ข้าวเหนียวยัดใส้(เมนูนี้คิดฮอดสมัยเป็นเด็กน้อย)

[สาวบ้านแต้]

เมนูนี้น้องอิ๊ทขอนำเสนอ
"ข้าวเหนียวยัดใส้"
บางท่านอาจจะสงสัย แบบใด๋? ยัดใส้แล้วไปปิ้งไหม?
มาดูเลยจ้า
เครื่องปรุงกะมี ข้าวเหนียวนึ่งฮ้อนๆ
ปลาทูทอดหรือปิ้ง (แล้วตะผุมัก)

เริ่มเลยจ้า
ปั้นข้าวเหนียวจักปั้นหนึ่ง หิวหลายกะปั้นหลาย
สมัยตะกี้ ตอนเป็นเด็กน้อย ข้าวเหนียวหล้ายหลาย
แม่ย่านเป็นซาง ใส่ปลาทูหน่อยเดียว
อิอิอิ สมัยนี้ปลาทูเคิ่งโตโลดข้าวเหนียวปั้นน้อยๆๆ

แผ่ข้าวเหนียวออกแบนๆๆ
บิเนื้อปลาทูเกลี่ยๆให้ทั่วถึง
แล้วกะม้วนเข้าเหนียวให้เป็นแท่ง
ปิดเนื้อปลาทู บ่ให้เห็นเนื้อปลาทู(กะยังว่ายัดใส้)






ท่อนี้กะได้เมนูที่อิ่มอร่อย
กินยามได๋คิดพ้อสมัยตอนเป็นเด็กน้อยทุกครั้ง

ปล. ขอบคุณท่านผู้ชมจ้า
อากาศร้อนน้องอิ๊ทกะเลยมาแซวเล่นจ้า

[หนุ่มน้อย]

เห็นปั้นข้าวเหนียวแล้ว คึดฮอดข้าวจี่ใส่ไข่ ปิ้งกินยามมื้อเช้าแล้ว โอ๊ย แซบหลาย เป็นอาหารมื้อเช้าไปเลยกะว่าได้

น้องอี๊ด เฮ็ดให้อ้ายกินจั๊กมื้อแหน่เด้อ 5555 แล้วอย่าลืมส่งไปทางญี่ปุ่นนำแหน่ละ

[sa_ngamk9]

มาเป็นตากินแท้ สอดใส้ปลาทู อั่นข้าวเหนียวกินกับหยังกะแซบ

[คุณฉุยเลย]

กลับจากโรงเรียนฟ้าวไปเล่นนำหมู่ ท่ากินอยู่เฮือนหมู่ก๊ะไปเล่นไสเบิดแล้ว ฟ้าวๆๆ เมนูฟาสฟู้ดตั๊วเนี่ย ปั้นได้ก๊ะแล่นลงเฮือน แล่นไปกินไป ถึงมุ่งเล่นเบิดพอดี อยู่บ้านเอิ้นว่า ข้าวบ่ายปลาทู ว่าแต่เป็นอี่หยังยัดไส้เอิ้นว่า บ่าย เบิดครับ ข้าวบ่ายเกีย ข้าวบ่ายหมากขามหวาน เป็นต้น แซบบบบบ

[ฅนภูค่าว]

เห็นปั้นข้าวเหนียวแล้ว คึดฮอดข้าวจี่ใส่ไข่ ปิ้งกินยามมื้อเช้าแล้ว โอ๊ย แซบหลาย เป็นอาหารมื้อเช้าไปเลยกะว่าได้

น้องอี๊ด เฮ็ดให้อ้ายกินจั๊กมื้อแหน่เด้อ 5555 แล้วอย่าลืมส่งไปทางญี่ปุ่นนำแหน่ละ

เซือผมบ่อาจารย์หนุ่ม แค่เลาเห็นรูปปั้นเข่ากี่ยัดใส่ของสุดที่รักเลา ทางอิปุนกลืน.....จนแน่นท้องเหมิดแล้ว....แมนบ่หละน้องอิ๊ท... :*- :*-

[จำปา]

ทางเอื้อยยัดใส้หวานแมะน้องอี๊ท เอาบักขามหวานเฮ็ดใส้ แซบขนาด

[ณัฐ ภูไท]

เป็นตะแซ่บนำอยู่ดอกเนาะข้าวเหนียวหมอ่งปลาทูให่คักกว่านั้นกะถ้ามีสาหร่ายเป็นแผ่นๆๆนะห่ออีกกะสิได้รสชาดนำเด้ข้าวเหนียวหมอ่งปลาทูห่อสาหร่าย:b-b:*-:*-