.......ฝันดีเด้อหล่า...............

[sompoi]

อยู่หม่องได่กะเห็นเจ้าสุแลงเซ่าอยากเห็นหน่า
บ่ได่คอยเว่าจากะห่วงหาอ้ายคือเก่า
ยามเข่านอนได่ฝันเอาว่ามีอ้ายคอยพัดวี
อยากนอนหลับฝันดีไปแบบนี้จนมื้อวาย
เถิ่งบ่ได่คู่เคียงอ้ายแต่ทางใจบ่อเซาห่วง
ควมคึดถึงทั้งปวงมาโฮมทวงถามสุคืน
หลับตาแล้วล่วงเลยตื่นยังคึดเถิงหน่าเจ้า
คนเคยเว่าว่าฮักเด้อ..อ้ายเอ้ย.

[พล พระยาแล]

เว่าผญาบ่เป็น กะโดดกอดโลดแหล่ว

มัวแต่เว่าผญาอยู่เว่ย บ่ทันใจแมะ

แบบว่าผุเถ่าใจฮ้อน ฮ่า ๆ ๆ ๆ ๆ

เอิ๊ก ๆ ๆ ๆ ๆ ๆ :g ::)

[บ่าวโจ่โล่]

ขอเรียบเรียงให้ไหม่แน่เด้อครับ คุณสมป้อย โอ๊ะ ส้มป่อย ฮ่า ๆ ๆ รักหลอกจึงหยอกเล่น พะนะ

อยู่หม่องได๋คิดพ้อหน้า เช้าสวยมาคิดเห็นพี่
ยามได๋หนีห่างหน้าอ้าย บ่คลายเศร้าเฝ้าห่วงหา
บ่เคยป๋าลาลงได้ ยามหลับไหลเงียบมิดหมี่
ฝันว่ามี(ผีทางอ้าย) โอ๊ะ ทางโตอ้าย มายับย้าย คล้ายพัดวี
อยากฝันดีถ้าเป็นได้ อยู่หม่องได๋คือสิซ่วง
ได้ย่างควงเอาแขนอ้าย ผู้หมายซ้อนจนออ่นแฮง
ดีแต่แยงเบิ่งทางฟ้า (เว้ากับหมา) โอ๊ะ ฝากนภาว่าเป็นห่วง
ปานคำทวงคอยถามเว้า ว่า "ฮักเจ้าคือเก่าเด้อ"

::)

[ศรีสะท้าน]

หลับฝันดีเด้อหล่า อ้ายสิขออำลาจากฝันเจ้าที่เคยกล่าว
อ้ายบ่แม่นผู้บ่าว พอสิหยอหยอกเจ้าเป็นเถ่านั่งตอ
ความคึดหวังอยากพ้อ กะสืบส่อภายใน
ส่งกำลังแฮงใจฝากกัน สัมพันธ์เกี้ยว
บ่ได้เทียวทางท้วง แสนสิหวงบ่อาจเอ่ย
บอกเฉลยบ่ได้ ใจอ้ายแค่ฮ่ำฮอน
คึดอ้อนต้อน นำต่อนสิเหนหา
แต่กรรมมาพานพัด พรากเพียงเอียงคล้อย
ขอให้อวนศรีส่อย สูงลอยล้ำหยิ่ง
สรรพสิ่งต่อนฮ้าย อย่ากรายใกล้ให้อยู่ดี..พี่เนอ

ฮ่วย ผญาคือมาออกแนวนี้นอ บาดนี้ อิ อิ ว่าไปตามคึดพ้อซื่อๆดอกพี่น้อง เหอ ๆ ๆ

[sompoi]

หลับฝันดีโลดเด้ออ้ายใจน้องจะยังห่วงนำ..
..คือเก่าอ่ะละเด้อจ้า...(ให้อ้ายเสื้อแดงผุเฝ่าถังน้ามผุนั่นเด้อ.)

ปล.ขอบคุณอ้ายโจ่โล่สำหรับกลอนที่สอนสั่ง 8)
ขอบคุณ สำหรับผญาฝังรอยยําบอกฝันดีเด้ออ้ายซายศรีเด้อจ้า..:g

[ไก่น้อย]

ขอบคุณหลายคำพี่ชายบรรยายว่า ให้ฝันดีเด้อหล่า 715 ให้ซื้อเอา (ฮ่วย....คือให้หวยต้นเดือนแทะหละ อิอิ)

ปล....ซึ้งแทนผุลังคนเด๋ มาอ่านผญาแล้วกะดาย กินกาแฟกะบ่ต้องใส่น้ำตาลพี่น้องเอ้ย..เปิดกะทู้นี้มามดไต่หน้าจอ กะยังว๊า....... ฮิ้ววววว

[radio]jolo/Paya/Gooddream.wma[/radio]
คิดบ่ออกเลย มื้อนิ เอาเพลงมากล่อมหละกันเนาะ .......ฝันดีคือกันค่ะ


ขออภัย มาแก้ไขเพลงน้องไก่เด้อน้องเด้อ ให้มันไปนำกันแน่จักหน่อยซั่นดอกน้อง ฮ่า ๆ ๆ

[บ่าวโจ่โล่]

ความรำพึงดึงใจอ้าย คำบรรยายอยากฝากส่ง จุดประสงค์ที่อยากเว้า คิดฮอดเจ้าคือเก่าเด้อ

บ่หวนเจอได้พ้อหน้า พร้อมแววตาที่ออ้ยอิ่ง แต่ความจริงที่รับรู้ ใจเคียงคู่น้องบ่เซา

สิแม่นเหงาตั๊วเคียงอ้าย เบิ่งรูปถ่ายแล้วนอนฝัน เติมใจกันยามห่วงหา ยิ้มไส่ฝากะยังได้

เป็นจั่งได๋แน่น้อหล่า กินเข้าปลาแล้วหล่ะไป ถ้ามีไผมานั่งเฝ้า บอกเขาด้วย ถ้าพี่เด้อ

"อ้ายฮักเธอ" คำสั้น สั้น แต่เป็นฝัน หม่องอ้ายก่อ สิเปลี่ยนแปรง อีกพอศอ กะยังขอฮักแต่เจ้า ทุกคำเว้าบ่เปลี่ยนแปลง

หล่าคำแพงหัวใจอ้าย คิดฮอดหลายวันคืนผ่าน สิเนิ่นนานกะอยากเว้า ยังฮักเจ้าอยู่เสมอ น้องสาวเอ๊ยยยยยย




บ่ได้มาเติมดนหล่ะครับ พี่น้องครับ ยังม่วนคือเก่าบ่้น้อครับ

::)