กำลังแสดงผล 1 ถึง 8 จากทั้งหมด 8

หัวข้อ: ลำบากแฮงพี่น้องเอ้ย...

  1. #1
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421

    ดูวีดีโอ YouTube ออนไลน์ ลำบากแฮงพี่น้องเอ้ย...

    คิดฮอดเด้ คิดฮอดบ้าน
    ทางอิสานบ้านของเฮา
    คิดฮอดพ่อแก่แม่เฒ่า
    ปานนี้สิเป็นจั่งได๋

    คิดฮอดคุณลุงคุณป้า
    ทั้งคุณตาคุณยาย
    กินข้าวแลงแล้วหรือไป๊
    คิดห่วงหลายทุกแลงเช้า
    ได้แต่นั่งเศร้าอยู่ผู้เดียว

    นั่งงวกพุ่นงวกพี้
    มันกะมีแต่ห้องเปล่า
    มีแนกะแต่หม้อหุงเข้า
    พอสิได้ต้มมาม่ากิน

    เฮ็ดงานกะต้องตื่นแต่เช้า
    ไปสายเขากะว่า
    ต้องให้มันสมราคา
    กับค่าจ้างค่ารายวัน

    ค่าแฮงที่หาได้
    พอได้ไปชื้อปลาทูป่น
    นี้คืออาหารคนจน
    ต้องทนกินสู่มื่อ...พอสิได้มีแฮง

  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    อดทนเอาเด้อท่านมหาการมาวารกล่าว
    บอกเรื่องราวให้หมู่เพื่อนอดทนสู้ต่องาน
    อันความคิดฮอดบ้านกะเป็นเรื่องธรรดา
    ย่อนความจนจั้งลัยลาไฮ่นาปาท้าง
    เงินสตางค์บาทแบงค์เอาแฮงกายแลกเปลี่ยน
    เพียรอดทนอย่าได้ท้อเด้อเพื่อนหมู่สหาย
    คิดฮอดน้องคิดฮอดอ้ายพ่อแม่ให้ทนอด
    แนมไปเถิงอนาคตหากสิดีดอกเด้อท่าน
    อีกบ่นานสิดีได้อดทนไปอีกจักหน่อย
    พ่อแม่คอยอยู่บ้านเอาใจตั้งต่อหา
    ความลำบากใหญ่ซั่มฟ้าอย่าได้หวั่นทางใจ
    บ่มีไผในโลกาอยู่สบายดอกเด้อเจ้า
    กระเป๋าเงินมีเป็นล้านใจบ่บานหากมีอยู่
    ผู้เพิ่นรวยลื้นล้นกะคนแท้ดังกัน
    แม่นอยู่ตึกฮ้อยซั้นกะขันแข่งชิงดี
    มีแต่ความอิจฉาปราถนาแต่ความฮ้าย
    ผู้เป็นนายเป็นแหล่งบทแสดงไปตามเรื่อง
    หาแต่เพียงอวดโอ้ว่าโตนั้นลื่นเขา ท่านเอ้ย
    จงเอาชนะในความยาก มิฉะนั้นความยากจะชนะท่าน

  3. #3
    แบ่งปันความรู้และประสบการณ์ สัญลักษณ์ของ นวรัตน์
    วันที่สมัคร
    Feb 2008
    กระทู้
    687

    ความเยือกเย็น

    สู้ต่อไปเด้อครับเอาใจช่วย
    ฟ้าหลังฝนมันจะดีเอง
    ซักวันความทุกข์ยากก็จะหมดไป
    ยิ้มเข้าไว้ ความทุกข์จะบรรเทา

    8):)

  4. #4
    lovep
    Guest
    สู้นะเอาใจช่วยไม่ลำบากเสมอไปหรอกค่ะ8)

  5. #5
    lovep
    Guest
    สู่ต่อไปใจยะท่อคิดฮอดคนร่อต่อไปภายหน่ากำลังใจยังสู่ลมหายใจยังมีทุกปานใจใจยะท่อขอให้กำลังใจ

  6. #6
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    ขอบคุณหลายๆเด้อท่าน
    ที่มาแบ่งปันกำลังใจ
    สิกัดฟันสู้เอาไว้
    สู้ต่อไปให้มันผ่าน

    ความห่วงไยจากหมู้ท่าน
    เป็นแรงบันดาลใจให้สู้ต่อ
    งานหนักบ่เคยท้อ
    สิสู้ต่อให้ผ่านไป

    จากทุ่งนาที่แสนใหญ่กว้าง
    สู่เมืองหลวงที่กว้างใหญ่
    จากบ้านนาสู่แดนสิีวิไล
    จากมาใกลกะนานหลายปี

    ถึงคิดฮอดกะสิอดเอา
    กะได้หมู่เจ้าที่เป็นกำลังใจ
    ที่เฮ็ดให้หนุ่มบ้านดอนมีใบหน้าสดใส
    กะจากความห่วงใยจากทุกๆคน



    ขอบคุณครับ

  7. #7
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ไปอ่านในไดอารี่เฒ่าจังไร..."เปิดใจความรัก.....ของฉัน" แล้วทั่นจะได้ข้อคิดอะไรหลายอย่าง นี่คือสิ่งที่อ้ายจะมอบให้เจ้า ในการมีชีวิตอยู่บนโลกอันจอกหลอกนี้:g


    โอ้ย...อย่าให้ข่อยก้มหลาย มันสิตำหน้าผากข่อย ขอบคุณครับ

  8. #8
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    โลกอันจอกหลอก ว่าติ คิดได้จั่งได๋
    เว่าคือแนวเทเหล้าใส่เนาะ 55555::)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •