หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 21

หัวข้อ: ...ย่านตั๋วให้คิดฮอดเด๊จ๊ะ....

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    ...ย่านตั๋วให้คิดฮอดเด๊จ๊ะ....

    ย่านเดน้อ ฮักกลั่นแกล้ง ปานหนามแท่งเข้ามาตำ สิระกำบาดเจ็บทรวง ย่านรักลวงมานำอ้าย
    ย่านหลาย ๆ คำลวงล่อ ย่านหลายน้อ เว้ารักง่าย คนหลงฮักสิพอตาย ย่านหลงอายบาดหมู่เว้า ว่าแฟนเจ้าไปอยู่ไส
    ย่านสมัครทิ่มรักไว้ แล้วเอาใจฝากสาวอื่น ย่านหลงนอนสะอื้น ย่านอ้ายยื่นฝากรักลวง
    ย่านหลงหวง หลงหึงเก้อ ย้านหลายเด้อ คนเว้าไส่ ว่าคนฮักทิ่มปล่อยไว้ ย่านนอนให้อยู่ผู้เดียว
    ย่านตั๋วฮักมาหลอกเกี้ยว บอกใจเดียวบ่สัตย์ซื่อ ย่านหัวใจคนขี้ดื้อ มาตามตื้อเว้าบ่จริง
    ย่านตั้งแต่น้ำไหลนิ่ง ที่แท้จริงหากไหลลึก ย่านอ้ายเก็บความรู้สึก ในใจลึกคอยหลอกต้ม ย่านจมน้ำ บ่น้ำตาอ้ายเอ๊ย



    หนามแท่ง : ต้นบักหนามแท่ง คือสิฮู้จักกันน้อจ๊ะ หนามยาว ๆ หน่วยกลม ๆ แหม๋ แกงหอย หล่ะใช้หนามแท่งจิ้มดีคักเด้อ

    [radio]http://kantaphong.admin.googlepages.com/04--.wma[/radio]


  2. #2
    devas
    Guest
    ขอบคุณครับท่าน ที่เสนอแต่สิ่งดีๆ

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    บ่เคยมาตั๋วเล่นหากเป็นจริงเหมิดสุอย่าง
    คิดฮอดนางค่ำเซ้ายามสิเข้าบ่อนนอน
    คิดนำพั้วดอกซ้อนสะออนอ่าวหวลหา
    ปราถนานำนางดังพระทัยไขอ้าง
    ให้เจ้าวางใจถ่อนบ่ได้หลอนลวงหลอก
    ออกจากใจสี่ห้องคิดนำน้องแต่ผู้เดียว
    บ่ได้มาเว้าเกี่ยวเทียวเลาะให้นางหลง
    ความประสงค์คือความฮักมาฮ่วมเฮียงเคียงใกล้
    หนทางไกลกันเยิ้นใจยังเวินถวิลฮอด
    คิดนำยอดหน่วยแก้วบ่มีเว้นดอกว่างใจ นางเอ้ย

  4. #4
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550
    ฟังนักปราชญ์เพิ่นโสกันกะพอหล่ะ...บ่หาญเขียนนำเพิ่นด่อก อิอิ ;d

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    เจ้าชายน้อยก้อยเดิกเอ้ย
    แม่นไปไสน้อมื่อนั้นอ้ายหันหามิดซี่ลี่
    อ้ายกับเฒ่าทิตศรีหันหาไสกะบ่พ้อ
    แม่นโตเจ้าไปอยู่ไส น้อหล้าเอ้ย

    เจ้าคือถิ่มหมู่อ้ายหละท้าวมื่อก้อยเดิกหนะ อิอิ

  6. #6
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    พบปะพูดคุย

    กระทู้ต้นฉบับโดยคุณ มหาการ
    เจ้าชายน้อยก้อยเดิกเอ้ย
    แม่นไปไสน้อมื่อนั้นอ้ายหันหามิดซี่ลี่
    อ้ายกับเฒ่าทิตศรีหันหาไสกะบ่พ้อ
    แม่นโตเจ้าไปอยู่ไส น้อหล้าเอ้ย

    เจ้าคือถิ่มหมู่อ้ายหละท้าวมื่อก้อยเดิกหนะ อิอิ
    ...ไปกดเงินค่าแท็คซี่ครับอ้าย บ่ได้หายไปไสดอก ข่อยกะบอกเจ้าแล้ว ตอนวางแก้วยาดอง...::) (สงสัยเว่าค่อยโพดหรือมึนนำดีกรีกะบ่จัก กะเลยบ่ได้ยิน..อิอิ)
    พอกดเงินมาแล้ว เหลียวหาอ้ายหน่าเซ่เหว่ ไปไสน้อเพิ่นผุเท่ห์ เทิ่งสองอ้ายไปอยู่ไส...
    ข่อยกะไว่ๆฟ้าว นำซุเจ้าย่านกลับก่อน เทิ่งเมื่อยหลายเทิ่งง่วงนอน ย่อนเมาพร้อมกะพ่องกัน....(ย่างเซหน่าเซหลัง หน้าสองหลังสาม...เลยบ่ไปไสมาไส อิอิ)

    ไปกดเงินซ่อยค่าแท็คซี่อ่ะหนา คึดว่าตะสิถ่าเนาะ บัดได๋แท้เพิ่นคึดว่าตะหลอยกลับก่อน
    ::)::)::)::)::)

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    จั้งสั้นตี้อ้ายหละว่าแม่นเจ้าหลงย่างเข้าห้องลูกสาว
    ร้านขายก้อยตี่สั้นดอก
    ย่อนว่าเฒ่าทิตศรีนั่งหลับคาโตะนั้นหละเลยบ่ได้ถ้าเจ้า
    บ่ว่ากันเนาะหล้าดีแล้วหละที่เจ้ามีน้ำใจไปนั่งเป็นหมู่
    ซุมอ้าย จักแม่นพากันกับเข้าซอยบ้านบ่าวสายฟ้าได้จังใด๋บุนี่
    อ้ายกะงงเจ้าของอยู่ บัดนอนตื่นขึ้นแล้วจั้งฮู้ว่าบ่าว
    สายฟ้านอนขดจ่องง่องอยู่ทางข้าง อิอิ โอกาสหน้าค่อยว่า
    กันใหม่เนาะหล้า

  8. #8
    บ่าวเคียว
    Guest
    โอยน้อ..บ่าวเคียวอยากเว่าผญาเป็นเด้พี่น้องเอ้ย

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    แม่นอิหลีอยู่บ่อน้อ แม่นคึดพ้อกันอยู่บ้อ...
    ย่านมาตั๋วะให้คึดต่อ เพียงล่อเหล่นให้เป็นไป
    ยามเหงาเศร่าจั่งเอิ้นใส่ เพียงพอใจกะปล่อยป๋า
    มีสำได๋น้อคุณค่า เอิ้นสั่งหาย่อนคึดฮอด..อ้ายเอ้ย

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    คันบ่คิดฮอดเจ้าสิคิดฮอดไผน้อนางเอ้ย
    แนวว่าใจของอ้ายบ่มีไผสิคิดฮอดมาจอดจมอยู่ค้างบ่วางได้ง่ายดาย
    โพดว่าซ่างเป็นฮ้ายเป็นตาหน่ายใจเจ้าของได้แต่ครองตรึกคิดผู้เดียวกะคือเจ้า
    สมหัวใจพออยากไปนั่งเฝ้าเป็นเงาตามทุกบาดย่างคันทางเทียวอยู่ใกล้บ่มีเว้นเที่ยวหา
    นี้อี่หยังไกลกันคนละฟากฟ้าสุดแผ่นปัฐพีบ่มีวันสิเป็นไปเที่ยวทางยามน้อง
    แต่กะยังบ่คาข้องทางหัวใจกลั้นบ่อยู่ยังดุดันเที่ยวค้นหาเจ้าบ่หวั่นไหว
    แม่นสิไกลกะคือใกล้ย้อนว่าใจหมายมอบเถิงสิสุดขอบฟ้าใจอ้ายกะเที่ยวเถิงนางเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •