หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 17

หัวข้อ: เที่ยวกาสิน นำสาวไก่คนดี-บ่าวทิดศรีคนโก้ เด้อพี่น้อง

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    เที่ยวกาสิน นำสาวไก่คนดี-บ่าวทิดศรีคนโก้ เด้อพี่น้อง

    มาบัดนี้ศรีอยากซวนพระคุณท่านไปงานตระการถิ่น
    กาฬสินธุ์บ้านไก่น้อยกับทั้งข้อยแม่นบ่าวศรี
    อันว่าตั้งแต่กี้พระยาใหญ่ชัยสุนทร
    เพิ่นพาหลอนไพร่พลจากโนนเวียงจันทน์ก้ำ
    เพิ่นพานำมาแจ้งแถลงการณ์ต้านว่า
    แด่สมเด็จพระพุทธยอดฟ้าคราวนั้นแต่เดิม
    เมืองกาสินกะจั่งเริ่มสร้างแต่งแปลงหอ
    เพิ่นจั่งยอหลักเมืองแก่งส้มโฮงลงตั้ง
    เพินได้ฝังหลักหมั่นสำคัญน้ำปาวเก่า
    ต่อมาเด้อเลยกล่าวเว้าปาวนั้นแม่นะที
    ตั้งแต่กี้บ่มีดอกคูคัน บ่มีปันสับเสือนเขื่อนนะทีแนวน้ำ
    ยังสีดำนะทีก้นเป็นโคลนน้ำซุ่ม
    มีฮอดปลากุ่มบ้อนปนแข้แกว่งหาง
    เพิ่นกะเลยกล่าวอ้างเอาดินดีสีก่ำ
    ใส่เป็นนามต่อซ้ำ กาฬสินธ์นี้ต่อมา..ท่านเอ๋ยยยย

    ปล. โอ๊ยยย ซั่วสิแต่งให้ได้ จะแม่นบังคับกัน ให้เวลาสิบนาที พะนะ น้องสาวข้อยแมะพี่น้อง จะแม่นมันเขี่ยวขอดคักหลาย เกือบตาย...พักก่อน เดี๋ยวต่อให้ใหม่..หืยยย


  2. #2
    น้ำตาล
    Guest
    ป้าดดดดดดดดดดด..พ่อศรีฯ...สุดยอดเลยจ้า..จารศรีฯ..อิอิ..8)8):g:g

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    ...กาฬสินธุ์บ้านข่อย หงอยโพนส่อง
    คิดฮอดนางนาถน้อง โตอ้ายให้ต้าวคืน
    นางมายืนคอยถ่า อยู่หัวนา อยู่หม่องเก่า
    บ่อนเคยเนา เคยยั้ง คิดฮอดบ้างเเน่บ่น่อ

    ..นั่งหน้าแหงนจ่อก้อ คิดตั้งต่อผูคนไกล
    ได้ไปเนาเมืองหลวง ได้ย่างควงผูสาวโก้
    ย่างห้างโสภากว้าง ถิ่นเมืองหลวง พารากอน
    อย่าสิลืมก้อนข้าวปั้น ของอิเเม่เจ้า
    เคยบ่ายข้าว สูเจ้ากิน เด้ออ้ายเด้อ.....


    [MUSIC]http://psaekim.googlepages.com/04-saoKalasin.wma[/MUSIC]

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    พอได้ได้ยินคำต้านมหาการเลยขานกล่าว
    บอกเรื่องราวแจ้วก้ำเมืองบ้านหมู่สหาย
    เทิงสองคนน้องอ้ายเพิ่นมาจ่ายคำผญา
    มหาการฟังจาคือว่าดีเอาเหลือฮ้าย
    กะเลยบายเอาห่อเอาผ้ากับถุงยาไปยามหมู่
    คือสิอยู่บ่ได้ไปยามบ้านเสี้ยวเกลอ
    ไปก่อนเด้อลงุป้าหากินปลาหม่องน้ำซุ่ม
    ไปยามซุมซาติเซื้อไปเฟือข้างหมู่ผู้สาว เบิ่งก่อนน่า

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ...สาวกาสินรอคอย...สิจ่อยตายยยยย...ละเด้ออ้าย....บู๋ยยยย..เคยได่ฟังหมอลำทางกะสินตอนเรียนอยู่เนาะ..พวกกะเทยเอามาแสดง..เริ่ด เริด ดอก..ฮ่าๆๆ.เอ๋าๆม่วนๆนำพี่น้อง ทางถิ่นผ่านสถานเก่า เคยได่รําเรียนเล่า เคยจาเว่าขานนานเนิ่น...ตั้วะจ้า....:g

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    มาเด้อนุถนาดน้องคำแพงส้มป่อย
    อ้ายสิซวนหม่อมน้องนางหล้าว่าจั้งใด๋
    สิพาแก้วแก่นไท่ไปยามหมู่ทางกาสิน
    ไปหากินแกงปลาไปเบิ่งนาหนองน้ำ
    ไปยามหอเฮือนห้องนครทองหม่องเพิ่นอยู่
    ไปเบิ่งคูเขื่อนกั้นลำห้วยแม่ปาว
    ไปเบิ่งสาวบ่าวน้อยเมืองดินดำน้ำซุ่ม
    ไปกินจุ่มแจ่วเพี้ยสิขัดข้องบ่หละนาง...

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    อะจึ๋ยยย...มาซวนกันจ่อๆแท่ะน้ออ้าย..ยังบ่ทันปั่นผ้า ถูเฮือนแล่วเทือแม่ะอ้าย..คริๆๆ..

    อยากไปอยู่เด้อญาอ้าย ไปยามไทพี่น้องเพิ่น
    อยากไปเสิ่นทางลำปาว ไปเบิ่งบ่าวทางภูไท
    แนวกาสินทางพู้นไซร้ คึดฮอดหลายซุมหมู่ซ้วน
    ทางนาดสินทั้งปวง อาจารย์ล้วนพากันอยู่
    แหล่งนําดำเคยอุ้มชู ความรู้เสริมเติมให้
    บ่เคยไหลลืมสิ้น ยังถวิลอยากคืนยาม..สุมื้อ....ซั่นแหลว...

  8. #8
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ไปแวะเฮือนไก่น้อยไปกินก้อยไข่มดแดง
    พอตาเว็นลงแลงไปนั่งฟังหมอลำเรื่อง
    ไปฟังเสียงขับฮ้องลำภูไทไปนำบ่
    ไปฟังซอบ่อนหม่องเมืองบ้านอ้ายทิตศรี
    หนองอี่เฒ่าเพิ่นว่านี่มีแต่ม้วนบ่มีทุกข์
    สนุกฟังเสียงลำกล่อมกันงันก้อง
    มาเด้อน้องให้มาไปนำพี่สิพาชึ้นขี่ช้าง
    ฮีบมาถ่อนหม่อมพะนาง..............


    ปะหล้าเซาถูซะเฮือน กลับมาแล้วอ้ายสิถูซ่อยดอก
    อย่าสุมั่นคือหลาย

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311




    กาฬสินธุ์นั้นน้าของล้ำค่ามีหลาย
    คันสิสาธยายกะมากหลายเหลือล้น
    ทางบ้านโพนกะมีผ้าแพรวาภูไทเพิ่น
    คำม่วงเด้อเพิ่นเอิ้นอำเภอตั้งแต่เดิม
    มีทั้งของแรกเริ่มเดิมก่อนเกินเขา
    มีซากไดโนเสาร์อยู่สหัสขันธ์ก้ำ
    เพิ่นหากทำโรงสร่างแปลงทางเก็บของเก่า
    ไปเบิ่งเด้อภูกุ้มเข่าซุมเจ้าสิสะออน
    หรือสินอนแฮมค้างทางลำปาวสันยาวเขื่อน
    อยากขอซวนหมู่เพื่อนมายือนเยี่ยมหย่องยาม
    สิได้หาข้าวน้ำไว้ต้อนรับขับไส โอ๊ะ กับแกง
    ยามตอนแลงสิพาไปไล่มองอยู่หนองน้ำ
    มื้อลุนมาสิพาข่ามนมัสการพระเจ้าใหญ่
    พรหมภูมิปาโลสิบอกให่คันไปได้นมัสการ
    องค์พระตั้งจ้านท้านสูงตระหง่านเทิงภูสิงห์
    ไผได้หลิงเห็นดูกะว่า ฮู๊ว์..งามแท้
    ไปเที่ยวแหมซุมท่านยามมีงานไปเบิ่งแหน่
    สาวไก่หน้าแพ้แว้สิคอยถ่ารับรอง ซั้นแหลวววววววว

  10. #10
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    น้ำปาว ยังใหญ่กว้างคือเก่าเด้อคร๊า


    ภูกุ้มข้าวถิ่นไดโนเสาร์ยังสมบูรณ์














    มาเที่ยวนำกันเด้อพี่น้องเอ้ย....คักขนาดส่อยกันโฆษณา 555+

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •