮือสิลาฝั่ง หมากคลั่งไกลหมากกลิ้งซิงสิให้ต่อนกทา ดวนดันหอมสิห่างกอไกลตัน ฮวกสิสิลาน้ำนางน้อยค่อยอยู่ดี ดังสิลาม้อนสวนมอนสิลาจ่อ สีสิลาหน้าบาทาสิลาเกิบ นอสิลาช้างเสือสางสิลาป่า ทวนสิลาหญ้าฝาเฮือนทังดวด ชั่งสิไกลลูกโต้นคนสิไห้แอ่วนำ หมาสิลาเข้าปั้นกระสันไห้แอ่วนำ บัวทองสิลาบึงบ่าวพี่ชายสิลาน้อง ผมป่งลากระโดนหวีสิซ้นบ่อนได๋ ดอกสมั่งลาจากตันฟานเอยสิลาหน่าง กาสิไลไก่น้อยอ้อยห่างฮามสวน ฝนสิลาฟ้าปูปลาสิลาบวก ปลีสิลากล้วยควายบักเลสิลาท่ง ปอสิลาเซือกอ้องควายนั้นค่อยอยู่ดี เสิบสิลาปี่แอ้แคนไค้ขลุ่ยซอ สาสิลาหญ้ากวยยาสิลาข้วน ติบนวดลากระเซ้าบอกปูนนั้นค่อยอยู่ดีฯ พี่น้องเอ้ย..โดย ครูบ้านนอก

หนุ่ม เกินร้อย · 22-03-2009, 11:41

ลองมาฟังเทศน์แหล่เบิ่งเนาะครับ กัณฑ์ทศพร ๑๙ พระคาถา @"บัดนี้เชิญฟังเรื่อง มหาเวสน์ชาดก ฉันสิบรรยายยก เทศนาจาซ้อน เป็นคำกลอนอีสานแหล่ กระแสเสียงสรรเสก ฝากเป็นเอกลักษณ์ไว้ ผู้ฝังได้ฮิ่นตรอง ขอเชิญพวกพี่น้อง พ่อและแม่สาธุชน เหมิดสู่คนที่มาฟัง ให้จื่อจำเอาไว้ ตอนพระโพธิญาณไท้ ของเฮาเสวยชาติ เป็นมหาพระเวสน์ท่าน ได้ทานสร้างแต่กุศล บารมีลื่นล้น เต็มเปี่ยมได้บำเพ็ญ นับว่าเป็นแนวทาง ได้ย่างตามงามลัน "หยุดเอาไว้ซำนี้ก่อนเนาะครับ โดน ครูบ้านนอก