..... ถึงความฮักสองเฮาสิก้าวต่อไปบ่ได้ จั่งได๋กะขอให้น้องฮู้ว่า "อ้ายฮักเจ้าเด้อ"........
สิจั่งได๋กะตามหล่า เส้นทางลามาถึงฝั่ง หม่องเส้นชัยความหวัง บ่ถึงฝั่งได้เคียงน้อง อยากโฮฮ้องว่าฮักหลาย
หากเขาดีกว่าอ้าย ความสบายมีพร้อมกว่า ขอยอมรับแล้วทูนหัว ความลงตัวชีวิตเจ้า บ่ขอเข้าไปทัดทาน
จากน้ำตาลเหมิดหวานล่อ ซ่ำเอาเครือกอฮอ มาทาคอให้ข่มขื่น อ้ายบ่ฝืนดอกน้องหล้า ไปเถิดจ้าอย่าห่วงเลย
จากที่เคยมีคำเว้า ว่าสองเฮาเป็นเงาคู่ เปลี่ยนจากเฮาเป็นเขาคู่ อ้ายสิสู้ดอกหวั่นไหว
น้ำตาไหลลามใบหน้า เช็ดเองนาบ่ต้องห่วง บ่ใหญ่หลวงสำหรับอ้าย ตัดใจด้ายหากเอ่ยลา
ให้ไปดีซะเด้อหล่า รักอำลาแพ้เขาคัก คำสุดท้ายผู้พ่ายรัก สิขอทักกล่าวเว้า ว่า "ฮักเจ้าคือเก่าเด้อ"
เพลงประกอบ : อ้ายฮักเจ้าเด้อ
มนต์แคน แก่นคูณ อัลบัมที่ 3 สร้างฝันร่วมกันบ่
[music]jolo/Hits/I%20love%20you.wma[/music]
Bookmarks