เมนูทที่เฮ็ดง่ายๆ แซบ ก้อยปลาทูใส่บักใส่บักม่วง (เอาแบบส่มๆ)
เครื่องปรุง
หอมแดง พริกผง ข้าวขั้ว ห้วหอมซอย กระเทียม พริกสด ต้นหอมผักชี ผงชูรส น้ำปลา น้ำปลาแดกเอาปลาทูมาย่างไฟให้สุกหอมฮวย ฮวย ระหว่างรอปลาทูสุกกะ สับบักม่วง ซอยหอมแดง ไว้รอ
ปลาทูสุกแล้วกะแกะเอาแต่เนื้อครับ(ก้างกับหัวเอาไว้กินยามแลง อิอิ ล้อเล่นเด้อครับ) เอาใส่ครก ซึ่งใด้ตำกระเทียมรอแล้วตำรวมกันกับบักม่วงสับ ปรุงรสด้วย พริกผง ข้าวขั่ว หัวหอม ผงชูสส น้ำปลา ปลาแดกจักนอยเพิ่มความหอมนัว ซิมเบิงปรุงรสตามใจเลยครับ
มาเบิงเอาครับ หน้าตากะสิเป็นแบบนี่ บักพริกนวยกะไว้เป็นลูกโดด(หอมหิ่นๆเผ็ดเติบครับ)สิกินอย่างเดียวกะย่านผืดโพด เลยทอดไข่นำ มาเด้อครับกินนำกัน
ปล.เป็นครั้งแรกที่ลองเฮ็ดครับ ตอนแรกกะคิดว่า มันสิแซบบ่อน้อ แต่เมื่อเฮ็ดแล้ว แซบครับ คล้ายๆ ก้อยกะปอม แซบคนละแบบ ลองเบิงเด้อ ปลาทูนี่ ต้องซื่อมาสองโตเด้อ ถ้าบ่อซั่นอาจเป็นของปลอมครับ
Bookmarks