ป๊ะลงทามหาสาปลา กินข้าวป่านำกันเด้อพี่น้อง

[ติ๋ม เปอร์โย]

น้องๆเขาลงไปสาปลาแต่มื้อคืนนี่แล้วหละ ตื่นเช้ามาเขาโทรมาบอกว่า ซ่อมาเก็บปลาได้แล้ว น้ำบกเบิดแล้วพี่
ก่อนไปกะเป๊กกาแฟก่อนหละเนาะ แต่เช้าปานนี่แหม๋



รถประจำโต ใช้สมบุกสมบันคักกะยังว่า จอดพุ้นแหล่วหนองปลาโลด หมูค่านหย่าง เมื่อยแดด

แฮ่ๆ...ไปฮอดเขาเก็บปลาจนแล้ว บ่ถ่ากันเลย คาดสิบ่ได้ลงตมกะยังว่า...อิอิ

เขาเก็บปลาได้กุ้งฝอยนำ หลายคักคั่นบ่ค่านเก็บ โตน้อยอิหลี

แปลสภาพเป็นกุ้งเต้น....แซบหลาย

ปลาค่อกะมีแหน่อยู่

น้องๆเขากะจัดการแกงสู่กิน ยอมรับว่าบ่ได้ลงมือเฮ็ดกับข้าวเองเลยจ้า

มา มาทุกคนกินข้าวป่านำกัน เปลี่ยนบรรยากาศ บอกได้คำเดียวว่า"แซบ"

[ฅนภูไท]

ป้าดๆๆ...มาเป็นตาแซ๊บแท้น้อ 8) แจ่มๆ กินข้าวป่ากะแซบไปอีกแบบน้อ ได้บรรยากาศคักอิหลี

[ส.มักม่วน]

เอื้อยติ๋มเฮ็ดให้นิ่มคิดฮอดบ้านอย่างคัก สงกรานต์นี่ล่ะสิมีบรรยากาศแบบเอื้อยติ๋มไปพ้อมา อดไว้อีกจั๊กหน่อย เป็นตาแซบเนาะเอื้อยกุ้งเต้นน่ะแมะ

[coco]

8):g น่ากินหลายๆๆๆ เเซบ๐๐๐๐๐๐๐๐๐๐

[แป้งป๋อง]

อยากกินกุ้งเต้นเด้เอื้อยยยย เป็นตาแซบน้อ ออย ทรมานกระเพาะหลาย หิวๆๆๆๆ

[ศรีสะท้าน]

พอแต่มาเห็นกุ้ง อยากล้างพุงเอามาใส่ ปลาค่อใหญ่ท่อด้ามพร้า บ่อรอซ้าสินั่งเลยย เหอเอ่ยยย เหอเอ่ยย หล่ะน่า ซวนบ่อซวนกะสิกินโลดดอกงานนี้ อิ อิ

[บ่าวคนเดิม]

ป้าด...กุ้งเต้นคือมาสุดยอดแท้ละ...บ่ย่างหาเด็ดยอดผักกะโดนมาแกล้มนำแหน่
เป๊กสี่สิบดีกรีแก้คาวจักหน่อย..บะ เข้าท่าปานหยังละแหมเนาะไหย่ศรี

[ตรี ศรีเมืองใหม่]

ป้าด/ขี้ตมเป็นตาโยนทิดคําศรีลงแท้.. กุ้งนั้น.. ถ้าแม่นทิดคําศรีไปนํา ข้อยว่าเลาคือสิหว่านเข้าปากไปก่อน จั่งเติมข้าวคั่ว หัวหอม ลงทีหลัง อิอิๆๆ (ไคอยู่บ่าวเซียงน้อยบ่อชอบฉันของคาว อะคริๆๆ)

[ไก่น้อย]

โอ่วววว กุ้งแดนซิงค์ ตาเเซบเนาะ เมื่อบ้านกาสินกะมีหลายคือกันจ้า ...
แซบตาหน่าย กับตำหมากหุ่งเข้ากันขนาด

[ไม่สวยแต่เร้าใจ]

โอ้ย คิดฮอดบ้าน เมือบ้านซะบ่น้อสงกรานต์นี่ อยากกินกุ้งเต้นกับผักกระโดน แกล้มเบียร์เย็นๆ เด้