หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ตั๋วให้คิดฮอด

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    ตั๋วให้คิดฮอด

    นี้หละน้อใจคนนีบ่มีความสัตย์ซื้อ
    สังบ่คือคำปากเว้าให้หลงเฝ้าห่วงหา
    เสียแฮงฮักท้อฟ้าเลยเสียท่าเหมิดความหวัง
    ให้เพพังเสียศูนเลยขาดทุนเสียแต้ม
    แนมหาคำจริงแท้ผัดแวไปทางบ่แม่น
    ได้แต่ความอั่งแค้นเจ้าแปปี้นเปลี่ยนไป
    เหมิดความหวังว่าสิได้เสียแฮงใจคิดตั้งต่อ
    ใจคนงอคตโค้งหลงความเว้าพออุ่นใจ
    ตัดหนทางที่สร้างไว้บ่ไห้ไต่เทียวหา
    พอปานหนองบ่มีปลาซ่ำว่านาบ่มีน้ำ
    มีแต่ซามบ่มีถ้วยมีคันบวยบ่มีโอ่ง
    ซ่างเฮ็ดลงบ่คิดพ้อคำเคยเว้าว่าต่อกัน นางเอ้ย


  2. #2
    แบ่งปันความรู้และประสบการณ์ สัญลักษณ์ของ นวรัตน์
    วันที่สมัคร
    Feb 2008
    กระทู้
    785

    ความเยือกเย็น

    ตั๋วให้คิดฮอด

    อ้ายคงบ่ฮักน้องอย่างจริงใจ สิ่งเว่ากันไว้ถึงบ่มีค่า ทุกอย่างแค่หยอก
    เบิ่งออกดอกหน้า ซึ้งเมื่อเจอหน้า ลับตาก็เหมือนลืมกัน
    ป้อนสิ่งคำหวานค้างในความจำ ล่อใจถลำหลงตามคำมั่น อ้ายสิสั่นบ่
    ที่ว่าฮักกัน ตั๋วไปวันๆฮักมั่นบ่มี แม่นบ่
    เจ็บย้อนรอ น้องต้องทำใจ จนน้ำตาซึม พอใกล้ซิลืม อ้ายกลับหวนมา
    ต่อ เทียวมาเว้าหยอก คึดออด ฮู้บ่ ตั๋วให้คิดต่อ จั๊กหน่อยก็หรอยลา
    ไกล
    แบบนี้หล่ะเน๊าะคนบ่จริงจัง ชอบหว่านความหวังแล้ววางง่ายๆ อ้ายจบ
    น้องเจ็บ ย้อนลืมบ่ไหว ถ้าบ่จริงใจตั๋วให้คิดฮอดเฮ็ดหยัง

    อย่าว่ากันเด้อเอาเนื้อเพลงต่ายมา


  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ผู้ใด๋คือใจดำ เฮ็ดให่มหาการเลาช้ำใจปานนี้น้อ...ซังคนขี่ตัวะ ซังคนขี่ตัวะ::)

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ดีแล้วหละอาวเจ้าเอาเนื้อเพลงมาประกอบ คือสิบ่มีลิขสิทธิ์ตี้เนาะ

    ซังคนตั๋วให้คิดฮอดเนาะพ่อใหญ่เฒ่า ข้อยสิบ่เซื่อใจไผอีกดอก
    นอกจากพ่อใหญ่เฒ่าคนเดียว อย่าตั๋วกันเด้อ..............อิอิ

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    มหาเอ๊ย อันว่าโลกากว้างคนลวงหากมีมาก
    มีหลายหลากลื่นล้นคนนั้นหากต่างใจ
    มีสาไถลคือไฟกล้ามายาลวงโลก
    เหตุแห่งโศรกตื่มซ้ำตำต้องหย่องมะโน
    โตต้องปลงใจด้วยอุบายธรรมอันประเสริฐ
    หาเหตุเกิดแห่งเค้าเอามาแก้ก่อนการ
    อภัยทานนำมาใช้ทำใจอย่าอาฆาต
    ความผิดพลาดจงฮับฮู้เป็นครูไว้ได้บอกสอน

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ยินดี โอ้ะ เสียใจนำอ้ายฮักเด้ะเนาะ ..มันเป้นตาตายพุ่นเด้ะเนาะอ้าย ยามผิดหวังมานิ ซั่นล่ะเป็นแต่มักขทายกเนาะ อยู่แต่วัด บ่ทันโลกเขาเนาะ..

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    สิยินดีกะตามถ่อนบ่ออนซอนกะตามซ่าง
    ซุมวาจาอำพรางตั๋วผู้นั้นหลอกผู้นี้ซุมผาบี้ฮ่าตำ
    ความปากสำสับส่อสอพลอเว้าหมื่น
    วาจาไหลหล่วยลื่นปลาไหลล้วยกะบ่อปาน
    ปากสังหารใจฆ่าจนมหาเลาหลงเซื่อ
    บาดฮ่าเลากลับเมือหาผู้ออยออดเว้านำเถ่ากะบ่มี เหอ ๆ ๆ

    ปล. คือได้ยินข่าวว่าไห้นำผู้สาวว่าติเพิ่น ไห้นำเขาหรือว่าไห้ย้อนเมาเมือบ้านบ่อถืก

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ไทบ้านเพิ่นกะซ่าว่าเฮาให้นำผู้สาวหั่นหละท่าน
    แต่ความจริงแล้วบ่แม่นดอกเด้อหมอ แต่ว่าประเด็นหลัง
    ที่โตเว้านี่คือสิแม่นอยู่ เมาหลายเมือบ้านบ่ถูกเลยแวะ
    ไปนอนเฮือนน้องซาย อยู่แถวซอยวิภาวดี ถ.ลาดพร้าว อิอิ

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    เอ๋า อ้ายศรีมะเว่าไปทั่วแท่ะน้อบาดนิ เล้าไห้นำผุสาววะติ้อ้าย ..ตะหน่ายแท่ะสาวด๋าย..คึดพ้อตอนเฮาหนีจอบอ้ายโจ่โล่ ไปเที่ยวคาราโอเกะ(ผุสาวน่อย) สามคนเฮาเนาะอ้าย ยามไปกินเข่าซวนเล้า บัดหนีไปเที่ยวสาว จอบไปวะนิ ฮ่าๆๆ ..คืนเดียวหลาบเลยเพิ่น ..ผุนึงหลงสาว ผุนึงคาแต่เมาเหล้า..อุบอิบๆๆๆ..คันปากก.เอิ้กๆๆ

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    เพิ่นหลงสาวขายก้อยอยู่ปากซอยเทเวศน์
    เลาซ่างเฮ็ดกะด้อสาวนั้นกะซ่างทำ
    เพิ่นฮอดจำสายสร่อยหลอยเงินเมียพู้นมาตื่ม
    ให้เขายืมไปเปิดร้านนานแล้วได้เคิ่งปี
    เขาเลยหนีไปจ้อยบ่เห็นฮอยมิดอิ่มสิ่ม
    ถามสาวติ๋มร้านข้างๆมีพ่อฮ้างมานั่งเฟือ พะนะ
    เลยบ่เหลือฮอดสายสร้อยเหงาหงอยสาวตั๋วเพิ่น
    นั่งกินเหล้าอยู่เดิ่นเมาผู้เดียวส่ำบ้า มหาเอ้ยจั่งแม่นเวร อิ อิ อิ

    ...สมอยู่ดอก เฮ็ดหยังบ่ฮู้จักปรึกษาหมู่พวกน้องพี่หลาย หิ ๆ ๆ...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •